Imbombo 19:8 - IBAYIBOLO 2024

⁸ U Pabuli akinjila munyumba iyakwiputilamo nukunena nu bujivu amezi matatu na bantu. Akanenezannya nabo nukuyezya pakubadeba nizya Bumwene ubwa Chala.

Ulufingo Ulupya

⁸ U Pabuli akinjila munyumba iyakwiputilamo nukunena nu bujivu amezi matatu na bantu. Akanenezannya nabo nukuyezya pakubadeba nizya Bumwene ubwa Chala.

Imbombo 19:8 Iomraidhean Croise

Imbombo 1:3

Bo amayimba ghache ghamala, u Yesu akababonekela mumasiku 40 mutubalilo utwinji, pakubasimikizya ukuti naloli akaba mumi. Abene bakamwennya, po akanena nabo nizya Bumwene ubwa Chala.

Imbombo 13:14

Bakendelela nu bulendo bwabo ukufuma mu Peliga nukufika mukaya akakulu nkani aka Antiyokiya muchigaba icha Pisidiya. Pisiku Ilyakutuzya bakinjila munyumba iyakwiputilamo nukwikala pasi.

Imbombo 13:46

Loli pope bulo u Pabuli nu Balanabasi bakanena nu bujivu bakati, “Chikaba chakulondiwa ukuti amazyu agha Chala ghalumbililiwe tasi kukwinyu. Loli pakuti mwaghakana, sona ukuti mukwinong'ona mutabaghiye pakupokela ubumi ubwa bwila na bwila, tukwiza pakubaleka nukubuka pakasi pabantu babo bate ba Yuda.

Imbombo 14:1

Ichintu chinichi chikabombiwa sona mu Ikoniya. U Pabuli nu Balanabasi bakabuka munyumba iyakwiputilamo iya ba Yuda nukunena na maka, umwakuti aba Yuda, sona na bantu babo bate ba Yuda abinji bakasubila.

Imbombo 17:17

Po akanenezannya naba Yuda munyumba iyakwiputilamo, poka na bantu babo bate ba Yuda babo bakamwiputagha u Chala, akanenezannyanga sona na bantu abanji babo bakaghiwanga pamunalo isiku ni siku.

Imbombo 18:19

Bakafika mukaya akakulu nkani aka Efeso kuko u Pabuli akamuleka u Pulisika nu Akwila. Po akinjila munyumba iyakwiputilamo nukunenezannya naba Yuda.

Imbombo 18:26

Po akanda pakunena nu bujivu nkani munyumba iyakwiputilamo. Bo u Pulisika nu Akwila bamwivwa, bakamusenda nukubuka nawe kunyumba yabo nukumulingannya akiza nkani nizya Zila iya Chala.

Imbombo 18:4

Pisiku lyosi Ilyakutuzya akanenezannyanga na bantu munyumba iyakwiputilamo ukuyezya pakubadeba bosi poka aba Yuda na bantu babo bate ba Yuda.

Imbombo 19:10

U Pabuli akendelela pakubomba zinizi amaka mabili, umwakuti abantu bosi babo bakikalagha muchigaba icha Asiya, aba Yuda na bantu babo bate ba Yuda bakivwa amazyu agha Mwene.

Imbombo 19:7

Abantu bosi poka bakabapo 12.

Imbombo 19:9

Loli bamo bakaba na moyo amakafu, sona batakasubila nukuyisamula Izila iya Mwene pamaso pa chilundilo chosi. U Pabuli akabaleka nukubasenda abamanyili nukubuka nabo, po isiku ni siku pa 11 koloko pandabindabi mupaka pa folo koloko pachamabwila bakanenezannyanga munyumba iyakumanyililamo iya Tilana.

Imbombo 20:31

Po mubanje maso! Mukumbukaye ukuti pamaka matatu, umusanya nu busiku intakalekapo nalumolumo pakubamanyisya mwebosi na masozi.

Imbombo 28:23

Po bakivwana nawe isiku ilyakuti bakomane, po ichilundilo icha bantu chikiza pisiku lilalila kunyumba kuko u Pabuli akikalagha. Akabalingannya nukunena nabo nizya Bumwene ubwa Chala ukwandila pandabindabi mupaka pabusiku nukuyezya pakubadeba nizya Yesu ukufuma mu mabuku agha Ndaghilo izya Mozesi na mu mabuku agha balaghuzi.

Yuda 1:3

Mwee bamanyani bane abaghaniwa, nkalondagha nkani pakubasimbila nizya bupoki bubo twebosi tuli nabo. Loli ilelo nadumula ukuti imbasimbile koka bulo pakubalaba ukuti mulwe nkani ubwite pakulwimila ulwitiko lulo u Chala abapiye abantu bache.