Imbombo 16:1 - IBAYIBOLO 2024

¹ U Pabuli akenda mupaka kukaya akakulu nkani aka Delibe nu Lisitila. Mulamula mu Lisitila mukikalagha umumanyili yumo, yuyo akaba we Timoti. Unyina akaba mu Yuda umwitiki, loli uwise akaba mu Giliki.

Ulufingo Ulupya

¹ U Pabuli akenda mupaka kukaya akakulu nkani aka Delibe nu Lisitila. Mulamula mu Lisitila mukikalagha umumanyili yumo, yuyo akaba we Timoti. Unyina akaba mu Yuda mwitiki, loli uwise akaba mu Giliki.

Imbombo 16:1 Iomraidhean Croise

Ezila 9:2

Babasendite abana babo abalindu pakuba bachi babo sona pakuba balasagha babo. Abantu abapaghuliwa biyonganizye na bantu aba inko izinji babo babazyunguliye. Pachifukwa ichakusita ukusubiliwa, abalongozi na makambala bo babo bali pantazi pakuzibomba zinizi.”

Imbombo 14:1

Ichintu chinichi chikabombiwa sona mu Ikoniya. U Pabuli nu Balanabasi bakabuka munyumba iyakwiputilamo iya ba Yuda nukunena na maka, umwakuti aba Yuda, sona na bantu babo bate ba Yuda abinji bakasubila.

Imbombo 14:21

Bo u Pabuli nu Balanabasi balumbilila Amazyu Amiza mu Delibe nukukaba abitiki abinji, bakanyokela mu Lisitila, na mu Ikoniya, sona na mu Antiyokiya muchigaba icha Pisidiya.

Imbombo 14:6

Bo abatumiwa bamanya zinizi bakachimbilila mukaya akakulu nkani aka Lisitila naka Delibe muchigaba icha Likaboniya, sona na muvigaba vivyo vizyunguliye.

Imbombo 17:14

Panapo na panapo abitiki bakamutuma u Pabuli piloboko ilya nyanja; loli u Sila nu Timoti bakasyalikila mukaya kalakala aka Beleya.

Imbombo 18:5

Bo u Sila nu Timoti bafika ukufuma muchigaba icha Makedoniya, u Pabuli akiyipa akabalilo kache kosi pakulumbilila amazyu, ukubasimikizya aba Yuda ukuti u Yesu we Mesiya.

Imbombo 19:22

Po akatuma abavwilizi bache babili u Timoti nu Elasita ku Makedoniya, bo umwene asyalikila muchigaba icha Asiya akabalilo akakulu.

Aba Loma 16:21

U Timoti, umubombi uwamwitu, akubalamuka. U Lusiyasi nu Yasoni, sona nu Sosipateli, aba Yuda abamwitu bope bakubalamuka.

1 Aba Kolinti 16:10

Nanti u Timoti akwiza, mwenelezye ukuti mwamupokela akiza pakuti akumubombela u Mwene ngati mumo imbeleye.

1 Aba Kolinti 4:17

Pachifukwa chinichi, nkubatumila u Timoti, yuyo mwana wane umughaniwa. Umwene we musubiliwa mwa Mwene. Akwiza pakubakumbusya nizya bumi bwane mwa Kilisitu u Yesu, bubo nkumanyisya kosi na kosi muvipanga vyosi.

1 Aba Kolinti 7:14

Pakuti umwanavuli yuyo ate mukilisitu akupalamila kwa Chala ukwendela mu muchi wache. Umwakuyana bulo, wepe umukolo yuyo ate mukilisitu akupalamila kwa Chala ukwendela mu mulume wache. Nanti zitakabanga bunubu, po ngali abana binyu bakuzi, loli ukuyana namumo zibeleye, naloli bakupalamila kwa Chala.

2 Aba Kolinti 1:1

Ane ne Pabuli, umutumiwa uwa Kilisitu u Yesu ukuyana nu bwighane ubwa Chala, sona indi poka nu mukamu witu u Timoti. Tukuchisimbila ichipanga icha Chala icha mu Kolinti, sona na bantu bosi abazelu aba Chala aba muchigaba chosi icha Akaya:

2 Aba Kolinti 1:19

Pakuti u Yesu Kilisitu, u Mwana uwa Chala, yuyo ane nu Silivana, sona nu Timoti tukamulumbililagha pakasi papinyu, ate we, “Eee” nu “Awe”, loli akabalilo kosi akabanga “Eee” uwa Chala.

Aba Filipi 1:1

Ane ne Pabuli poka nu Timoti, aswe twe babombi aba Kilisitu u Yesu. Ukubasimbila abantu bosi abazelu aba Chala aba mu Filipi, babo ubumi bwabo bwamamatilana poka nu Kilisitu Yesu, nkaninkani abalongozi aba chipanga, sona na bavwilizi babo.

Aba Filipi 2:19

Nanti u Mwene u Yesu itikizya, nkusubila ukuti nkwiza pakubatumila u Timoti lunulu, umwakuti ningakaziwa pakwivwa mumo mukwikalila.

Aba Kolosi 1:1

Ane ne Pabuli, umutumiwa uwa Kilisitu u Yesu mubwighane ubwa Chala, sona indi poka nu mukamu witu u Timoti.

1 Aba Tesalonika 1:1

Ane ne Pabuli, poka nu Silivana, sona nu Timoti. Tukuchisimbila ichipanga icha mu Tesalonika, chicho icha Chala u Tata, sona nu Mwene u Yesu Kilisitu. Ichisa nu mutende vibanje namwe.

1 Aba Tesalonika 3:2

Tukamutuma u Timoti, yuyo we mukamu witu, sona mubombi uwamwitu mumbombo iya Chala iyakulumbilila Amazyu Amiza agha Kilisitu pakubapa amaka nukubakazya mulwitiko lwinyu,

1 Aba Tesalonika 3:6

Loli ilelo u Timoti abwelako kukwinyu, sona atwizila ni pangwi ilyiza nizya lwitiko nu lughano lwinyu. Atubuzya aswe ukuti bwila mukutwinong'onela akiza, sona nukuti mukulonda nkani ukutwennya ukuyana namumo naswe bulo tukulondela pakubennya.

2 Aba Tesalonika 1:1

Ane ne Pabuli, poka nu Silivana, sona nu Timoti. Tukuchisimbila ichipanga icha mu Tesalonika, chicho cha Chala u Tata, sona nu Mwene u Yesu Kilisitu.

1 Timoti 1:18

Wee mwana wane Timoti, nkukupa ilamulo ili ukuyana na mazyu ghagho abalaghuzi bakalaghula. Leka amazyu agha ghabanje vilwilo vyako ukuti ungalwa ubwite ubwiza.

1 Timoti 1:2

Nkukusimbila awe Timoti we mwana wane umwenecho mulwitiko. Ichisa nu mutende ivya kwa Chala u Tata, sona nu Kilisitu u Yesu u Mwene witu vibanje nawe.

2 Timoti 1:2

Nkumusimbila u Timoti, umwana wane umughaniwa. Ichisa nu bwiza, sona nu mutende ivyakufuma kwa Chala u Tata nu Kilisitu u Yesu u Mwene witu vibanje nawe.

2 Timoti 1:5

Nkukumbuka sona nizya lwitiko ulwenecho lulo uli nalo, ulwitiko lulo unyokokulu u Loyisi, sona wepe nu nyoko u Yuniki akaba nalo. Indi nu lusubilo ukuti nawe bulo uli nalo.

2 Timoti 3:11

nukuvwimiwa kwane, sona na mayimba ghane. Uzimenye ukuti vyosi vivyo vikangwila mu Antiyokiya, na mu Ikoniya, sona na mu Lisitila, nkajimba nkani! Loli u Mwene akampoka muvintu vyosi vinivi.

Filimoni 1:1

Ane ne Pabuli, ne indi mujele pachifukwa icha Kilisitu u Yesu, sona na mubuzilo ubwa Timoti umukamu witu. Nkumusimbila u Filimoni, yuyo mumanyani witu, sona nu mubombi uwamwitu.

Aba Hebeli 13:23

Nkulonda mumanye ukuti umukamu witu u Timoti afuma mujele. Nanti angiza lubilolubilo, nkwiza nawe poka pakubennya.