Hoseya 9:13 - IBAYIBOLO 2024

¹³ Nkubennya aba Efulayimu ngati kaya aka Tile, kabyaliwe mubuzilo ubwiza, loli u Efulayimu akwiza na bana bache pakughoghiwa.”

Hoseya 9:13 Iomraidhean Croise

2 Abamwene 15:16

Pakabalilo kalakala u Menahemu akepako ku Tiliza nukakanangannya akaya akakulu nkani aka Tapuwa. Akabaghogha abantu bosi babo bakaba mulamula, na muchigaba ichakuzyungulila ukwandila mu Tiliza, pachifukwa ichakuti bakakana pakwibika munyobe zyache, sona akabatumbulannya abakolo bosi aba nyanda.

Yobu 27:14

Loli ubumalilo ubwa bana bache binji, wepanga abaluko lwache abinji batakwiza pakuba ni chakulya ichakubakwana.

Yelemiya 7:15

Nkwiza pakubasumbila kubutali nukubefyapo pamaso papane, ngati mumo nkababombela aba wamwinyu bosi, abantu aba mu Izilayeli.’ ”

Yelemiya 9:21

Imfwa yatwizila ukwendela mumabwindo ghitu, yinjila munyumba izya bumwene. Yatughoghela abana bitu mumisebo, sona yatumalila abalumendo bitu muminalo.

Nkuto 2:22

“Ukabitizya abalwani bane kunkuto zyosi ngati mumo ukubitizizya abantu kulusekelo. Pisiku lilyo u Mwene akakalala, atakabapo nayumoyumo uwakupona pamo uwakusyala mumi. Bosi babo nkabapakatapo nukubalela, abalwani bakabaghogha.”

Ezekiyeli 27:3

Ubabuzye abantu aba mukaya akakulu nkani aka Tile babo bakwikala piloboko ilya nyanja, babo bakughulizannya na bantu aba muvyisu ivyinji mulubazu ulwa nyanja uti, ‘U Mwene Uwamaka Ghosi ati: Wee Tile ukuti, “Nkuboneka akiza nkani.”

Hoseya 10:14

Po ichongo icha bwite chikwiza pakwivwika, pakasi pabantu binyu, umwakuti amalinga ghinyu ghosi ghakwiza pakumongonkana, Ngati mumo abantu aba mu Shalimani bakachinanganizizya, ichisu icha Beti Alibeli pisiku ilya bwite, pakabalilo kako bakabavuluvuzya abamayi pasi poka na bana babo.

Hoseya 13:16

Abantu aba mu Samaliya bafundiwanje pachifukwa icha bubibi bwabo, pakuti bamusambukiye u Chala wabo. Abantu banaba bakwiza pakughoghiwa nupanga, bope abana babo bakwiza pakubabamizya pasi, po abachi babo abalwanda bakwiza pakubazepula.

Hoseya 13:8

Nkwiza pakubanga ngati we labwe, yuyo bamufyula utwana twache, nkwiza pakabazepulannya. Sona nkwiza pakubamila bulo ngati nkalamu, nukubazepulannya ngati chinyamana icha munkolongo.

Hoseya 14:1

Mwee ba Izilayeli, nyokela kwa Mwene u Chala winyu. Imbibi zyinyu zyabawisya!

Hoseya 9:16

Aba Efulayimu badumuliwa, igululuzi lyabo lyuma, batangapa sona ivikomwa. Napapo bangapapa abana, nkwiza pakubaghogha abana babo abaghaniwa.”

Amosi 7:17

“Polelo u Mwene akuti, ‘Umuchi wako akwiza pakuba we malaya mukaya akakulu nkani, sona abana bako abalumendo na balindu bakwiza pakughoghiwa nupanga. Ichisu chako chope chikwiza pakupimiwa nukugabiwa, sona amwe mwebene mukwiza pakufwila muchisu chicho chitamumenye u Chala. Aba Izilayeli bosi bakwiza pakuba bazya, kubutali ni chisu chabo.’ ”