Imbombo 13:41 - IBAYIBOLO 2024

⁴¹ ‘Ennya, mwe bantu abalobezyo mwee! Muswighaye nukufwa! Pakuti nkwiza pakubomba zimo mumasiku ghinyu, vivyo mutakwiza pakuzisubila, napapo umuntu yumo angababuzya.’ ”

Ulufingo Ulupya

⁴¹ ‘Ennya, mwe bantu abalobezyo mwee! Muswighaye nukufwa! Pakuti vivyo nkubomba ilelo vintu vimo vivyo mutavisubiye, napapo umuntu yumo angabalingannya.’ ”

Imbombo 13:41 Iomraidhean Croise

Ivyili 5:12

Ukwiza pakunena ukuti, “Mwee, nkimba choni chicho nkaghasulannya amafundwe? Nkimba choni chicho intakaba ni mbombo nu luchemelo?

Yesaya 5:24

Polelo, ngati mumo akampesese aka moto kakochela amapembezannya sona ngati mumo isote ilyimizu likupyela mumoto, po amagululuzi ghache ghakwiza pakubola, sona ubwezya bwache bukwiza pakubuluka ngati lufumbi, pakuti bakana ululaghilo ulwa Mwene Uwamaka Ghosi, nukukana izyu ilya Muzelu uwa Izilayeli.

Yesaya 65:15

Mukwiza pakubalekela abasaliwa bane, itabwa lyako ilya chighune, po u Mwene Uwamaka Ghosi akwiza pakukughogha. Loli ababombi bache akwiza pakubita itabwa ilinji.

Ezekiyeli 33:9

Loli nanti ukumusoka umuntu umubibi sona atakuzileka izila zyache imbibi, akwiza pakufwa pachifukwa icha mbibi zyache, loli awe ukwiza pakwipoka wemwene.

Habakuku 1:5

“Talankannya nukuzyennya inko izinji, sona muswighaye nkani. Pakuti nkwiza pakubomba zimo mumasiku ghinyu, vivyo mutakwiza pakuzisubila, napapo mukabuziwa.

Luka 16:14

Bo aba Falisayi bivwa zyosi zinizi, bakamobezya u Yesu pakuti bakazighana nkani indalama.

Luka 23:35

Abantu bakimilila palapala pakwennya bo abalongozi aba Chiyuda bakumobezya u Yesu ukuti, “Akabapokagha abantu abanji, muleke wepe ipoke mwene nanti we Kilisitu yuyo u Chala akamusala.”

Imbombo 13:47

Pakuti u Mwene akatupa ilamulo ilyakuti, ‘Nakubika awe pakuba lukozyo ulwa bantu babo bate ba Yuda, umwakuti abantu bosi aba muchisu ichapasi bapokiwe.’ ”

Imbombo 22:21

Po u Mwene akati, ‘Bukagha pakuti nkwiza pakukutuma kubutali nkani na bantu babo bate ba Yuda.’ ”

Imbombo 3:23

Nanti umuntu yumo atakumwivwila umulaghuzi yulayula akwiza pakusabuliwako pakasi pabantu aba Chala nukumuzimizya.’

Imbombo 6:14

Tukamwivwa akunena ukuti u Yesu uwamu Nazaleti uyu akwiza pakumongolannya Inyumba iya Chala, sona nukwandula inyiho zizyo u Mozesi akatupa!”

1 Aba Tesalonika 2:16

Bakayezya pakutuzigha ukuti tuleke pakulumbilila amazyu pakasi pabantu babo bate ba Yuda umwakuti bangapokiwa. Bunubu akabalilo kosi biyonjelezyanga bulo imbibi zyabo, umwakuti ubukali ubwa Chala bwabawila.

1 Pitala 4:17

Pakuti akabalilo kakwana akakuti u Chala ande pakulonga abantu bache. Nanti ubulongi bukwiza pakwandila naswe, nkimba kukwiza pakuba bulibuli na bantu babo batakusubila Amazyu Amiza agha Chala?