Imbombo 2:17 - IBAYIBOLO 2024

¹⁷ ‘U Chala akati: Izi zyo zizyo nkwiza pakubomba mumasiku aghabumalilo, nkwiza pakupungulila Umuzimu wane pabantu bosi. Abana binyu abalumendo na balindu bakwiza pakulaghula, abaghosi bakwiza pakulota ivilota, bope abalumendo bakwiza pakwennya ivisetuka.

Ulufingo Ulupya

¹⁷ ‘U Chala akati: Izi zyo zizyo inkwiza pakubomba mumasiku aghabumalilo, inkwiza pakupungulila Umuzimu wane pa bantu bosi. Abana binyu abalumendo na balindu bakwiza pakulaghula, abaghosi bakwiza pakulota ivilota, bope abalumendo bakwiza pakwennya ivisetuka.

Imbombo 2:17 Iomraidhean Croise

Yesaya 44:3

Pakuti nkwiza pakupungulila amizi pachisu ichanyota, nukubika utusoko pachisu ichumizu, Nkwiza pakupungulila u Muzimu wane pabana binyu, sona nu lusayo lwane pabaluko lwinyu.

Imbombo 10:45

Abitiki aba Chiyuda babo bakafuma mu Yopa poka nu Pitala bakaswigha ukuti u Chala apungulila ichabupi chache icha Muzimu Umuzelu mubantu babo bate ba Yuda bope.

Yohani 7:39

U Yesu akanenagha nizya Muzimu Umuzelu, yuyo abantu babo bakamusubila bakizagha pakupokela. Pakabalilo kalakala u Muzimu Umuzelu akaba achili atapeghiwe pakuti u Yesu akaba achili pakupokela ubuchindamu.

Zekaliya 12:10

“Po nkwiza pakubapungulila umoyo uwa chisa nuwa nyiputo pabanyumba iya Devedi sona napa bantu babo bakwikala mu Yelusalemu. Bakwiza pakumwenelezya umuntu yuyo bakamulasa, bakwiza pakumulila, ngati mumo umuntu akumulilila umwana wache mwene na mwene, sona akuba ni chitima nkani ngati mumo umuntu akubela ni chitima numwana wache ukatote.

Ezekiyeli 11:19

Nkwiza pakubapa umoyo umupya ninyinong'ono impya nukwefyamo umoyo ghugho ghuli ngati libwe nukubapa umoyo uwa kwivwila.

Aba Hebeli 1:2

Loli mumasiku aghabumalilo agha anena namwe ukwendela mu Mwana wache, yuyo akamwimika ukuti apyane ivintu vyosi, sona akapela ichisu ichapasi ukwendela mumwache.

1 Aba Kolinti 12:28

Muchipanga ichakwanda u Chala akasala abatumiwa, ichabubili abalaghuzi, ichabutatu abamanyisi, pisinda pache babo bakupela ivyika, sona babo bali ni chabupi ichakupozezya ububine, pamo babo bali ni chabupi ichakubavwa abanji, pamo babo bali ni chabupi icha bulongozi, pamo babo bali ni chabupi ichakunenela mundimi injeni.

Luka 3:6

Abantu bosi bakwiza pakwennya ubupoki ubwa Chala!’ ”

Imbombo 21:9

Akaba na balindu folo abasita kusendwa, babo bakanenagha amazyu agha Chala.

Hoseya 3:5

Loli bo pachilapo akabalilo aba Izilayeli bakwiza pakunyokela nukumulondelezya u Mwene u Chala wabo, sona nu Devedi u mwene wabo. Bakwiza kwa Mwene bo bakutetema umwakuti bapokele ubwiza bwache ubwa bumalilo.

2 Pitala 3:3

Ichakwanda pavyosi, mubaghiye pakwivwisya ukuti mumasiku aghabumalilo abantu abalobezyo bakwiza pakuboneka babo bakukonka ivinyonywa vyabo ivibibi.

1 Aba Kolinti 12:10

yumo akumupa amaka aghakupelela ivyika, po uyunji ichabupi icha bulaghuzi. Umuntu yumo akumupa ichabupi ichakupaghulannya imizimu, uyunji akumupa ichabupi ichakunenela mundimi injeni, sona uyunji akumupa ichabupi ichakusanusya indimi injeni.

Aba Loma 5:5

Ulusubilo ulu lutakutukozya isoni, pachifukwa ichakuti u Chala pakwendela mu Muzimu Umuzelu, yuyo akatupa, akizuzya amoyo ghitu nu lughano lwache.

Ezekiyeli 39:29

Ntakwiza pakubafisa sona icheni chane, pakuti nkwiza pakubapungulila Umuzimu wane aba Izilayeli,” U Mwene Uwamaka Ghosi anena.

Yesaya 66:23

Pisiku ilya Kupanta ukwa Mwezi ukufika Pisiku ilinji ilya Kupanta ukwa Mwezi ughunji, ukwanda Pisiku Ilyakutuzya ukufika Pisiku ilinji Ilyakutuzya, umuntu wesi akwiza pakwiputagha pantazi papane.” U Mwene anena.

Zekaliya 2:13

Mwe bantu mwebosi, mubanje bulo myee pamaso pa Mwene, pakuti avundumuka ku buzilo bwache ubuzelu bubo akwikalako.

Yesaya 2:2

Mumasiku aghabumalilo, ighamba ilya Nyumba iya Mwene, likwiza pakuba litali nkani pakasi pamaghamba ghosi. Likwiza pakuboneka pamwanya pamaghamba ghosi, sona inko zyosi zikwiza pakuchimbilila kulakula.

Ivyili 1:23

Nanti mwivwanga isoki zyane, ngali imbabuzizye inyinong'ono zyane, sona ngali imbamanyizizye amahala ghane.

Masalimo 72:6

Akwiza pakuba ngati vula yiyo yikutima pamaghunda, sona ngati vula iyakusalasata pachisu.

Yohani 17:2

Pakuti ukamupa ubulaghili ubwakulaghilila abantu bosi, umwakuti abape ubumi ubwa bwila na bwila bosi babo ukamupa.

Mika 4:1

Mumasiku aghabumalilo, ighamba ilya Nyumba iya Mwene likwiza pakuba litali nkani pakasi pamaghamba ghosi. Likwiza pakuboneka pamwanya pamaghamba ghosi, sona inko zikwiza pakuchimbilila kulakula.

Yesaya 40:5

Po ubuchindamu ubwa Mwene bukwiza pakuvumbuliwa, sona abantu bosi bakwiza pakwennya.” U Mwene anena.

Ubwandilo 49:1

Bo u Yakobo amusaya u Efulayimu nu Manase, akabitizya abana bache nukuti, “Mubungane poka mwebosi, umwakuti imbabuzye zizyo zikwiza pakubabonekela muntazi.

Yesaya 49:26

Nkwiza pakubapela abayinvyi binyu pakulya amabili ghabo, bakwiza pakung'wela ibanda lyabo, ngati mumo bakubombela nu vinyo. Po umuntu wesi akwiza pakummanya ane ukuti, ne Mwene, u Mupoki winyu, Umutabuli winyu, Uwamaka uwa Yakobo.”

Yakobo 5:3

Ugolide winyu nu siliva vyawa uluzima. Uluzima lunulu lo lulo lukwiza pakuba we kaboni uwakubasusya, sona lukwiza pakunangannya umubili winyu ghosi ngati gho moto. Mwilundikila ubukabi mumasiku aghabumalilo agha.

Daniyeli 10:14

Ilelo niza pakukulingannya zizyo zikwiza pakubawila aba inko yako muntazi muno, pakuti ichisetuka chinichi chikunena nizya muntazi.”

Ubwandilo 6:12

U Chala akagha ukuti ichisu ichapasi chambibi, pakuti abantu bosi bakaba ni nkalo imbibi nkani.

Masalimo 65:2

Awe we ukwivwa inyiputo, abantu bosi bizaghe kukwako.

Imbombo 11:28

Yumo uwa balaghuzi bala, yuyo akaba we Agabasi, akimilila na maka agha Muzimu Umuzelu akalaghula ukuti izala inkulu yikaba papipi pakuwa muchisu chosi ichapasi. (Naloli yikawa pakabalilo aka Mwene u Kalabudiyasi)

Imbombo 2:16

Loli izi zyo zizyo umulaghuzi u Yoweli akanena akati,

Imbombo 2:18

Pakabalilo kalakala nkwiza pakupungulila Umuzimu wane, pa bambombo bane abanavuli na bakolo bulo, nukulaghula amazyu ghane.

Imbombo 2:33

U Yesu akakweziwa nukwikala kunyobe indilo iya Chala, akapokela u Muzimu Umuzelu yuyo Uwise akalayizya. Vivyo mukuvyennya nukwivwa ivyabupi vyache vivyo vyapunguliliwa papitu.

Imbombo 11:27

Akabalilo kalakala abalaghuzi bamo bakafuma ku Yelusalemu nukubuka ku Antiyokiya.