Hoseya 9:6 - IBAYIBOLO 2024

⁶ Napapo bangakulyegha ukunanganika, ichisu icha Ijiputi chikwiza pakubabungannya, po abantu aba mu Memufisi bakwiza pakubasyila. Usiliva wabo akwiza pakuvwinka amivwa, sona amivwa ghakwiza pakumela muvisakasa vyabo.

Hoseya 9:6 Iomraidhean Croise

2 Abamwene 13:7

U Yehowahazi atakasyalapo na basilikali nabamobamo, loli bene 50 babo bakendagha pafalasi ni ngolo izya bwite 10, sona na basilikali 10,000 babo bakendagha pasi pachifukwa ichakuti u mwene uwa ba Siliya akabanangannya abasilikali bosi nukubakanyankila ngati lufumbi.

Masalimo 107:34

Ichisu icha muvundo pakuba chisu icha mbeya, pachifukwa icha bantu ababibi, babo bakwikala mulamula.

Ivyili 24:31

Nkennya amivwa ghene, isote likaba posi na posi, sona ulupaso ulwa mabwe lukamongoka.

Yesaya 11:11

Pisiku lila u Mwene akwiza pakulanjizya amaka ghache akabubili, pakubabwezya abantu bache abakusyalako ukufuma kuvyisu ivi, Asiliya na kuchigaba icha kuntede ku Ijiputi na kuchigaba ichakumitu icha Ijiputi nu Etiyopiya nu Elamu nu Babiloni nu Hamati na musungo zyosi izya Nyanja iya Medeteleniya.

Yesaya 19:13

Amakambala agha mu Zowani ghaba mapunganu, abalongozi aba mu Memfisi babazimbula abantu, abalongozi banaba bazisovya inko izya mu Ijiputi.

Yesaya 27:12

Pisiku lilalila u Mwene akwiza pakubabungannya abantu weka na weka ukwanda kulusoko ulwa Yufuleti mupaka kulusoko ulwa Ijiputi ngati muntu yuyo akupeta ingano pakwefyamo ilyelelo.

Yesaya 32:13

pachifukwa icha chisu icha bantu bane, ichisu chicho chimelite amivwa ni ntolovu, lilila inyumba zyosi zizyo mumo abantu bahobokite, mukaya akakulu nkani akalusekelo.

Yesaya 34:13

Amivwa ni ntolovu vikwiza pakumela munyumba izya bumwene, ukabeya na mivwa vikwiza pakumela mumalinga ghache. Kakwiza pakuba nyumba iya bakambwe naba mpughulu.

Yesaya 5:6

Nkwiza pakughuleka ukuti ghubanje nkolongo. Ntakwiza pakughupalanta pamo ukulimamo, sona mukwiza pakumela abantolovu na mivwa. Nkwiza pakughalamula amabingu ukuti ghatakatimizyanje ivula.”

Yesaya 7:23

Pisiku lilalila, pabuzilo bosi papo pakaba ulutabo ulwa mampesya 1,000 agha kukwana isalabazya izya siliva 1,000 pakwiza ukumela abantolovu na mivwa.

Yelemiya 2:16

Sona abantu aba Memfisi naba mu Tapanesi bakuvulazizye pamutu wako.

Yelemiya 42:22

Po ilelo muzimanye ukuti, mukwiza pakufwa nu bwite, nizala sona nichiwaya ku buzilo bubo mukulonda pakwikalako.”

Yelemiya 44:1

U Mwene akambuzya nizya ba Izilayeli babo bakikalagha kuntende ku Ijiputi, mutwaya utukulu nkani utwa Migidoli naka Tapanesi naka Memfisi sona na kumitu ukwa chisu icha Ijiputi.

Yelemiya 44:12

Nkwiza pakubasenda abantu bosi abakusyalako aba mu Yuda, babo bakabikapo u moyo pakwikala mu Ijiputi. Bosi bakwiza pakumalila mu Ijiputi, bakwiza pakughoghiwa kubwite, pamo nizala. Ukwandila ku banandi mupaka ku basongo, bakwiza pakughoghiwa kubwite pamo nizala. Bakwiza pakuba bantu abakughuniwa naba koghofya.

Yelemiya 44:13

Nkwiza pakubafunda babo bakwikala mu Ijiputi nu bwite, nizala, sona ni chiwaya ngati mumo nkabafundila aba ku Yelusalemu.

Yelemiya 46:14

“Fumusya mukaya akakulu aka Ijiputi, lumbilila mu Migidoli mu Memfisi sona na mu Tapanesi, ‘Iyannya pakwipoka, pakuti ubwite bukwiza pakubanangannya bosi babo babazyunguliye.’

Yelemiya 46:19

Yannya ukatundu winyu uwakubuka nawe kubuzya, mwe bantu mwe mukwikala mu Ijiputi, pakuti akaya aka Memfisi kakwiza pakuba chisami, sona abantu batakwiza pakwikalaghamo.

Ezekiyeli 30:13

“ ‘U Mwene Uwamaka Ghosi akuti: Nkwiza pakuvinangannya ivifwani, nukumazya abachala abavifwani aba mu Memfisi. Mutakwiza pakubamo sona u mwene muchisu icha Ijiputi, sona nkwiza pakubikamo ubogha muchisu chosi.

Ezekiyeli 30:16

Nkwiza pakupemba umoto muchisu icha Ijiputi, aba mu Pelusiyumi bakwiza pakuba mububavu ubukulu. Akaya aka Tebesi kakwiza pakupankuliwa, abantu aba mu Memfisi bakwiza pakuba nubogha.

Hoseya 10:8

Ubuzilo ubwapamwanya ubwa Aveni, imbibi iya ba Izilayeli yimongoliwanje. Amivwa ni ntolovu vikwiza pakumela mulamula, nukuvivwinka ivighemo vyabo. Po bakwiza pakughabuzya amaghamba ukuti, “Tufisaye bulo!” Nukutubuzya utughamba ukuti, “Tuwilaye!”

Hoseya 11:11

Bakwiza bakutetema ngati viyuni vya muchisu icha Ijiputi, sona ngati nkunda izya muchisu icha Asiliya. Po u Mwene akuti, “Nkwiza pakubabwezya mutwaya twabo.”

Hoseya 2:6

Polelo nkwiza pakuwighalila umusebo wache na mivwa, nkwiza pakumuzengelela nulupaso umwakuti atakayaghe izila.

Hoseya 7:11

Aba Efulayimu bali ngati yo nkunda, yiyo yikuzimbuliwa sona yitakwivwisya. Ilelo bakubitizya aba Ijiputi ukuti babavwe, indabi bakweghamila ku Asiliya ukuti abapoke.

Hoseya 7:13

Baghuniwe abantu banaba, pachifukwa ichakuti bepiteko kukwane. Bananganika pachifukwa ichakuti bansambukiye, nkunyonywa pakubatabula loli bakunzimbula.

Hoseya 7:16

Batakunyokela ku Uwakumwanya Nkani, bali ngati bwele bubo bupyokite. Abalongozi babo bakwiza pakughoghiwa nupanga, pachifukwa ichakuti bakutamanta. Po bunubu bakwiza pakusamuliwa muchisu icha Ijiputi.

Hoseya 8:13

Bakubika ivyakwiyipa kukwane, nukulya inyama yila, loli u Mwene atakuhoboka navyo. Ilelo nkwiza pakubukumbuka ububibi bwabo sona nkwiza pakubafunda pachifukwa icha mbibi zyabo. Po bakwiza pakunyokela kuchisu icha Ijiputi.

Hoseya 9:3

Batakwiza pakulekiwa muchisu icha Mwene. U Izilayeli akwiza pakunyokela ku Ijiputi nukulya ichakulya ichinyazu mu Asiliya.

Aba Levi 26:33

Nkwiza pakubanyampanizizya pakasi pabantu aba inko injeni nukubanangannya nupanga wane. Ichisu chinyu chikwiza pakuba nkolongo, sona utwaya twinyu utukulu nkani tukwiza pakuba visami.”

Zefaniya 1:11

“Lilagha, amwe mwe mukwikala muminalo, abaghulizi binyu bosi bakwiza pakuzimila, sona bosi babo bakughulizya u siliva bakwiza pakunangika.

1 Samuweli 13:6

Bo aba Izilayeli bennya ukuti bali muntamyo nkani, sona nukuti abasilikali babo bakabavwanila, bakavwama mumpako na mumisitu, na mumabwe, na muvibwina, sona na muviziba.