Hoseya 9:7 - IBAYIBOLO 2024

⁷ Amasiku aghakufundiliwa ghafikila, ghope amasiku agha muvwalo ghafikila. Aba Izilayeli bazimanye zinizi. Pachifukwa ichakuti imbibi zyinyu nyinji nkani, sona lope ulubengo lwinyu lukulu, po mukuti umulaghuzi mupunganu, wepe umuntu yuyo akulongoziwa nu muzimu apenite.

Hoseya 9:7 Iomraidhean Croise

2 Abamwene 9:11

Bo u Yehu anyokela kuko kukaba abasongo abamwabo bala, weka akamulalusya akati, “Nkimba kwiza bulo? Nkimba uchipena yula alondagha choni?” U Yehu akamwamula akati, “Nawe umumenye umuntu yula, sona nakanenele kache kope ukamenye.”

Yesaya 10:3

Nkimba mukwiza pakubomba ichoni pisiku ilya lufundo, bo ukunanganika kukwiza ukufuma kubutali? Nkimba mukwiza ukuchimbilila kwa wenu ukuti mubwaghe ubwavwilizi? Nkimba mukwiza pakumulekela uwenu ubukabi bwinyu?

Yesaya 26:11

Wee Mwene, wakwezya inyobe yako, loli abene batakuyennya. Abantu banaba bakoziwanje isoni, ubalanjizyanje namumo ubaghaniye, leka bennye ulweke lwako, numoto ghugho ubasungiye abalwani bako, ghubalunguluzye.

Yesaya 34:8

Pakuti u Mwene ali ni siku ilya kutanizizya abalwani bache, umwaka uwakubafunda, pachifukwa icha kaya aka Ziyoni.

Yesaya 44:25

nene nkavivulungannya ivimanyilo, ivya balaghuzi abamyasi, nukubapela bapunganu babo bakunena ivya muntazi, akubamala amaka abamahala, nukubapela pakuba bapunganu,

Yelemiya 10:15

Vite nimbombo nayimoyimo, pakuti imbombo yabo yabuzimbuli mpela, sona pakabalilo aka lufundo lwabo bakwiza pakuzimila.

Yelemiya 11:23

Atakwiza pakuponapo nayumoyumo pachifukwa ichakuti nkwiza pakubawisizya intamyo abantu aba ku Anatoti, mumwaka wabo uwa lufundo.”

Yelemiya 16:18

Nkwiza pakubanyosezya ulufundo kabili pachifukwa icha mbibi zyabo, pachifukwa ichakuti bachinyazya ichisu chane na bachala abanji abafwe sona bachizuzya ichilingo chane ni vifwani ivyamwiko.”

Yelemiya 23:13

“Nazyennya imbibi mukasi mu balaghuzi aba mu Samaliya, bakulaghulila mwitabwa ilya Baala sona bakubapuvya abantu bane.

Yelemiya 25:14

Bakwiza pakuba bazya aba bantu aba inko inyinji poka na bamwene abamanyikwe. Nkwiza pakubatanizya ukuyana ni mbombo zyabo zizyo bakabomba ni nyobe zyabo.”

Yelemiya 29:26

“U Mwene akusala awe pakuba muputi mubuzilo ubwa Yehoyada, ukuti ubanje mulaghili uwa kwenelezya Inyumba iya Mwene, umupinyaye ni mpingu uchipena wesi yuyo akwinena mwene pakuba mulaghuzi nukumwighalila mujele.

Yelemiya 46:21

Abasilikali abaganyu babo bali nabo, bali ngati ngwata inyine. Bope bulo bakwiza pakunyokela mwisinda nukuchimbila poka, pakuti isiku lyabo ilya lufundo likubizila, batakwiza pakujimba, pakuti isiku ilya lufundo likubizila, ko kabalilo akakunanganikila

Yelemiya 6:14

Bakupozya ivilonda ivya bantu bane pamwanya bulo. Bakunena bakuti, ‘Umutende, umutende,’ loli bo umutende ghutalimo naghumoghumo.

Yelemiya 8:11

Bakupozya ivilonda ivya bantu bane pamwanya bulo. Bakunena bakuti, “Umutende, umutende,” loli bo umutende ghutalimo naghumoghumo.

Nkuto 2:14

Ivisetuka ivya balaghuzi binyu vikaba vyabumyasi, sona vitakaba ni mbombo nayimoyimo. Bakazivumbula imbibi zyako umwakuti ivintu vikwendelaye akiza. Amazyu aghabulaghuzi ghakaba ghabumyasi sona ghakabasovyanga bulo abantu.

Ezekiyeli 13:10

“Pachifukwa ichakuti bakusobezya abantu bane, nukunena ukuti, ‘Umutende,’ napapo pate umutende bali ngati bantu babo bazenga ilinga, po abene bakwiza pakusingula nibanya,

Ezekiyeli 13:3

U Mwene Uwamaka Ghosi akuti, “Chighune kubalaghuzi abapunganu, babo bakukonka inyinong'ono zyabo napapo batavyenizyepo ivisetuka navimovimo!

Ezekiyeli 25:17

Nkwiza pakubatanizya nkani nukubafunda nubukali bwane. Po bakwiza pakumanya ukuti ane ne Mwene, bo nkubatanizya.’ ”

Ezekiyeli 38:23

Po nkwiza pakulanjizya ubukulu bwane nubuzelu bwane, sona nkwiza pakwivumbula pamaso pa inko inyinji. Po bakwiza pakumanya ukuti ane ne Mwene.”

Ezekiyeli 9:10

Po ntakwiza pakubapelela ichisa pamo pakubaleka bumi, loli nkwiza pakubatanizya pazizyo babombite.”

Hoseya 14:1

Mwee ba Izilayeli, nyokela kwa Mwene u Chala winyu. Imbibi zyinyu zyabawisya!

Hoseya 5:9

Ichisu icha Efulayimu chikwiza pakuba chisami pisiku lilyo abantu bache bakwiza pakufundiwa. Nkwiza pakufumusya ubwanaloli pakasi panko izya ba Izilayeli bosi.

Hoseya 8:13

Bakubika ivyakwiyipa kukwane, nukulya inyama yila, loli u Mwene atakuhoboka navyo. Ilelo nkwiza pakubukumbuka ububibi bwabo sona nkwiza pakubafunda pachifukwa icha mbibi zyabo. Po bakwiza pakunyokela kuchisu icha Ijiputi.

Hoseya 9:8

Umulaghuzi we mulindilili uwa Efulayimu, poka nu Chala wane. Loli bamuteghite ivipingo muzila, sona lope ulubengo luli mu Nyumba iya Chala wache.

Amosi 8:2

U Mwene akalalusya akati, “Amosi nkimba ukwennya ichoni?” Nkamula nkati, “Nkwennya ichidudunga icha vikomwa ivitonu.” Po u Mwene akambuzya akati, “Ubumalilo ubwa bantu bane aba Izilayeli bwafikila. Ntakwiza pakubaleka bulo.”

Mika 2:11

Nanti umuntu umumyasi sona umuzimbuli akwiza nukunena ukuti, ‘Nkwiza pakubalaghulila ukuti: Mukwiza pakuba nu vinyo umwinji, sona ni vyakungw'ela vivyo umuntu angakolwa navyo,’ umuntu yunuyu angaba mulaghuzi winyu!

Mika 7:4

Umuntu umwiza nkani mumwabo ali ngati we ntolovu, umugholosu nkani ukuchilapo mumwabo ali ngati lupaso ulwa mivwa. Isiku ilyakufundiwa abalindilili bako lyafika lilyo u Chala akubendela. Ilelo kanaka ko kabalilo akakuvulungana.

Zefaniya 3:4

Abalaghuzi bache bakwituvya sona te basubiliwa. Abaputi bache bakubunyazya Ubuzilo Ubuzelu nukuzinangannya indaghilo.

Maliko 3:21

Bo abakamu bache bivwa zinizi, bakabuka pakumulema pakuti abantu bakanenagha ukuti, “U Yesu apena.”

Luka 21:22

Pakuti amasiku ghalaghala gho ghagho u Chala akwiza pakubafunda abantu ukuti vyosi vivyo Amasimbo ghakanena vikwanilisiwe.

2 Aba Kolinti 5:13

Nanti abantu bakwinong'ona ukuti tupunganite, momumo tupunganite pachifukwa icha Chala. Loli nanti tutapunganitepo, zili bunubu pachifukwa icha mwemwe.

Ubuvumbuli 16:19

Akaya akakulu nkani aka Babiloni kakagabinkana patatu, sona nutwaya utukulu nkani utwa vyisu vyosi tukamongoliwa. U Chala akamung'wesya u Babiloni umukulu nkani yula uvinyo uwa mulubako lwache, lulo lukizula nu bukali bwache ubukulu.