Hoseya 8:7 - IBAYIBOLO 2024

⁷ “Aba Izilayeli bakapesa impepo, nukwinula ukankungu. Amapelele ghatakwela nachimochimo, ghatakwiza pakubapa ubusu. Nanti ghakelagha abayeni ngali bakalya ichakulya.

Hoseya 8:7 Iomraidhean Croise

Ubwandilo 41:23

Pisinda pache pakamela sona imitu iya malezi imighande seveni yiyo yikababuka ni mpepo iyakubufumilo bwizuba.

2 Abamwene 15:19

U mwene u Pulu uwamu Asiliya akalwa ubwite ni chisu icha Izilayeli. Po u Menahemu akamupa isalabazya 34,000 izya siliva ukuti amwavwe pakubwikazya ubulaghili bwache muchisu chila.

2 Abamwene 15:29

Pakaba po pakabalilo aka mwene u Peka uwamu Izilayeli, kako u mwene u Tigilati Pileseli uwamu Asiliya akakafyula akaya akakulu nkani aka Iyoni naka Abeli Beti Maaka naka Yanowa naka Kedeshi, sona naka Hazoli. Akachifyula ichigaba icha Giliyadi, nicha Galileya sona ni chisu chosi icha Nafutali nukubasenda abantu bosi aba mula nukubuka nabo ku Asiliya pakuba bakayidi.

Yobu 4:8

Ngati mumo nkwenezya, abantu babo bakubyala ububibi, nukupesa intamyo, bakwinula intamyo zilazila.

Ivyili 22:8

Umuntu yuyo akupesa ububibi akwinula intamyo, sona indisa iya bukali bwache yikwiza pakupyoka.

Umulumbilili 5:16

Chope chinichi chintu chachitima nkani ichakuti umuntu akubuka ngati mumo akizila. Po nkimba akukabapo ichoni, akiyula pabulo?

Yesaya 17:11

napapo pisiku lilyo ukuzibyalilagha, nukuzipela ukuti zikulaye, mukazibyalagha pandabindabi nukuzipela ukuti zibazye ubwezya, loli inyinulo yitakwiza pakubangako, pisiku ilya ntamyo nukubaba kuko kutakumala nalumo.

Yesaya 55:2

Nkimba choni chicho mukutagha indalama, pavivyo te vyakulya, sona nukubombela pachicho chitakwikutizya? Nteghelezya akiza, sona mulyanje chicho chiza, mwilaghaye pakulya ivyakulya ivyizya.

Yesaya 66:15

Ennya, u Mwene akwiza numoto, sona ingolo zyache zili ngati we kankungu, akwiza pakukwanilisya ubukali bwache ubwakoghofya, sona ukuchemela kwache kuli ni ndimi izya moto.

Yelemiya 12:13

Bakwiza pakupesa ingano, loli bakwiza pakuvuna amivwa. Bakwiza pakulita nkani pakubomba imbombo, loli batakwiza pakuvunamo nakamokamo. Inyinulo yabo yikwiza pakubakozya isoni pachifukwa icha bukali ubwa Mwene.”

Nkuto 5:2

Ichilingo chapeghiwa ku bayeni, sona inyumba zyitu zipeghiwe kubendazila.

Hoseya 2:9

“Polelo nkwiza pakumufyula ingano yane bo yatona, sona nkwiza pakumufyula u vinyo nanti ayaniziwa. Nkwiza pakumufyula ameya ghane, sona na menda ghane amatonte, ghagho akalonda pakuvwinka inkule yache.

Hoseya 7:9

Abayeni bakumumala amaka, loli atakuzyaghannya. Kumutu wache kuli ivwi zyene, loli atakuzimanya.

Hoseya 9:16

Aba Efulayimu badumuliwa, igululuzi lyabo lyuma, batangapa sona ivikomwa. Napapo bangapapa abana, nkwiza pakubaghogha abana babo abaghaniwa.”

Nahumu 1:3

U Mwene atakukalala lubilolubilo, sona wamaka nkani. U Mwene atakwiza pakubaleka bulo ababomba mbibi. Akwenda mwakankungu, na mumpepo iyamaka, sona amabingu lufumbi ulwa kunyayo zyache.

Hagayi 1:6

Mwabyala ivyinji nkani, loli mwinula vinandi bulo. Mukulya, loli mutakwikuta nalumolumo. Mukung'wela, loli vitakubakwana nalumolumo. Mukuvwala amenda, loli mutakutukila. Mukupokela amalipilo, loli mukughabika munyambi zizyo zidobokite.”

Aba Galatiya 6:7

Mutakizimbulaye mwebene! U Chala atangangaziwa. Umuntu akwiza pakwinula chicho akupesa.

Aba Galatiya 6:8

Pakuti umuntu yuyo akupesa ivinyonywa ivya buntu, chicho akwiza pakwinula bo bufwe. Loli umuntu yuyo akupesa mwa Muzimu Umuzelu, chicho akwiza pakwinula bo bumi ubwa bwila na bwila.

Ukukumbusya Amalamulo 28:33

Abantu babo utabamenye bakwiza pakukufyula vyosi ivya mumaghunda ghako, vivyo ukiyula pakulima, sona bakwiza pakukukanyilila nukukuyivya akabalilo kosi.