Hoseya 9:4 - IBAYIBOLO 2024

⁴ Batakwiza pakubika ichakwiyipa icha vinyo kwa Mwene pamo pakubika ivyakwiyipa vivyo vikumuhobosya. Ivyakwiyipa vinivi vikuba ngati cho chibama, icha bantu abakulila. Abantu bosi banaba babo bakulya chinichi babanje banyazu. Ichakulya chinichi chikuba chazala yabo. Te chakubikiwa mu Nyumba iya Mwene.

Hoseya 9:4 Iomraidhean Croise

Ukufuma 29:40

Poka nu mwana uwa ng'ozi uwakwanda yula ikilogalamu lyoka ilya busu ubutinye ubwakongannya ni lita lyoka ilya mafuta agha misyunguti ukuti chibanje chakwiyipa icha vinyo.

Ukufuma 40:23

nukubikapo ichibama ichakubikiwa kwa Mwene, ngati mumo u Mwene akamulamulila.

Yesaya 57:6

Mukusenda amabwe amiza agha kwikombe, nukughiputa ngati bo bachala binyu, mwavipungulila ivyakwiyipa ivya vinyo nivya busu. Nkimba mukwinong'ona ukuti nkuhoboka ni vintu vinivi?

Yesaya 66:3

Loli abantu babo bakughogha ing'ombe pakuba chakwiyipa, bali ngati muntu yuyo aghogha umuntu, abantu babo bakughogha ing'ozi pakuba chakwiyipa, bali ngati muntu yuyo anyonga imbwa isingo, sona abantu babo bakubika amalezi pakuba chakwiyipa, bali ngati muntu yuyo akubika ibanda ilya ngulube, abantu babo bakubika ichikumbusyo icha ivyakununkila, bope bulo bali ngati muntu yuyo akuchiputa ichifwani. Basala izila zyabo, sona imizimu yabo yikuhoboka nivintu ivibibi,

Yelemiya 16:7

Atalipo nayumoyumo uwakubapa ichakulya abafwilwe ukuti abasangalusye pa vitima ivya bufwe ubwa wise pamo unyina. Sona atakabepo nayumoyumo uwakubapa ichakung'wela ichakubasangalusya.

Yelemiya 6:20

Nkimba utwakufukizya utwakununkila utwa ku Sheba tuli nimbombo yoni kukwane, pamo ivyakunonanona ivya kuchisu ichakubutali? Ivyakwiyipa vyinyu ivyakocha vitakupokeleliwa, Ivyakwiyipa vyinyu vitakunhobosya.”

Ezekiyeli 24:17

Koloma umwachimyemye, utakamulile umufwe. Vwala ichisote chako ni nkwato zyako kunyayo, utakavwinke icheni chako pamo pakulya ichakulya icha bantu babo bali pachililo.”

Ezekiyeli 24:22

Sona ukwiza pakubomba ngati mumo nabombela. Utakwiza pakuvwinka icheni chako pamo pakulya ichakulya icha bantu babo bali pachililo.

Daniyeli 1:8

Loli u Daniyeli akadumula ukuti atakinyazye mwene pakulya ichakulya nukung'wela uvinyo uwa kunyumba iya bumwene, po akamulaba usongo uwa makambala yula, ukuti amwitikizye ukuti atakinyazye mwene pakulya ichakula chilachila.

Hoseya 3:4

Pakuti aba Izilayeli bakwiza pakwikala amasiku aminji nkani bo bate nu mwene pamo umulongozi bo batakubika ivyakwiyipa pamo pakuba na mabwe amazelu pamo u efodi pamo ichifwani.

Hoseya 7:16

Batakunyokela ku Uwakumwanya Nkani, bali ngati bwele bubo bupyokite. Abalongozi babo bakwiza pakughoghiwa nupanga, pachifukwa ichakuti bakutamanta. Po bunubu bakwiza pakusamuliwa muchisu icha Ijiputi.

Hoseya 8:13

Bakubika ivyakwiyipa kukwane, nukulya inyama yila, loli u Mwene atakuhoboka navyo. Ilelo nkwiza pakubukumbuka ububibi bwabo sona nkwiza pakubafunda pachifukwa icha mbibi zyabo. Po bakwiza pakunyokela kuchisu icha Ijiputi.

Yoweli 1:13

Mwe baputi, vwalagha amasaka nukulila, mwe mukubomba pachighemo, lilagha. Mwe mukubomba pamaso pa Chala, zagha vwalagha amasaka busiku bosi, pakuti ivyakwiyipa ivya busu ni vyakung'wela vyimiwa mu Nyumba iya Chala winyu.

Yoweli 1:9

Ivyakwiyipa ivya busu ni vya vinyo, vyefiwamo mu Nyumba iya Mwene. Abaputi bakulila, babo bakubomba pamaso pa Mwene.

Yoweli 2:14

Lumo anganyosyako umoyo wache, nukululeka ulusayo kwisinda, ichakwiyipa icha busu sona ni cha vinyo, ivyakubika kwa Mwene u Chala winyu.

Aba Levi 17:11

Pakuti ubumi ubwa chintu chosi ichabumi buli mwibanda, po nabapa ibanda pakuba chakupepesezya imbibi zyinyu pachighemo, pachifukwa ichakuti ibanda lyo lilyo likupepesezya imbibi izya muntu.

Aba Levi 21:17

“Umubuzye u Aloni uti, ‘Atakabepo nayumoyumo uwaluko lwinyu mupaka inkulilo izya muntazi yuyo ali ni chilema, uwakubika ichakulya kwa Chala wache.

Aba Levi 21:21

Nayumoyumo umuntu uwaluko ulwa umuputi u Aloni, yuyo ali ni chilema abaghiye pakubika ichakwiyipa ichakocha kwa Chala wache.

Aba Levi 21:6

Abaputi babanje bantu bazelu sona batakalisamulaye itabwa ilya Chala wabo. Babanje bantu bazelu pachifukwa ichakuti abene bo babo bakubika ichakwiyipa ichakocha kwa Mwene, chicho chakulya icha Chala wabo.

Aba Levi 21:8

Mubapimaye abaputi pakuba bantu bazelu, pakuti abene bo babo bakubika ichakwiyipa icha chakulya kwa Chala winyu. Mubapimaye pakuba bantu bazelu, pakuti Ane ne Mwene ne muzelu, sona nkubapela amwe pakuba mwe bazelu.

Amosi 5:22

Napapo mukubika ivyakwiyipa ivyakocha ni vyakwiyipa ivya busu, ntakwiza pakuvipokela. Napapo mukubika ivyakwiyipa ivyabupoka, ntakwiza pakuvipokela, awe.

Malaki 2:13

Ichintu ichinji chicho mukuchibomba cho ichi, mukuchizuzya ichighemo icha Mwene na masozi. Mukufwifwitila nukulila pachifukwa ichakuti atakwinong'onelako ku vyakwiyipa vyinyu pamo ukuvipokela munyobe zyinyu umwakuhoboka.

Ukubelengiwa 19:11

“Nanti umuntu akughupalamasya umuvimba, akuba muntu munyazu amasiku seveni.

Ukubelengiwa 28:2

“Ubalamule aba Izilayeli, sona ubabuzye uti, ‘Mwenelezye ukuti mukubika pakabalilo kache ivyakulya ukuti chibanje chakwiyipa ichakocha, chicho umunusi wache ghukumuhobosya u Mwene.’ ”

Ukubelengiwa 4:7

Pitebulo ilyakubikapo ivibama ivyakubikiwa kwa Mwene batengepo umwenda uwa buluu nukubikapo amabeseni nu lukezo ni mbale sona ni sonta izya chakwiyipa icha vinyo. Pitebulo palapala pabanjepo vibama bwila na bwila.

Yohani 6:51

Ane ne chibama ichipela ubumi chicho chikika ukufuma kumwanya. Nanti umuntu wesi akulya ichibama chinichi, akwiza pakubangako bwila na bwila. Ichibama chicho nkwiza pakumupa gho mubili wane, chicho nkupa ukuti ichisu ichapasi chibanje nubumi.”

Ukukumbusya Amalamulo 26:14

Ntaliyepo nachimochimo ichigaba ichipaghuliwa pakabalilo kako nkaba pachililo, pamo ukwefyepo chimo, pakabalilo kako nkaba muntu umunyazu, pamo ukubikapo chimo ichigaba ku bantu abafwe. Namwivwila u Mwene, u Chala wane, nukubomba zizyo akandamulila.