Hoseya 9:10 - IBAYIBOLO 2024

¹⁰ “Bo namwagha u Izilayeli nkaba ngati naghagha amampesya munkolongo. Bo nkubennya aba banyenya, nkaba ngati po nkuvyennya ivikomwa ivya kwanda ivya makuyu. Loli bo biza pighamba ilya Baala Pewoli bakipaghulila bene ichifwani icha nkozyasoni, sona mukaba ngati chintu icha mwiko chicho mukachighana.

Hoseya 9:10 Iomraidhean Croise

1 Abamwene 16:31

Loli u Ahabu akabomba vivyo u mwene u Yelobowamu akabomba. Akananga nkani pakumusenda u Yezibeli umwana uwa mwene u Etibala umu Sidoni pakuba muchi wache. Po akanda pakumwiputa nukumubombela u Baala.

2 Abamwene 17:11

Abantu bala bakafukizya utwakununkila pabuzilo bosi ubwapamwanya ubwakwiputilapo ivifwani, ngati mumo zikabombelagha inko zizyo u Mwene akazichimbizya pamaso papabo. Bakabomba ivintu ivibibi vivyo vikamukalalizya nkani u Mwene.

Masalimo 115:8

Abantu babo bakuvipanga ivifwani vinivi bayanite navyo, sona na bosi babo bavisubiye.

Masalimo 81:12

Po nkabaleka bulo na moyo ghabo amakafu, umwakuti babombaye vivyo bakuvilondagha.

Inyimbo izya Solomoni 3:6

Nkimba wewenu yuyo akufumila munkolongo, yuyo akwiza ngati yo mpanda iya lyosi? Apakaye amafuta aghakununkila agha mule, sona nu munusi uwa twakufukizya utwakununkila utwa baghulizi.

Yesaya 28:4

Ubwezya ubwakufoka ubwa buchindamu bwache, bubo buli kwikombe ilya muvundo, ubwezya bulabula buli ngati vikomwa vya kwanda pakutona, panapo na panapo nanti abantu bavyennya, bakuyaba nukuvilya.

Yelemiya 11:13

Wee Yuda, abachala bako binji nkani babo bayanite bulo nutwaya twinyu utukulu sona vyope ivighemo vivyo muzengite ivya kumochelapo utwakununkila u chala winyu u Baala, vyinji nkani ngati misebo iya mu Yelusalemu.’

Yelemiya 24:2

Ichidudunga choka chikaba ni vikomwa ivya makuyu ivyiza nkani, vivyo vikayana bulo navivyo vikatona kale, ichidudunga ichinji chikaba ni vikomwa ivibibi nkani ivya makuyu, umwakuti vikaba vibibi nkani pakulya.

Yelemiya 3:24

Loli ukwandila ku bulumendo bwitu, abachala abakozya isoni batupela aswe ukuti tutaghe vyosi, vivyo abanyenya bitu bakatubombela, kokuti imidimo iya ng'ozi niya ng'ombe, abana babo abalumendo na balindu ukwanda kale.

Yelemiya 3:25

Zagha tulambalale pasi bo tuli nisoni, sona ukwisamula kwitu kutuvwinke. Pakuti twamunangila u Mwene u Chala witu, aswe poka na banyenya bitu, ukwandila ko kubulumendo bwitu mupaka nilelo, sona twapotwa pakumwivwila u Mwene u Chala witu.”

Yelemiya 31:2

U Mwene akuti, “Nkwiza pakubapelela ichisa abantu babo bakapona kubwite munkolongo, bo aba Izilayeli bakulonda ubutuzyo.”

Yelemiya 5:31

Abalaghuzi bakulaghula ivyabumyasi, abaputi bakumanyisya chicho bakulonda, sona abantu bane bakuhoboka na zyosi zinizi. Po nkimba mukwiza pakubomba choni pabumalilo?”

Ezekiyeli 20:8

“ ‘Loli bakansambukila ane sona batakanteghelezya, batakavyefyamo ivifwani vivyo bakuvyiputa, pamo pakuvileka ivifwani ivya mu Ijiputi po nkati: Nkwiza pakubapungulila ubukali bwane nukukalala kwane bo bali muchisu icha Ijiputi.

Hoseya 11:1

Pakabalilo kako u Izilayeli akaba mwana munandi, nkamughana nkani, po nkamwitizya umwana wane umulumendo, ukuti epemo mu Ijiputi.

Hoseya 13:5

Nkabasungilila akiza nkani munkolongo, muchisu ichumizu nkani.

Hoseya 2:15

Kulakula nkwiza pakumunyosekezya umughunda wache uwa mampesya, sona nkwiza pakulipela Ikombe ilya ntamyo pakuba mulyango uwa Lusubilo. Kulakula akwiza pakwamula ngati mo mumasiku agha bulindu bwache, ngati mo mumasiku ghagho akepela mu Ijiputi.

Hoseya 4:14

“Ntakwiza pakubafunda abana binyu abalindu nanti bakubomba ubwamalaya, sona ntakwiza pakubafunda abalasagha binyu nanti bakulowa, pachifukwa ichakuti abanavuli bo babo bakulowa na bakolo abamalaya, nukubika poka nabo ichakwiyipa ku vifwani, sona abantu babo batakwivwisya bakwiza pakunanganika.

Hoseya 4:18

Nanti bang'wela nkani uvinyo bakulowa, sona abalongozi babo bighanite nkani pakubomba inkozyasoni.

Amosi 4:5

Bika ivibama vyinyu ivya chilungo, pakuba chakwiyipa ichakupalizikizya, sona mwituvyanje pachifukwa icha vyabupi, vivyo mukwiyipa mubwighane bwinyu. Mwee ba Izilayeli, pakuti vinivi vyo vivyo muvighanite nkani pakubomba.” U Mwene Uwamaka Ghosi anena.

Mika 7:1

Mwee, chighune kukwane! Naba ngati muntu yuyo akubungannya ivikomwa muchisanya, sona ngati po nkusalala amampesya. Kute na mampesya aghakulya, pamo ukuba nikwilu ni vikomwa ivya makuyu ghamo.

Ukubelengiwa 15:39

Amabuzi amatalitali ghanagha ghakwiza pakuba chikumbusyo icha malamulo agha Mwene ukuti mughakonkaye, mubuzilo ubwa kukonka ivinyonywa ivya mabili ghinyu.

Ukubelengiwa 18:13

Ivikomwa vyosi ivyakwanda pakutona ivya muchisu chinichi, vivyo abantu bakumupa u Mwene vibanje vyinyu. Umuntu wesi uwa munyumba yinyu yuyo atinyazizye mwene angalya.

Aba Loma 6:21

Nkimba mukakabapo ichoni pakubomba ivintu ivyakukozya isoni vinivi? Pakuti ubumalilo ubwa vintu vinivi, bo bufwe bwene!

Ukukumbusya Amalamulo 32:10

Akabagha munkolongo muchisu mumo mutakabamo nakamokamo. Akabavighilila nukubasungilila ngati mumo angalisungilila ilyiso lyache.

Ukukumbusya Amalamulo 32:17

Bakabika ivyakwiyipa ku mizimu imibibi, yiyo atakaba we Chala umwenecho. Bakaba bachala babo, abanyenya babo batabamenyepo nalumo, abachala babo aba Izilayeli batabiputitepo nalumo.

Ukukumbusya Amalamulo 4:3

Amwe mukavyennya na maso ghinyu ivintu vivyo u Mwene akavibomba pa Baala Pewoli. U Mwene u Chala winyu akamunangannya umuntu wesi pakasi papinyu, yuyo akamuchindikagha u Baala uwaku Pewoli,

Abalongi 6:32

Po ukwandila pisiku lilalila bakamwita u Gidiyoni ukuti we Yelubi Baala, pachifukwa ichakuti akamongolannya ichighemo chache.