Imbombo 12:7 - IBAYIBOLO 2024

⁷ Umwakuchenusya uwantumi uwakumwanya uwa Mwene akimilila palapala, ulukozyo lukalama mujele mula. Uwantumi yula akamuyingannya u Pitala pachipunko, akamunyamusya nukuti, “Lubilolubilo! Nyamuka!” Panapo na panapo impingu zikawa munyobe izya Pitala.

Ulufingo Ulupya

⁷ Umwakuchenusya uwantumi uwa kumwanya uwa Mwene akimilila palapala, ulukozyo lukalama mujela mula. Uwantumi yula akamuyingannya u Pitala pachipungo, akamunyamusya nukuti, “Lubilolubilo! Nyamuka!” Panapo na panapo impingu zikawa munyobe izya Pitala.

Imbombo 12:7 Iomraidhean Croise

2 Samuweli 22:29

Wee Mwene, awe we nyale yane. U Mwene akuchipela ichisi, chicho chili mumwane pakuba lukozyo.

1 Abamwene 19:5

Po akalambalala mukazundila aka makwi agha vyisilo ghala nukughona utulo. Panapo na panapo uwantumi akamupalamasya nukumubuzya ukuti, “Lamusya, ulye.”

1 Abamwene 19:7

Uwantumi uwa Mwene akiza sona akabubili, akamupalamasya nukumubuzya ukuti, “Nyamuka, ulye pakuti ukwiza pakuba nu bulendo ubutali nkani.”

Masalimo 107:14

Akabefyamo muchisi, nukudumulannya ubunyololo.

Masalimo 116:16

Wee Mwene, naloli ne mubombi wako, nkukubombela ngati mumo u mayi wane akabombela, wansatula kubunyololo bwane.

Masalimo 146:7

Akubabombela mubwanaloli babo bakuyivyiwa, sona akubapa ichakulya babo bali nizala. U Mwene akubasatula abakayidi.

Masalimo 34:7

Uwantumi uwa Mwene akubavighililagha babo bakumuchindika, sona akubapoka bosi.

Masalimo 68:6

U Chala akubapa babo bali bene bulo ubuzilo ubwakwikalapo, sona akubefya abakayidi mujele nukubapa umutende. Loli abantu abakusambuka akubachimbizizya kuchisu ichumizu.

Yesaya 37:30

“Wee Hezekiya, chinichi chikwiza pakuba chimanyilo kukwako, mumwaka ghunughu ukwiza pakulya vivyo vikumela vyene, mumwaka uwabubili ukwiza pakulya ingano. Loli mumwaka wabutatu ukwiza pakubyala nukwinula, nukubyala amampesya nukwinula ivikomwa vyache.

Yesaya 60:1

Nyamuka Yelusalemu, ulamaye ngati lizuba, ubuchindamu ubwa Mwene bukukulamila awe.

Yelemiya 40:1

U Mwene akanena nu Yelemiya bo u Nebuzaladani umulongozi uwa balindilili bamusatula ku Lama. Akamwagha u Yelemiya apinyiwe ni minyololo poka naba mujele bamo aba ku Yelusalemu sona naba ku Yuda babo bakasendiwa pakubuka nabo kubuzya mu Babiloni.

Ezekiyeli 43:2

sona nkennya ubuchindamu ubwa Chala uwa Izilayeli bukufumila kubufumilo bwizuba. Izyu lyache likaba ngati kupoma ukwa mizi ghagho ghakwenda, ichisu chikizula nulukozyo ulwa buchindamu bwache.

Daniyeli 3:28

Po u Nebukadineza akati, “Apaliwanje u Chala uwa Shadiliki nu Meshaki nu Abedinego, yuyo amutuma uwantumi wache pakubapoka ababombi bache! Bakamusubila u Chala nukulusulannya ululaghilo ulwa mwene, sona bakiyannya pakwiyipa ubumi bwabo bosi ukuti bamubombelaye u Chala wabo nukusita ukuti bamubombelaye pamo ukumwiputa uchala uyunji.

Daniyeli 6:22

U Chala wane atumite uwantumi wache nukwighalila imilomo iya nkalamu. Wee mwene, zitakanvulazya napo panandi pachifukwa ichakuti intakaba ninongwa nayimoyimo pamaso papache pamo ukukubombela chimo ichibibi pamaso papako.”

Mika 7:9

Pachifukwa ichakuti imunangiye u Mwene, nkwiza pakujimba kubukali bwache mupaka alonge inongwa yane nukuyidumula. Akwiza pakunyinjizya mulukozyo, po nkwiza pakubwennya ubugholosu bwache.

Habakuku 3:11

Izuba nu mwezi vikimilila bulo mumwanya, bo vyennya ukubuluka ukwa tulasilo twako, sona nukulama ukwa kumesya ukwa mpalala zyako.

Habakuku 3:4

Inkozyo zyache zikaba ngati lizuba ukulama kwache kukafuma munyobe yache mumo mukavwama amaka ghache.

Matayi 2:13

Bo babuka, uwantumi uwa Mwene akamubonekela u Yosefu muchilota nukumubuzya ukuti, “U Helodi akwiza pakulonda ukuti amughoghe umwana. Nyamuka musende umwana nu nyina nukuchimbilila kuchisu icha Ijiputi. Wikale kunuko mupaka nkubuzye ukuti wepeko.”

Luka 2:9

Uwantumi uwa Mwene akababonekela, sona ubuchindamu ubwa Mwene bukabalamila. Po bakanyila nkani,

Luka 24:4

Bo bakuswigha na zinizi, umwakuchenusya bulo bakennya abantu babili bavwalite amenda aghakunyezimila bimiliye papipi nabo.

Imbombo 10:30

U Kolineliya akati, “Amasiku matatu ghagho ghachilapo, pakabalilo ngati ko kanaka, aka fili koloko pachamabwila, bo nkwiputa munyumba yane, umwakuchenusya umuntu yumo yuyo akavwala amenda amazelu akimilila pamaso papane

Imbombo 12:23

Panapo na panapo uwantumi uwa Mwene akamukoma u Helodi pakuti atakamuchindika u Chala. Isomi zikamulya nukufwa.

Imbombo 12:6

Bukaba ubusiku ubwakuti u Helodi alonge inongwa yache, u Pitala akaghona utulo pakasi pabasilikali babili bala. Akapinyiwa ni mpingu zibili, sona pamulyango uwa jele pakaba abasilikali.

Imbombo 12:8

Po uwantumi yula akati, “Pinya ulamba wako nukuvwala inkwato zyako. U Pitala akabomba zizyo akamubuzya.” Po uwantumi akati, “Vwala inkazo yako nukunkonka.”

Imbombo 16:26

Umwakuchenusya bulo kukaba akasenyenta akakulu nkani, umwakuti kakaneng'ennya ulwalo ulwa jele yila. Panapo na panapo inyiyi zikighuka, sona zyope ni mpingu izya bakayidi bosi zikasatuka.

Imbombo 2:24

Loli u Chala akumuzyusya kubufwe nukumuleka musatuke kumaka agha bufwe, pakuti zitakaba zyakuti zingabombiwa ukuti ubufwe bumupote.

Imbombo 5:19

Loli ubusiku bulabula uwantumi uwa Mwene akighula imilyango iya jele, yikabafumizya kuzi abatumiwa nukubabuzya ukuti,

Imbombo 9:3

Bo u Sabuli apalamila kukaya akakulu nkani aka Damasika, umwakuchenusya bulo ulukozyo ulwakufuma kumwanya lukamulamila.

Aba Efeso 5:14

pakuti ulukozyo lo lulo lukulanjizya ichintu chosi pabuzelu. Cho chifukwa zikuneniwa ukuti, “Nyamuka awe we ughonite utulo, zyuka kubufwe, po u Kilisitu akwiza pakukulamila.”

Aba Hebeli 1:14

Loli abantumi aba kumwanya babombi bulo. Abene yo mizimu yiyo yikumubombela u Chala, sona yiyo yitumiwe pakubabombela abantu, babo bakwiza pakupokiwa.

Ubuvumbuli 18:1

Bo vyachilapo vinivi, nkennya uwantumi akwika kumwanya. Akaba nu bulaghili ubukulu nkani, sona ubuchindamu bwache bukalamila ichisu chosi icha ichapasi.