Imbombo 10:2 - IBAYIBOLO 2024

² Umwene ni mbumba yache yosi bakaba bantu abakumwiputa u Chala. Akabomba imbombo inkulu pakubavwa bantu abapina aba Chiyuda, sona akabalilo na kabalilo akamwiputagha u Chala.

Ulufingo Ulupya

² Umwene ni mbumba yache yosi bakaba bantu abakumwiputa u Chala. Akabomba imbombo inkulu pakubavwa bantu abapina aba Chiyuda, sona akabalilo na kabalilo akamwiputagha u Chala.

Imbombo 10:2 Iomraidhean Croise

Ubwandilo 18:19

Namusala umwakuti angabalamula abana bache na baluko ukuti banyivwilaye nukubomba chicho chanaloli ni chigholosu. Nanti bakubomba bunubu, nane nkwiza pakumubombela zyosi zizyo nkamulayizya.”

1 Abamwene 8:43

ivwa uko kumwanya kuko ukwikala nukuvibomba vivyo umuyeni yula akukulaba, umwakuti abantu bosi aba pachisu ichapasi bangakumanya nukukwivwila, ukuyana namumo abantu bako aba Izilayeli bakubombela. Bunubu bakwiza pakumanya ukuti Inyumba yiyo nayizenga momumo ukwiza pakuchindikiliwangamo.

2 Imbili 6:33

ivwa uko kumwanya kuko ukwikala nukuvibomba vivyo umuyeni yula akukulaba, umwakuti abantu bosi aba pachisu ichapasi bangakumanya nukukwivwila, ukuyana namumo abantu bako aba Izilayeli bakubombela. Bunubu bakwiza pakumanya ukuti Inyumba yiyo nayizenga mumo ukwiza pakuchindikiliwangamo.

Yobu 1:1

Muchisu icha Uzi mukabamo umuntu yumo yuyo akaba we Yobu. Umuntu yunuyu atakaba nakalema nakamokamo sona akaba mugholosu, umwakuti akamwiputagha u Chala nukuzinyila imbibi.

Yobu 1:5

Bo amasiku agha lusekelo ghamala, u Yobu akabukagha na bana bache pakubaswefya. Pandabindabi akabikagha ichakwiyipa ichakocha icha mwana wesi pakuti akinong'onagha ukuti, “Lumo abana bane banangite nukumusamula u Chala umwakusita kumanya.” U Yobu akabombagha ulwiho ulu bwila na bwila.

Masalimo 102:15

Abantu aba inko izinji bakwiza pakulichindika itabwa ilya Mwene, abamwene bosi aba pachisu ichapasi bakwiza pakubunyila ubuchindamu bwako.

Masalimo 119:2

Basayiwa babo bakughasunga amalamulo ghache, nukumulondelezya na moyo ghabo ghosi.

Masalimo 25:5

Undongozezye mubwanaloli bwako nukumanyisya, pakuti we Chala Umupoki wane, sona nkusubiye wewe isiku lyosi.

Masalimo 41:1

Musayiwa umuntu yuyo akubapasikizya abapina, po u Mwene akumupokagha pakabalilo akantamyo.

Masalimo 55:17

Pandabindabi, na pamusanya, sona na pachamabwila, nkulila nukukoloma, po akwivwa izyu lyane.

Masalimo 86:3

Wee Mwene mpelela ichisa, pakuti isiku lyosi nkukulilila.

Masalimo 88:1

Wee Mwene, u Chala yuyo akumpoka, nkulila umusanya nu busiku.

Umulumbilili 7:18

Chizapo pakulemezya ichintu choka, nukuchilekelezya ichinji. Umuntu yuyo akumuchindika u Chala akwiza pakuba navyo vyosi vibili vinivi.

Yesaya 59:19

Ukwanda kubwinjililo bwizuba, abantu bakwiza pakulinyila itabwa ilya Mwene, sona kubufumilo bwizuba, bakwiza pakubuchindika ubuchindamu bwache. Pakuti u Mwene akwiza ngati lusoko lulo lwizuye, lulo umuyi uwa Mwene ghukuluchimbizya.

Daniyeli 6:10

Bo u Daniyeli azyaghannya ukuti ululaghilo lula lwabikiwa, akabwela nukwinjila muchipinda chache icha pamwanya, chicho amabwindo ghache ghakighuliwa umwakwenannya nakaya akakulu nkani aka Yelusalemu. Akafughamagha katatu pisiku pakwiputa, nukumupalizya u Chala ukuyana namumo akabombelagha pakwanda.

Daniyeli 6:16

Po u mwene akalamula ukuti bamusende u Daniyeli nukumusumbila muchiliba icha nkalamu chila. U mwene yula akamubuzya u Daniyeli akati, “U Chala wako yuyo ukumwiputa akupokaye!”

Daniyeli 6:20

Bo apalamila kuchiliba chila, akamwitizya u Daniyeli nubogha nkani akati, “Wee Daniyeli, we mubombi uwa Chala umumi, yuyo ukumubombelagha akabalilo kosi, nkimba akakupoka ku nkalamu?”

Daniyeli 6:26

Nkabika ululaghilo ulwakuti abantu bamuchindikaye u Chala uwa Daniyeli mubumwene bwane bosi. Pakuti we Chala umumi, sona wa bwila na bwila, ubumwene bwache butakwiza pakunanganika nalumolumo, ubulaghili bwache butakumalapo nalumolumo.

Matayi 25:17

Bunubu sona uwambombo yuyo akapokela isalabazya 2,000, akakabilapo 2,000 izinji.

Luka 18:1

Po u Yesu akababuzya abamanyili bache ichili pakubamanyisya ukuti biputaye akabalilo kosi nukusita ukulita.

Luka 2:25

Pakabalilo kalakala kukabako umuntu yumo yuyo akaba we Simiyoni, yuyo akikalagha mu Yelusalemu. Akaba mugholosu, sona umuntu uwakumunyila u Chala. Akalindililagha akabalilo kako u Chala akwiza pakubapoka aba Izilayeli, sona u Muzimu Umuzelu akaba nawe.

Imbombo 10:22

Bakamula bakati, “Usongo u Kolineliya atutuma. Umwene muntu mugholosu, yuyo akumwiputa u Chala, sona achindikiwe nkani naba Yuda bosi. Uwantumi uwakumwanya uwa Chala akamubuzya ukuti akwitizye awe ukuti ubuke kunyumba yache, ukuti ivwe zizyo ukulonda pakunena.”

Imbombo 10:31

nukumubuzya ukuti, ‘Wee Kolineliya! U Chala ivwa inyiputo zyako, sona akumbuka imbombo zyako inyiza pakasi pabantu abapina.

Imbombo 10:35

loli akumupokela umuntu wesi yuyo akumwiputa nukubomba chicho chigholosu ukusita pakwennya uluko lwache.

Imbombo 10:4

Akamwenelezya uwantumi yula nubogha nukumulalusya ukuti, “Wee Mwene, nkimba cho choni ichi?” Uwantumi akamula akati, “U Chala ahobokite ni nyiputo zyako, sona akumbuka imbombo zyako inyiza pakasi pabantu abapina.

Imbombo 10:7

Bo uwantumi yuyo akanenagha nawe abuka, u Kolineliya akabitizya abambombo bache babili, poka nu musilikali, yuyo akaba muntu uwakumwiputa u Chala.

Imbombo 11:14

Akwiza pakubabuzya amazyu ghagho ghakwiza pakukupoka awe ni mbumba yako yosi.’

Imbombo 13:16

U Pabuli akimilila, akapumizya ichongo ni nyobe yache nukwanda pakunena ukuti, “Mwee ba Izilayeli, sona namwe bantu mwe mute ba Yuda mwe mukumwiputa u Chala, munteghelezye!

Imbombo 13:26

“Mwee bakamu bane, abaluko ulwa Abulahamu na bantu bosi babo bate ba Yuda babo bakumwiputa u Chala: Amazyu aghabupoki agha ghatumiwa kukwitu!

Imbombo 13:50

Loli aba Yuda bakabasonjelezya aba mukaya akakulu nkani kala, sona na bakolo abantu babo bate ba Yuda abamanyikwe nkani babo bakamwiputagha u Chala. Bakanda pakumuvwima u Pabuli nu Balanabasi nukubefyamo muchigaba chabo chila.

Imbombo 18:8

U Kilisipa yuyo akaba mulongozi uwa nyumba iyakwiputilamo poka ni mbumba yache akasubilagha mwa Mwene; sona na bantu abanji abinji aba mu Kolinti bakivwa amazyu agha Pabuli nukusubila, po bakoziwa.

Imbombo 2:5

Palapala pakabapo aba Yuda babo bakikalagha mu Yelusalemu, abantu abakumwiputa u Chala, babo bakafuma muvyisu vyosi ivyapasi.

Imbombo 22:12

“Mukaya akakulu nkani mula mukabamo umuntu yumo yuyo akaba we Ananiya, umuntu uwakumwiputa u Chala, yuyo akakonka Indaghilo zyitu, sona akachindikiwa nkani naba Yuda bosi babo bakikalagha mulamula.

Imbombo 8:2

Abantu bamo aba Chala bakamusyila u Sitefani, nukumulila nkani ni chitima.

Imbombo 9:11

U Mwene akamubuzya akati, “Nyamuka nukubuka kuzila yiyo bakatinji, ‘Izila Ingoloke.’ Kulakula kunyumba iya Yudasi umubuzikizye umuntu yumo itabwa lyache we Sabuli, yuyo afumite ku Talisa. Ali pakwiputa,

Imbombo 9:31

Po ichipanga icha mu Yudeya, mu Galileya, na mu Samaliya chikaba na kabalilo akamutende nukwendelela pakumwiputa u Mwene. U Muzimu Umuzelu akachikazya nukuchavwa pakukula, po chikaba ichakumunyila u Mwene.

Imbombo 9:36

Mu Yopa mukaba umumanyili umukolo yumo yuyo akaba we Tabita. (Itabwa lyache ilya mu Chigiliki bakuti Dolika, chicho chikung'anamula ukuti, “Imbabala.”) Akabalilo kosi akabombagha inyiza nukwavwa abapina.

Aba Kolosi 4:2

Mubanje balweke munyiputo, sona mubanje maso, bo mukwiputa ukumupalizya u Chala.

1 Aba Tesalonika 5:17

sona mwiputaye akabalilo kosi.

Yakobo 1:5

Nanti yumo mumwinyu akusobelwa amahala aghakubombela ichintu chimo, amulabe u Chala, po akwiza pakughapokela, pakuti u Chala akumupa umuntu wesi umwakusita ukumamilizya, sona umwakusita ukwilumbusya.

Yoshwa 24:15

Nanti mutakulonda pakumubombela u Mwene, po ilelo musalepo yuyo mukwiza pakumubombelagha manyi abachala aba abanyenya binyu, babo bakabachindikagha mulubazu lwalusoko, pamo abachala aba ba Amoli, muchisu chicho mukwikalamo. Loli ane na bamunyumba yane tukwiza pakumubombela u Mwene.”

Ubuvumbuli 15:4

Wee Mwene, nkimba wewenu atangakunyila nukulichindika itabwa lyako? Pakuti awe wemwene we Muzelu. Abantu abaluko losi bakwiza pakukwiputa, pachifukwa ichakuti imbombo zyako ngolosu zikuboneka pabuzelu na bantu bosi.”