Imbombo 1:25 - IBAYIBOLO 2024

²⁵ umwakuti apyane pambombo iya butumiwa mubuzilo ubwa Yudasi, yuyo akayileka nukubuka kubuzilo bubo bukamuyana.”

Ulufingo Ulupya

²⁵ umwakuti apyane pambombo iya butumiwa mubuzilo ubwa Yudasi, yuyo akayileka nukubuka kubuzilo bubo bukamuyana.”

Imbombo 1:25 Iomraidhean Croise

Masalimo 109:7

Nanti alongiwa, abanje ninongwa, po inyiputo zyache zimusuzyanje.

Matayi 25:41

“Po akwiza pakubabuzya abantu aba kunyobe imongo ukuti, ‘Epako kukwane mwe baghuniwa. Bukagha mumoto uwa bwila na bwila ghugho bamuyanizye u Satana na bantumi bache!

Matayi 25:46

Po abantu bala bakwiza pakufundiwa bwila na bwila, loli abagholosu bakwiza pakwinjila mubumi ubwa bwila na bwila.”

Matayi 26:24

U Mwana uwa Muntu akwiza pakufwa ukuyana na Masimbo. Loli chighune nkani nu muntu yuyo akumubika u Mwana uwa Muntu munyobe izya balwani! Chikaba chizapo ukuti umuntu yula ngali atakapapiwanga!”

Yohani 13:27

Umwalubilolubilo bo u Yudasi apokela ichibama, u Satana akinjila mumwache. U Yesu akamubuzya akati, “Lubilolubilo, bomba zizyo ukulonda pakubomba.”

Yohani 17:12

Pakabalilo kako nkikalagha nabo, nkabasunga akiza na maka agha itabwa lyako, itabwa lilyo ukampa. Nkabasunga akiza, po nayumo umuntu yuyo asobelitepo, loli mwene yuyo zikamubaghila ukuti ananganike, umwakuti Amasimbo ghakwanilisiwe.

Aba Loma 1:5

Ukwendela mwa Kilisitu, u Chala akatupa ulusako ulwakuti tubanje batumiwa, umwakuti tubalongozye abantu aba inko zyosi pakumusubila nukumwivwila, ukuti bunubu itabwa lyache lichindikiwanje.

1 Aba Kolinti 9:2

Napapo abantu abanji bakwinong'ona ukuti inte ne mutumiwa, loli amwe muzimenye ukuti ne mutumiwa naloli, pakuti amwe mwe chisimikizyo chane ichakuti ane ne mutumiwa naloli.

Aba Galatiya 2:8

Pakuti u Chala yuyo akabomba ukwendela mwa Pitala mumbombo yache iya butumiwa pakasi paba Yuda, weyuyo sona akabomba bunubu ukwendela mumwane mumbombo yane iya butumiwa pakasi pabantu babo bate ba Yuda.