Imbombo 1:11 - IBAYIBOLO 2024

¹¹ nukubalalusya ukuti, “Mwee bantu aba mu Galileya, choni chicho mwimiliye panapo mukwennya kumwanya? U Yesu yunuyu yuyo akasendiwa kukwinyu ukubuka kumwanya akwiza pakunyokela bunubu, ukuyana namumo mukamwenezezya akubuka kumwanya.”

Ulufingo Ulupya

¹¹ nukubalalusya ukuti, “Mwee bantu aba mu Galileya, choni chicho mwimiliye panapo mukwennya kumwanya? U Yesu yunuyu yuyo akasendiwa kukwinyu ukubuka kumwanya akwiza pakunyokela bunubu, ukuyana na mumo mukamwenezezya akubuka kumwanya.”

Imbombo 1:11 Iomraidhean Croise

Matayi 16:27

Pakuti u Mwana uwa Muntu ali papipi pakwiza mubuchindamu ubwa Wise poka na bantumi bache, po akwiza pakumupa umuvwalo umuntu wesi ukuyana ni mbombo zyache.

Matayi 16:28

Naloli nkubabuzya ukuti balipo abantu bamo pano, babo bate bakafwe mupaka bamwennya u Mwana uwa Muntu akwiza pakuba we Mwene.”

Matayi 24:30

Po ichimanyilo ichakwiza ukwa Mwana uwa Muntu chikwiza pakuboneka kumwanya. Abantu bosi aba muchisu ichapasi bakwiza pakufwifwitila, bo bamwennya u Mwana uwa Muntu akwiza mumabingu na maka nu buchindamu ubukulu.

Matayi 25:31

“Bo u Mwana uwa Muntu akwiza pakuba we Mwene poka na bantumi bosi, akwiza pakwikala pachitengo icha bumwene icha buchindamu.

Maliko 13:26

Po abantu bakwiza pakumwennya u Mwana uwa Muntu, akwiza mumabingu na maka nu buchindamu.

Maliko 14:70

Loli u Pitala akakana sona. Bo pachilapo bulo akabalilo, abantu babo bakimilila palapala bakamubuzya u Pitala ukuti, “Naloli nawe bulo we uwa bamo uwa bantu banaba pakuti nawe bulo we mu Galileya.”

Maliko 16:19

Bo u Mwene u Yesu amala pakunena nabo, akasendiwa pakubuka kumwanya nukwikala kunyobe indilo iya Chala.

Luka 21:27

Po abantu bakwiza pakumwennya u Mwana uwa Muntu akwiza mumabingu na maka nu buchindamu ubukulu.

Luka 24:5

Abakolo bala bakanyila nkani nukwinamila ivyeni vyabo pasi. Po abantu bala bakalalusya bakati, “Nkimba choni chicho mukulonda umuntu umupuma mubantu abafwe?

Yohani 14:3

Sona bo nabuka pakubayanizya ubuzilo, nkwiza sona pakubasenda, umwakuti kuko indiko, ko kuko namwe bulo mubanje.

Imbombo 1:2

mupaka pisiku lilyo akasendiwanga pakubuka kumwanya. Loli bo atasendiwe, akababuzya na maka agha Muzimu Umuzelu abatumiwa babo akabasala izyakubomba.

Imbombo 1:22

ukwanda pakabalilo kako akoziwa nu Yohani mupaka pisiku lilyo akasendiwanga pakubuka kumwanya. Pakuti weka uwa banaba abanje we kaboni nizya kuzyuka kubufwe ukwa Yesu.”

Imbombo 1:9

Bo anena zinizi, akasendiwa pakubuka kumwanya bo bakumwenelezya, po akafisiwa ni bingu.

Imbombo 13:31

po amasiku aminji akababonekela abantu babo bakendagha nawe ukufuma mu Galileya ukubuka mu Yelusalemu. Ilelo bo bakaboni bache pakasi paba Izilayeli.

Imbombo 2:7

Bakaswigha nkani, sona chikabamala nkani amahala, po bakanena bakati, “Abantu banaba babo bakunena bunubu bate ba Galileya?

Imbombo 3:12

Bo u Pitala abennya abantu, akababuzya akati, “Mwee ba Izilayeli, nkimba choni chicho mukuswigha na zinizi, sona choni chicho mukutwenelezya? Nkimba mukwinong'ona ukuti sweswe twamwendezya umuntu uyu na maka ghitu pamo pachifukwa ichakuti tukumwiputa nkani u Chala?

Imbombo 3:21

U Yesu abaghiye pakwikala ko kumwanya mupaka akabalilo kakwane akakuti ivintu vyosi viyaniziwe pakuba vipya ukuyana namumo u Chala akafingila kale ukwendela mu balaghuzi bache abazelu.

1 Aba Tesalonika 1:10

Po mukulindilila ukwiza ukwa Mwana wache u Yesu ukufuma kumwanya, yuyo akamuzyusya kubufwe, sona yuyo akatupoka ku bukali ubwa Chala bubo bukwiza.

1 Aba Tesalonika 4:16

Pakuti u Mwene umwenecho akwiza pakwika kumwanya nukukolomoka ukukulu nkani, nizyu ilya wantumi usongo, sona nukulila ukwa ipati ilya Chala. Po abantu babo bakafwila mwa Kilisitu bakwiza pakuba bakwanda pakuzyuka.

Aba Hebeli 9:28

Umwakuyana bulo, u Kilisitu wepe akabikiwa lyoka bulo ukuti chibanje chakwiyipa ukwefya imbibi izya bantu abinji. Akwiza pakuboneka akabubili, pate pakwefya imbibi pene, awe, loli ukuti abapoke abantu babo bakumulindilila.

Ubuvumbuli 1:7

Ennya, akwiza mu mabingu! Umuntu wesi akwiza pakumwennya, sona na bope bosi babo bakamulasa. Abantu abaluko losi muchisu ichapasi bakwiza pakulila pachifukwa icha yuyo. Umu momumo kukwiza pakubela. Ameni.