Hoseya 9:15 - IBAYIBOLO 2024

¹⁵ “Nkubabenga pachifukwa icha bubibi bubo babomba muchisu icha Giligali, sona na pachifukwa icha mbombo imbibi zizyo babomba, po nkwiza pakubefyamo munyumba yane. Ane ntakwiza pakubaghana nalumo sona. Abalongozi babo bosi basambuke.

Hoseya 9:15 Iomraidhean Croise

Masalimo 78:60

Akepamo mubuzilo bwache ubwakwikalamo mu Shilo. Ichisakasa chache chikite pakasi pabantu.

Yesaya 1:23

Abalongozi bako basambuke, sona baba bo bamanyani aba biba. Baghanite nkani pakupokela amabeko, sona akabalilo kosi bakulonda vyo vyabupi. Batakubavighilila abana abalanda, pamo pakuteghelezya inongwa izya bakolo abafwilwe.

Yelemiya 11:15

Nkimba abantu bane abaghaniwa biza pakubomba choni munyumba yane? Nkimba te mwemwe mwabomba ivintu ivibibi nkani? Fwandi inyama yinyu impaghuliwa yingefyapo ulufundo lwinyu? Bo mukubomba imbibi, po mukusekela.”

Yelemiya 12:8

Abachilingo chane bali ngati nkalamu zizyo zili mumusitu. Bakumbulumila nizyu ilya bukali, cho chifukwa imbabengite.

Yelemiya 15:1

Po u Mwene akambuzya akati, “Napapo u Mozesi nu Samuweli bangimilila pamaso papane nukubiputila abantu banaba, pope bulo ngali intakabapelela ichisa abantu banaba. Befyepo pamaso papane! Babuzye babukaye!

Yelemiya 3:8

Nkamupa u Izilayeli umusita kusubiliwa yula ukalata uwasoka. Loli pope bulo umuyemba wache u Yuda umusita kusubiliwa yula atakaba nubogha nabumobumo, wepe bulo akabuka pakulowa.

Yelemiya 5:5

Ilelo nkubuka ku balongozi aba bantu ukuti inene nabo, naloliloli bayimenye izila iya Mwene, bachimenye chicho u Chala akuchilonda.” Bope bulo bakapyolannya ikoli, nukudumulannya ubunyololo.

Ezekiyeli 22:27

Amakambala ghache ghali ngati bo bakambwe babo bali pakukavula inyama, bakukupula ibanda nukughogha abantu ukuti bakabilemo vimo umwabuzimbuli.

Ezekiyeli 23:18

Akabombagha pabuzelu ubwamalaya bwache, abantu bosi bakamumanya ukuti we malaya. Cho chifukwa nkamupa inkonto, ngati mumo nkabombela nu mukulu wache.

Hoseya 1:6

U Gomeli akamela sona ulwanda, nukupapa umwana umulindu. Po u Mwene akamubuzya u Hoseya akati, “Umwite ukuti we Lo Luhama, pakuti ntakwiza pakuba nichililizi sona naba Izilayeli ukuti imbahobokele.

Hoseya 1:9

Po u Mwene akati, “Umwite ukuti we Lo Ami, pakuti te mwe bantu bane, sona ane inte ne Chala winyu.

Hoseya 12:11

Nkimba mu Giliyadi muli ububibi? Abantu bache bate ni mbombo nayimoyimo! Nkimba bakwiyipa inkambaku mu Giligali? Ivighemo vyabo vikwiza pakuba ngati chilunda icha mabwe, pamughunda ghugho balima.

Hoseya 12:2

U Mwene abapiye inongwa abantu aba mu Yuda. Akwiza pakumufunda u Yakobo ukuyana ni nkalo yache, sona akwiza pakumutanizya ukuyana ni mbombo zyache.

Hoseya 3:4

Pakuti aba Izilayeli bakwiza pakwikala amasiku aminji nkani bo bate nu mwene pamo umulongozi bo batakubika ivyakwiyipa pamo pakuba na mabwe amazelu pamo u efodi pamo ichifwani.

Hoseya 4:15

“Mwee ba Izilayeli napapo mukulowa nkani, loli aba Yuda batakabanje ninongwa. “Mutakabukaye ku Giligali, pamo ku Beti Aveni. Mutakalapaye ukuti, ‘Nkulapila mwitabwa ilya Mwene umumi!’

Hoseya 4:9

Po nkwiza pakubabombela abaputi ngati zizyo nkababombela abantu. Nkwiza pakubafunda bosi pachifukwa icha zizyo bakubomba, sona nkwiza pakubatanizya pachifukwa icha mbibi zyabo.

Hoseya 7:2

Loli batakuzyaghannya, ukuti nkuzikumbuka imbombo zyabo zyosi imbibi. Imbibi zyabo zikubamila, akabalilo kosi bali pamaso papane.

Hoseya 9:17

U Chala wane akwiza pakubapa inkonto, pachifukwa ichakuti batamwivwila. Bakwiza pakwendakwendagha bulo pakasi pa inko.

Hoseya 9:3

Batakwiza pakulekiwa muchisu icha Mwene. U Izilayeli akwiza pakunyokela ku Ijiputi nukulya ichakulya ichinyazu mu Asiliya.

Aba Levi 26:30

Nkwiza pakunangannya inyumba zyinyu izyakwiputilamo ivifwani mumaghamba, nukumongolannya ivighemo ivyakufukizizyapo utwakununkila. Nkwiza pakuyisumbila imivimba yinyu pa vifwani vivyo vite nubumi, sona nkwiza pakubasulannya.

Amosi 4:4

“Buka ku Beteli nukubomba imbibi, sona buka ku Giligali, nukubomba imbibi inyinji. Zagha ni vyakwiyipa vyinyu pandabindabi posi, sona mubikaye ichigaba choka icha vigaba 10, pisiku ilyabutatu.

Amosi 5:27

Polelo nkwiza pakubatuma pakuba mwe bazya ukuchila ichisu icha Damasika.” U Mwene anena, yuyo itabwa lyache we Chala Uwamaka Ghosi.

Amosi 5:5

Mutakabuke pakwiputa ku Beteli, mutakabuke ku Giligali, pamo ku Belisheba. Pakuti naloli abantu aba mu Giligali bakwiza pakusendiwa nukubuka kubuzya, sona u Beteli akwiza pakuzimila ngati chintu ichabulo.”

Mika 3:11

Abalongozi bache bakulonga pachifukwa icha mabeko, abaputi bache bakumanyisya pachifukwa icha malipilo, sona abalaghuzi bakulaghula pachifukwa icha ndalama. Loli pope bulo beghamiye kwa Mwene nukuti, “Nkimba u Mwene ate pakasi papitu? Chitalipo ichiwaya chicho chingatuwila.”

Mika 6:5

Mwee bantu bane, kumbuka zizyo u Balaki u mwene uwamu Mowabu, akabatika pakubabombela sona namumo u Balamu umwana uwa Bewoli akamwamulila. Kumbuka ubulendo bwinyu ubwakufuma ku Shitimu ukubuka ku Giligali, ukuti mumanye namumo u Mwene akabapokela.”

Zefaniya 3:3

Amakambala ghache ghakubuluma ngati nkalamu, abalaghili bache bali ngati bo bakambwe babo bakwenda pachamabwila, batakuchilekapo nachimochimo ichakulya icha pandabindabi.

Zekaliya 11:8

Pamwezi ghoka, nkabaghogha abadimi batatu. Nkapotwa pakujimba nabo, sona bope batakandondagha.

Imbombo 4:27

“Naloli, u Helodi nu Pontiyo Pilati bakakomana poka mukaya akakulu nkani kanaka na bantu babo bate ba Yuda, naba Izilayeli pakumusambukila u Yesu, umubombi wako umuzelu, Umupoki yuyo ukamupakazya pakuba we Mwene.

Imbombo 5:21

Abatumiwa bakivwila, po pandabindabi nkani bakabuka nukwinjila mu Nyumba iya Chala nukwanda pakumanyisya. Umuputi usongo na bamanyani bache bakabitizya abalongozi aba Chiyuda ku lukomano ulwa balongi, po bakatuma abantu kujele ukuti bize nabo abatumiwa pamaso papabo.

Yoshwa 10:43

Bo bamala pakulwa ubwite, u Yoshwa poka na basilikali bache bakanyokela kuvisakasa vyabo mu Giligali.

1 Samuweli 7:16

Umwaka nu mwaka akakendelagha akaya akakulu nkani aka Beteli naka Giligali, sona naka Mizipa, sona akalongagha inongwa izya bantu mutwaya tosi tunutu.