Imbombo 14:1 - IBAYIBOLO 2024

¹ Ichintu chinichi chikabombiwa sona mu Ikoniya. U Pabuli nu Balanabasi bakabuka munyumba iyakwiputilamo iya ba Yuda nukunena na maka, umwakuti aba Yuda, sona na bantu babo bate ba Yuda abinji bakasubila.

Ulufingo Ulupya

¹ Ichintu chinichi chikabombiwa sona mu Ikoniya. U Pabuli nu Balanabasi bakabuka munyumba iyakwiputilamo iya ba Yuda nukunena na maka, umwakuti aba Yuda, sona na bantu babo bate ba Yuda abinji bakasubila.

Imbombo 14:1 Iomraidhean Croise

Maliko 7:26

Umukolo yula atakaba mu Yuda, akapapiwa muchigaba icha Silofonike. Akamulaba u Yesu ukuti efyemo umuzimu umubibi mu mwana wache.

Yohani 12:20

Bakabamo bamo aba Giliki pakasi pabantu babo bakabuka mu Yelusalemu pakumwiputa u Chala pakabalilo aka lusekelo.

Yohani 7:35

Abalaghili aba Chiyuda bakalalusannya benebene bakati, “Nkimba umuntu yunuyu akulonda pakubuka kwiyi kuko tutangamwagha? Nkimba akulonda pakubuka muvyisu ivya ba Giliki kuko abantu bitu bakwikala nukubamanyisya aba Giliki?

Imbombo 11:21

Amaka agha Mwene ghakaba nabo, po bantu abinji bakasubila nukupindukila kwa Mwene.

Imbombo 13:43

Bo abantu bepapo palukomano lula, aba Yuda na bantu babo bate ba Yuda abinji babo bakapindukila ku Chiyuda bakamukonka u Pabuli nu Balanabasi. Abatumiwa bakababuzya nukubakazya ukuti bendelele pakwikala ukuyana ni chisa icha Chala.

Imbombo 13:46

Loli pope bulo u Pabuli nu Balanabasi bakanena nu bujivu bakati, “Chikaba chakulondiwa ukuti amazyu agha Chala ghalumbililiwe tasi kukwinyu. Loli pakuti mwaghakana, sona ukuti mukwinong'ona mutabaghiye pakupokela ubumi ubwa bwila na bwila, tukwiza pakubaleka nukubuka pakasi pabantu babo bate ba Yuda.

Imbombo 13:5

Bo bafika mu Salami, bakalumbilila amazyu agha Chala munyumba izyakwiputilamo. Bakaba poka nu Yohani Maliko, yuyo akabavwanga mumbombo yabo.

Imbombo 13:51

Abatumiwa bakakung'unta ulufumbi munyayo zyabo pakuba chimanyilo ichakubasoka nukubuka ku Ikoniya.

Imbombo 14:19

Aba Yuda bamo abakufuma mu Antiyokiya, mu Pisidiya, sona na mu Ikoniya bakiza nukuchisonjelezya ichilundilo icha bantu chila. Po abantu bakamusumba u Pabuli na mabwe nukumuwesela kuzi ukwa kaya kala, pachifukwa ichakuti bakinong'onagha ukuti afuye.

Imbombo 14:2

Loli aba Yuda babo batakasubila, bakabasonjelezya abantu babo bate ba Yuda ukuti bababenge abitiki.

Imbombo 14:21

Bo u Pabuli nu Balanabasi balumbilila Amazyu Amiza mu Delibe nukukaba abitiki abinji, bakanyokela mu Lisitila, na mu Ikoniya, sona na mu Antiyokiya muchigaba icha Pisidiya.

Imbombo 16:1

U Pabuli akenda mupaka kukaya akakulu nkani aka Delibe nu Lisitila. Mulamula mu Lisitila mukikalagha umumanyili yumo, yuyo akaba we Timoti. Unyina akaba mu Yuda umwitiki, loli uwise akaba mu Giliki.

Imbombo 16:2

Abitiki bosi aba mu Lisitila na mu Ikoniya bakamupala u Timoti.

Imbombo 17:12

Aba Yuda abinji bakasubila; bope na bakolo abinji abamanyikwe aba Chigiliki, poka na banavuli abinji bakasubila.

Imbombo 17:17

Po akanenezannya naba Yuda munyumba iyakwiputilamo, poka na bantu babo bate ba Yuda babo bakamwiputagha u Chala, akanenezannyanga sona na bantu abanji babo bakaghiwanga pamunalo isiku ni siku.

Imbombo 17:4

Bamo bakapepekiwa nukumukonka u Pabuli nu Sila. Abakolo abinji babo bakaba bamanyikwe, poka na kabukatila akakulu aka Chigiliki, kako kakamwiputagha u Chala.

Imbombo 18:4

Pisiku lyosi Ilyakutuzya akanenezannyanga na bantu munyumba iyakwiputilamo ukuyezya pakubadeba bosi poka aba Yuda na bantu babo bate ba Yuda.

Imbombo 18:8

U Kilisipa yuyo akaba mulongozi uwa nyumba iyakwiputilamo poka ni mbumba yache akasubilagha mwa Mwene; sona na bantu abanji abinji aba mu Kolinti bakivwa amazyu agha Pabuli nukusubila, po bakoziwa.

Imbombo 19:10

U Pabuli akendelela pakubomba zinizi amaka mabili, umwakuti abantu bosi babo bakikalagha muchigaba icha Asiya, aba Yuda na bantu babo bate ba Yuda bakivwa amazyu agha Mwene.

Imbombo 19:17

Bo aba Yuda na bantu babo bate ba Yuda bosi babo bakikalagha mu Efeso bivwa zinizi, bakizula nubogha, lyope itabwa ilya Mwene u Yesu likapeghiwa umuchizi umukulu nkani.

Imbombo 19:8

U Pabuli akinjila munyumba iyakwiputilamo nukunena nu bujivu amezi matatu na bantu. Akanenezannya nabo nukuyezya pakubadeba nizya Bumwene ubwa Chala.

Imbombo 2:47

pakumupalizya u Chala, sona abantu bosi bakahoboka nabo. Isiku ni siku u Mwene akonjelezyanga ku kabukatila kabo abantu babo bakapokiwanga.

Imbombo 20:21

Aba Yuda na bantu babo bate ba Yuda, nkabalaba umwakulambilizya nkani ukuti bazileke imbibi zyabo nukupindukila kwa Chala nukusubila mwa Mwene u Yesu.

Imbombo 21:28

Bakakolomoka nkani bakati, “Mwe ba Izilayeli! Zagha mutwavwe! Uyu we muntu yuyo akubamanyisya abantu bosi kosi na kosi pakulusamula uluko lwitu, Indaghilo izya Mozesi ni Nyumba iya Chala iyi. Ukonjelezya pazinizi abinjizya sona abantu babo bate ba Yuda mu Nyumba iya Chala nukunyazya Ubuzilo Ubuzelu ubu!”

Imbombo 9:20

Panapo na panapo akanda pakulumbilila munyumba izyakwiputilamo ukuti u Yesu we Mwana uwa Chala.

Aba Loma 1:16

Pakuti inte ni soni pakulumbilila Amazyu Amiza, pachifukwa ichakuti gho maka agha Chala ghagho ghakubapoka abantu bosi babo bakusubila, ukwandila naba Yuda, pisinda pache na bantu babo bate ba Yuda bulo.

Aba Loma 10:12

Pakuti butalipo ukulekana pakasi paba Yuda na bantu babo bate ba Yuda. U Chala we Mwene uwa bosi, sona akubasaya nkani abantu bosi babo bakwitizya kukwache.

Aba Galatiya 2:3

Loli napapo umumanyani wane u Titi akaba mu Giliki, atakafyengiwa ukuti asilimuliwe.

Aba Galatiya 3:28

Polelo patalipo ukulekana nakumokumo pakasi pa mu Yuda nu muntu yuyo ate mu Yuda, pakasi pa muzya nu muntu umusatuke, pakasi pa mwanavuli nu mukolo, pakuti mwebosi mwe muntu weka pakumamatilana poka nu Kilisitu u Yesu.

Aba Kolosi 3:11

Mubumi ubupya ubu, patalipo sona ukulekana pakasi pa mu Yuda nu muntu yuyo ate mu Yuda, pakasi pa musilimuliwa pamo umusita ukusilimuliwa, umuntu muyeni pamo umuntu yuyo ate mumanyi, umuzya pamo umuntu umusatuke, loli u Kilisitu we vyosi, sona akwikala mu bosi.

2 Timoti 3:11

nukuvwimiwa kwane, sona na mayimba ghane. Uzimenye ukuti vyosi vivyo vikangwila mu Antiyokiya, na mu Ikoniya, sona na mu Lisitila, nkajimba nkani! Loli u Mwene akampoka muvintu vyosi vinivi.