Imbombo 13:2 - IBAYIBOLO 2024

² Bo bakumwiputa u Mwene nukutuzya pakulya, u Muzimu Umuzelu akababuzya akati, “Munsabulile u Balanabasi nu Sabuli ukuti babombe imbombo yiyo nkabitizizya.”

Ulufingo Ulupya

² Bo bakumuchindika u Mwene nukutuzya pakulya, u Muzimu Umuzelu akababuzya akati, “Munsabulile u Balanabasi nu Sabuli ukuti babombe imbombo yiyo inkabitizizya.”

Imbombo 13:2 Iomraidhean Croise

1 Imbili 16:4

U Devedi akabasala aba Levi bamo ukuti babombaye pantazi pa Bokosi ilya Lufingo ilya Mwene, pakumwiputa nukumupalizya sona nukumupala u Mwene u Chala uwa Izilayeli. Abantu babo akabasala bo aba:

Daniyeli 9:3

Po nkaghalabukila kwa Mwene u Chala nukumulambilizya pakwiputa, nkatuzya pakulya nukuvwala amasaka nukwinyafila itoyi, pachifukwa icha ichitima.

Matayi 6:16

“Nanti mukutuzya pakulya mutakalanjizyanje ichitima ukuyana namumo bakubombela abazimbuli. Bakulanjizya ukukalala pamaso ukuti abantu babennye ukuti bakutuzya pakulya. Naloli nkubabuzya ukuti bapokelela zila umuvwalo wabo.

Matayi 9:38

Iputa kwa Chala, umwenecho uwa mughunda, ukuti atume abambombo pakwinula.”

Luka 10:1

Pisinda pache u Mwene akasala abantu abanji 72 nukubatuma babilibabili ukuti balongolele kukaya kosi, sona na kubuzilo bosi bubo umwene akalondagha pakubukako.

Luka 2:37

po pisinda pache akaba mufwilwe amaka 84. Akalindagha mu Nyumba iya Chala, akamwiputagha u Chala umusanya nu busiku nukutuzya pakulya.

Imbombo 10:19

Bo u Pitala achili akuyezya pakwivwisya iching'anamulo icha chisetuka chila, u Muzimu Umuzelu akati, “Ivwa kuno! Abantu batatu bali kuno bakukulonda.

Imbombo 10:30

U Kolineliya akati, “Amasiku matatu ghagho ghachilapo, pakabalilo ngati ko kanaka, aka fili koloko pachamabwila, bo nkwiputa munyumba yane, umwakuchenusya umuntu yumo yuyo akavwala amenda amazelu akimilila pamaso papane

Imbombo 13:3

Po bo batuzya pakulya nukwiputa, bakabika inyobe pa Balanabasi nu Sabuli nukubatuma.

Imbombo 13:4

Bo u Balanabasi nu Sabuli batumiwa nu Muzimu Umuzelu bakabuka mukaya aka Selebukiya nukuloboka nu bwato pakubuka pa kasungo aka Sayipulasi.

Imbombo 14:26

Pabumalilo bakanyokela mu Antiyokiya mubwato, ubuzilo bubo bakapeghiwa munyobe izya Chala ukuti abasaye pambombo yabo, yiyo bafuma bulo pakuyimalizya.

Imbombo 20:28

Po mwisungilile mwebene, sona nu mudimo ghosi ghugho u Muzimu Umuzelu abikite munyobe zyinyu. Mubanje mwe badimi aba chipanga icha Chala, chicho akachitabula ni banda ilya mwana wache.

Imbombo 22:21

Po u Mwene akati, ‘Bukagha pakuti nkwiza pakukutuma kubutali nkani na bantu babo bate ba Yuda.’ ”

Imbombo 4:36

Ukuyana namumo u Yosefu uwaluko ulwa Levi uwamu Sayipulasi, yuyo abatumiwa bakamwitizya ukuti Balanabasi (chicho chikung'anamula ukuti, “Yuyo akubakazya abamwabo.”)

Imbombo 6:4

Po akabalilo kosi aswe tukwiza pakwiyula munyiputo na mumbombo iyakulumbilila amazyu agha Chala.”

Imbombo 8:29

U Muzimu Umuzelu akamubuzya u Filipu akati, “Bukagha wendaye papipi ni ngolo yache.”

Imbombo 9:15

U Mwene akamubuzya akati, “Bukagha pakuti namusala ukuti ambombele, ukufumusya itabwa lyane pakasi pabantu babo bate ba Yuda, na bamwene, sona na pakasi paba Izilayeli.

Aba Loma 1:1

Ane ne Pabuli, umubombi uwa Kilisitu u Yesu, nene nitiziwa nu Chala pakuba mutumiwa, sona nukupaghuliwa pakulumbilila Amazyu Amiza.

Aba Loma 10:15

Po amazyu ghangalumbililiwa bulibuli nanti abalumbilili batakutumiwa? Pakuti Amasimbo ghakuti, “Bo bwiza boni ubwa muntu yuyo akwiza na mazyu amiza.”

Aba Loma 15:16

pakunsala ukuti imbanje ne mubombi uwa Kilisitu u Yesu pakasi pabantu babo bate ba Yuda. Ampiye imbombo iyakulumbilila Amazyu Amiza agha Chala ngati ne muputi, umwakuti abantu babo bate ba Yuda babanje chakwiyipa ichakumuhobosya u Chala, sona ni chakupaghuliliwa kukwache nu Muzimu Umuzelu.

1 Aba Kolinti 12:11

Loli zyosi zinizi akuzibomba we Muzimu Umuzelu weka mpela, yuyo akumupa umuntu wesi ukuyana nu bwighane bwache.

1 Aba Kolinti 7:5

Mutakakananaye, loli pene papo nanti mwivwana tasi pakupaghula akabalilo akakwiputila poka. Pisinda pache mungakomana sona ukuti u Satana atakabayele pachifukwa icha ukusita kwilema kwinyu.

2 Aba Kolinti 11:27

Nakomana nintamyo izyakulekanalekana. Kabilikabili nkabomba nukwiyula nkani, sona nkachelezya ubusiku bosi. Nkaba nizala ni nyota, sona akabalilo akinji nkikalagha ukusita ichakulya. Impepo yankatazizye, sona nkaba nkule.

2 Aba Kolinti 6:5

Twakomiwa, twighaliliwa mujele nukuvulaziwa muvyongo. Twabomba ukuchila amaka ghitu nukusita ukughona utulo pamo ukulya.

Aba Galatiya 1:15

Loli u Chala akampaghulila zila bo inchili na pakupapiwa bulo, nukunyitizya muchisa chache. Bo ahoboka nane,

Aba Efeso 3:7

Muchisa chache u Chala akampela mubombi uwa Mazyu Amiza, po pakubomba bunubu akandanjizya amaka ghache.

Ukukumbusya Amalamulo 10:8

Pakabalilo kalakala u Mwene akalupaghula uluko ulwa Levi ukuti lunyamulaye Ibokosi ilya Lufingo ulwa Mwene nukwimilila pamaso papache pakumubombela imbombo iya buputi, sona nukubasaya abantu mwitabwa lyache. Iyi yo mbombo yabo yiyo bakuyibomba mupaka nilelo bulo.

Aba Kolosi 4:17

Mumubuzye u Alikipo muti, “Wenelezye ukuti wamalizya imbombo yiyo u Mwene akakupa.”

1 Timoti 2:7

Ichi cho chifukwa nkasaliwa pakuba ne mulumbilili nu mutumiwa, sona nu mumanyisi uwa lwitiko ulwanaloli uwa bantu babo bate ba Yuda. Nkunena ubwanaloli, intakutamanta, awe.

2 Timoti 1:11

Nkasaliwa ukuti imbanje ne mutumiwa nu mumanyisi ukuti indumbilile Amazyu Amiza ghanagha,

2 Timoti 2:2

Ukanyivwa nkulumbilila ivintu vinivi pamaso pa bakaboni abinji. Polelo ubamanyisye ivintu vinivi abantu abasubiliwa, babo bope babamanyisye abantu abanji.

2 Timoti 4:11

U Luka mwene weyuyo ali poka nane kuno. Umusende u Maliko wize nawe kuno, pakuti anganyavwa mumbombo yane.

2 Timoti 4:5

Loli awe, wilemaye wemwene muvintu vyosi, nukujimba mumayimba. Bombagha imbombo iya bulumbilili, sona bombagha imbombo yako yosi ngati we mubombi uwa Chala.

Aba Hebeli 5:4

Nayumo umuntu yuyo akwiyipa mwene umuchizi uwakuba muputi usongo, loli pene papo nanti itiziwa nu Chala ukuyana namumo u Aloni akitiziliwa.

1 Samuweli 2:11

Po u Elikana akabwela ku Lama. Loli umulumendo u Samuweli akasyala ku Shilo kulakula pakumubombela u Mwene pasi pa umuputi u Eli.