Imbombo 15:4 - IBAYIBOLO 2024

⁴ Bo bafika mu Yelusalemu, bakapokeleliwa ni chipanga, na batumiwa, sona na basongo aba chipanga nukubabuzya zyosi zizyo u Chala akabomba ukwendela mumwabo.

Ulufingo Ulupya

⁴ Bo bafika mu Yelusalemu, bakapokeleliwa ni chipanga, na batumiwa, sona na basongo aba chipanga nukubabuzya zyosi zizyo u Chala akabomba ukwendela mumwabo.

Imbombo 15:4 Iomraidhean Croise

Matayi 10:40

“Umuntu wesi yuyo akubapokela akiza akumpokela nene. Umuntu wesi yuyo akumpokela akiza, akumupokela wepe bulo yuyo akantuma.

Imbombo 11:30

Bakabomba zinizi, po bakabatumila ubwavwilizi bula abasongo aba chipanga ukwendela mwa Balanabasi nu Sabuli.

Imbombo 14:27

Bo bafika mu Antiyokiya, bakachibungannya poka ichipanga nukuchibuzya zyosi zizyo u Chala ababombela, sona namumo ighuliye izila pakasi pabantu babo bate ba Yuda ukuti basubile.

Imbombo 15:12

Ichilundilo chosi chikaba myee, bo chikuteghelezya zizyo u Balanabasi nu Pabuli bakubalingannyanga nizya vyika ni viswigho vyosi vivyo u Chala akabomba pakasi pabantu babo bate ba Yuda ukwendela mumwabo.

Imbombo 15:2

U Pabuli nu Balanabasi bakanda pakudalinkana nabo nkani nizya fundo iyi. Po kukadumuliwa ukuti u Pabuli nu Balanabasi na bamwabo bamo aba mu Antiyokiya babukaye ku Yelusalemu nukunenezannya na batumiwa poka na basongo aba chipanga nizya fundo iyi.

Imbombo 15:22

Po abatumiwa, na basongo aba chipanga, poka ni chipanga chosi, bakinong'ona pakusala abantu bamo mukabukatila kabo nukubatuma ku Antiyokiya poka nu Pabuli nu Balanabasi. Bakasala u Yudasi yuyo akwitiziwa ukuti we Balasabasi nu Sila babo bakaba bakuchindikiwa nkani na bitiki,

Imbombo 15:3

Bakatumiwa ni chipanga, po bo bakwenda muchigaba icha Fonike, na mu Samaliya, bakabalingannya abantu mumo bantu babo bate ba Yuda bakapindukila kwa Chala; amazyu agha ghakabapa ubuhobosu ubukulu abitiki bosi.

Imbombo 15:6

Abatumiwa na basongo aba chipanga bakakomana poka ukuti banenezannye nizya fundo yila.

Imbombo 16:4

Bo bakudumusannya mutwaya, bakabapa abitiki amalamulo, ghagho ghakapangiwa na batumiwa na basongo aba chipanga mu Yelusalemu nukubabuzya ukuti bendelele pakughakonka.

Imbombo 18:27

Bo u Apolo inong'ona pakubuka ku Akaya, abitiki aba mu Efeso bakamukazya nukubasimbila abamanyili aba mu Akaya, ukulaba ukuti bamupokele. Bo afika mulamula, akabavwa nkani abantu babo bakasubila ukwendela muchisa icha Chala.

Imbombo 21:17

Bo twafika mu Yelusalemu, abitiki bakatupokela nu moyo ghosi.

Imbombo 21:19

U Pabuli akabalamuka nukubabuzya zyosi zizyo u Chala akabomba mubantu babo bate ba Yuda ukwendela mu butumiwa bwache.

Aba Loma 15:18

Ntakwiza pakujimba pakunena nizya chintu ichinji, awe, loli zyene zizyo u Kilisitu abomba ukwendela mumwane ukuti imbavwe abantu babo bate ba Yuda pakumwivwila u Chala ukwendela mu mazyu ghane, sona na mumbombo zyane,

Aba Loma 15:7

Polelo mupokelelanaye akiza ukuyana namumo u Kilisitu akabapokelela, umwakuti u Chala apaliwanje.

1 Aba Kolinti 15:10

Loli muchisa icha Chala indi mumo imbeleye, sona ichisa chache papane chitakaba chabulo, awe. Loli nkiyula nkani ukuchila abatumiwa abanji bosi, napapo intakaba nene, loli chisa icha Chala chicho chili nane.

2 Aba Kolinti 5:19

ukuti u Chala akasayannyanga abantu bosi pachisu ichapasi nu Chala umwenecho ukwendela mwa Kilisitu ukusita ukwennya imbibi zyabo. Po umwene akatupa amazyu aghakunena nizya kusayana.

2 Aba Kolinti 6:1

Pakuti tukubomba imbombo poka nu Chala, tukubalaba ukuti mutakachipokelaye ichisa icha Chala ngati po chintu chicho chite ni mbombo.

Aba Kolosi 4:10

Wepe u Alisitalika, yuyo ali poka nane mujele akubalamuka, sona wepe nu Maliko, umuvyala uwa Balanabasi akubalamuka. Mukabuziwa kale nizya Maliko ukuti nanti iza kukwinyu, mumupokele akiza.

2 Yohani 1:10

Polelo umuntu wesi yuyo akwiza kukwinyu loli atakwiza ni chimanyisyo chinichi mutakamwinjizyanje munyumba zyinyu, sona kope nukumulamuka mutakamulamukaye.