Imbombo 12:2 - IBAYIBOLO 2024

² Akalamula ukuti u Yakobo uwamwabo uwa Yohani aghoghiwe nupanga.

Ulufingo Ulupya

² Akalamula ukuti u Yakobo uwamwabo uwa Yohani aghoghiwe nu panga.

Imbombo 12:2 Iomraidhean Croise

1 Abamwene 19:1

U Ahabu akamubuzya u Yezibeli vyosi vivyo u Eliya akabomba, sona namumo akabaghoghela abalaghuzi aba Baala.

1 Abamwene 19:10

U Eliya akamula akati, “Wee Mwene u Chala Uwamaka Ghosi, ane nakubombelagha nu lweke akabalilo kosi. Loli aba Izilayeli balunangannya ulufingo lwako, bavimongolannya ivighemo vyako, sona babaghoghite abalaghuzi bako. Nasyala nemwene, pope bulo bakulonda pakungogha!”

Yelemiya 26:23

Bakamulema u Uliya mu Ijiputi nukubuka nawe kwa mwene u Yehoyakimu, yuyo akamughogha nupanga, bakaghusyila umubili wache ku mapumpa agha kusyililako abantu bulo.

Matayi 20:23

U Yesu akababuzya akati, “Naloli mungang'wela mulubako lwane, loli inte nu bulaghili ubwakusala uwakwikala kunyobe indilo na kunyobe iyamongo. Ubuzilo ubu ubwa bantu babo Utata wane abayanizizya.”

Maliko 10:35

Pisinda pache u Yakobo nu Yohani, abana aba Zebediya bakiza kwa Yesu nukuti, “Wee Mumanyisi, chilipo chimo chicho tukulonda ukuti utubombele.”

Maliko 10:38

U Yesu akababuzya akati, “Mutakuchimanya chicho mukulaba. Nkimba mungang'wela mulubako ulwa ntamyo lulo imbaghiye pakung'welelamo? Nkimba mungoziwa umwakuyana bulo namumo imbaghiye pakoziwa?”

Maliko 10:39

Bakamula bakati, “Eee, tungazibomba.” U Yesu akabamula akati, “Naloli mungang'wela mulubako lulo imbaghiye pakung'welelamo nukoziwa ukuyana namumo imbaghiye pakoziwa.

Imbombo 12:1

Akabalilo ngati ko kanaka u Mwene u Helodi akanda pakuchivwima ichipanga.

Aba Hebeli 11:37

Abantu bamo bakabaghogha pakubatiza na mabwe, abanji bakabadumulannya pabili, sona bakabaghogha nupanga. Bakendendekagha bulo bo bavwalite amakwela agha ng'ozi pamo amakwela agha mbuzi. Bakaba bapina, bakavwimiwa, sona bakayiviwa nkani.