Imbombo 13:10 - IBAYIBOLO 2024

¹⁰ nukuti, “We mwana uwa Satana! We mulwani uwa chintu chosi ichigholosu, sona wizuye nuluko losi ulwa bumyasi nu buzimbuli. Bwila na bwila ukuyezya ukwandula ubwanaloli ubwa Mwene pakuba bumyasi!

Ulufingo Ulupya

¹⁰ nukuti, “We mwana uwa Satana! We mulwani uwa chintu chosi ichigholosu, sona wizuye nu luko losi ulwa bumyasi nu buzimbuli. Bwila na bwila ukuyezya ukwandula ubwanaloli ubwa Mwene pakuba bumyasi!

Imbombo 13:10 Iomraidhean Croise

Ubwandilo 18:19

Namusala umwakuti angabalamula abana bache na baluko ukuti banyivwilaye nukubomba chicho chanaloli ni chigholosu. Nanti bakubomba bunubu, nane nkwiza pakumubombela zyosi zizyo nkamulayizya.”

Ubwandilo 3:15

Nkwiza pakubika ubulwani pakasi papako nu mukolo; pakasi pa bana bache na bana bako. Abana bache bakwiza pakutizannya umutu wako, sona nawe ukwiza pakuluma ichitende icha mwana wache.”

2 Imbili 17:6

Akiyipa nkani kwa Mwene nu moyo wache ghosi. Ukonjelezyapo akabwefya ubuzilo ubwapamwanya ubwakwiputilapo ivifwani, nukuvinangannya ivifwani ivya Ashela mu Yuda.

Umulumbilili 9:3

Ichi cho chintu ichibibi chicho chikubombiwanga pachisu ichapasi. Ichighune chikubawila abantu bosi umwakuyana bulo. Pakonjelezyapo, inyinong'ono izya bantu zyizuye nu bubibi nu bwachipena bo bachili bumi, po pisinda pache bakufwa umwakuchenusya bulo.

Yelemiya 23:36

Loli mutakayitambulaye intamyo iya Mwene, pachifukwa ichakuti izyu ilya muntu wesi likuba ntamyo, po mukughannyongannya amazyu agha Chala umumi, u Mwene Uwamaka Ghosi, u Chala witu.

Hoseya 14:9

Nkimba muntu wenu uwa mahala? Ivwisye ivintu vyosi vinivi. Nkimba muntu wenu yuyo akuvyaghannya ivintu vinivi, avimanye ivintu vinivi. Pakuti izila izya Mwene zigholokite, sona abagholosu bo babo bakwendamo, loli abantu abasambuke bakwipunulamo.

Matayi 13:38

umughunda cho chisu ichapasi, imbeyu inyiza bo bantu aba mu Bumwene, indezye bo bantu aba Mubibi yula;

Matayi 15:19

Pakuti mumoyo uwa muntu, momumo mukufuma inyinong'ono imbibi, zizyo zikumulongolezya ukuti aghoghe, alowe nukubomba ubwamalaya; ubwiba, ubumyasi, sona ni yebo.

Matayi 23:13

“Chighune nkani kukwinyu, amwe mwe bamanyisi aba Ndaghilo naba Falisayi! Mwe bazimbuli mwee! Mukwighalila umulyango uwa Bumwene ubwa Kumwanya pamaso pabantu, po amwe mwebene mutakwinjilamo, pamo ukwitikizya babo bakuyezya ukwinjilamo.

Matayi 3:7

U Yohani akabennya aba Falisayi naba Sadukayi abinji bakwiza kukwache ukuti boziwe. Po akababuzya akati, “Amwe mwe bana aba njoka! Nkimba wewenu abasokite pakuluchimbila ulufundo ulwa Chala lulo lukwiza?

Luka 11:39

Po u Mwene akamubuzya akati, “Amwe mwe ba Falisayi pakuti mukusuka kuzi ukwa lubako ni mbale zyinyu, loli mukasi mwizuye nu bupafu nu buvyondongo.

Luka 11:52

“Chighune nkani kukwinyu, amwe mwe bamanyisi aba Ndaghilo pakuti mwafyula inyighulilo yiyo yikwighula kunyumba uwa mulyango iya mahala, yiyo amwe mute mukinjilemo, sona mukubakanizya babo bakuyezya pakwinjilamo.”

Yohani 1:23

U Yohani akabamula pakunena zizyo umulaghuzi u Yesaya akasimba ukuti, “Ane ne lizyu ilya muntu yumo, yuyo akukolomoka munkolongo ukuti, ‘Yannya umusebo uwa Mwene, gholosya izila ukuti endemo!’ ”

Yohani 8:44

Amwe mwe bana aba Satana, po mukulonda pakukonka ivinyonywa ivya ghuso. Ukwandila ko kubwandilo umwene akaba mughoghi, sona ate nalumolumo kulubazu ulwa bwanaloli pakuti ubwanaloli mumwache butalimo. Umwene pakunena ubumyasi, cho chakulya chache pakuti umwene we mumyasi, sona wemwenecho uwa bumyasi bosi.

Imbombo 20:30

Akabalilo kakwiza kako abantu bamo aba mu kabukatila kinyu bakwiza pakunena ubumyasi nukubadeba abamanyili ukuti babakonke.

2 Aba Kolinti 11:3

Indi nubogha ukuti inyinong'ono zyinyu zikwiza pakuzimbuliwa ukuyana namumo u Eva akazimbuliliwa nu buchevu ubwa njoka ukuti mutakabe bantu aba bwanaloli, sona nukwiyipa kwa Kilisitu.

Aba Galatiya 1:7

ghagho ghate Mazyu Amiza aghanaloli, awe. Loli balipo abantu bamo babo bakubapungannya nukuyezya pakughanyongannya Amazyu Amiza agha Kilisitu.

Aba Efeso 4:14

Po tutakwiza pakuba sona ngati bo babonda, babo bakuyinganayingana na mayigha, sona nukupupuka ni mpepo iya chimanyisyo icha bantu abamyasi, babo bakubapuvya abantu nu buchevu bwabo.

2 Pitala 2:15

Bayileka izila ingolosu, sona basobela pakukonka izila iya Balamu umwana uwa Beyoli, yuyo akazighana nkani indalama, zizyo akakaba pachifukwa ichakubomba imbibi.

1 Yohani 3:8

Umuntu wesi yuyo akwendelela pakubomba imbibi, mwana uwa Satana, pachifukwa ichakuti u Satana mubibi ukwandila ko kubwandilo. Pakuti u Mwana uwa Chala akiza umwakuti anangannye imbombo izya Satana yula.