Hoseya 8:14 - IBAYIBOLO 2024

¹⁴ Aba Izilayeli bamuluvizye umupeli wabo, nukuzenga inyumba inkulu izya bumwene. U Yuda abalizya utwaya utukulu nkani utwa malinga. Loli Nkwiza pakutuwisizya umoto, ghugho ghukwiza pakughalungulizya amalinga ghabo.”

Hoseya 8:14 Iomraidhean Croise

1 Abamwene 12:31

U Yelobowamu yula akazenga sona ubuzilo ubwapamwanya ubwakwiputilapo ivifwani pighamba nukubasala abaputi napapo batakaba ba Levi.

1 Abamwene 16:31

Loli u Ahabu akabomba vivyo u mwene u Yelobowamu akabomba. Akananga nkani pakumusenda u Yezibeli umwana uwa mwene u Etibala umu Sidoni pakuba muchi wache. Po akanda pakumwiputa nukumubombela u Baala.

2 Abamwene 18:13

Mumwaka uwa 14 bo u mwene u Hezekiya akulaghila, u mwene u Senakelibu u mwene uwamu Asiliya akiza pakulwa ubwite nutwaya tosi utukulu nkani utwa malinga utwa mu Yuda nukutufyula.

2 Imbili 26:10

Akazenga sona ichitembe munkolongo nukukumba iviziba ivyinji nkani, pachifukwa ichakuti akaba ni vitekwa ivyinji nkani muntende mumaghamba na mwikombe. Akaba na bambombo babo bakabombagha mumaghunda ghache na mumaghunda agha mampesya mumaghamba na muvyisu ivya mboto, pakuti akalighana nkani itope.

2 Imbili 27:4

Akazenga utwaya utukulu nkani mumaghamba agha mu Yuda na malinga sona ni chitembe mumusitu.

Masalimo 106:21

Bakamuluvya u Chala yuyo akabapoka, yuyo akabomba ivintu ivikulu nkani mu Ijiputi,

Masalimo 95:6

Zagha tumulambilaye nukumwiputa, zagha tumufughamililaye u Mwene Umupeli witu.

Yesaya 17:10

Amwe mwamuluvya u Chala Umupoki winyu, mutakumukumbuka yuyo lyalabwe linyu ilyakuponelamo. Polelo, napapo mukabyala imbeyu inyiza, nukwitikizya imbeyu iya bachala abayeni,

Yesaya 29:23

Bo bakubennya abana babo, babo mbombo iya nyobe zyane, bakwiza pakulichindika itabwa lyane izelu, bakwiza pakubumanya ubuzelu ubwa Muzelu uwa Yakobo, sona bakwiza pakumunyila u Chala uwa Izilayeli.

Yesaya 42:13

U Mwene akulefuka ngati muntu uwamaka, sona ngati musilikali yuyo ali nulweke pakulwa ubwite, akukolomoka nukukoloma ukwa bwite, po akubapota abalwani bache.

Yesaya 42:25

Akapungulila ubukali bwache papabo, sona nu bukali ubwa bwite bwache. Ghukabocha umwakuzyungulila, loli pope batakivwanga, ghukabalungulizya, loli pope batakachibikila kumoyo.

Yesaya 43:21

Abantu babo nkimatila nemwene, ukuti bafumusyanje amapalo ghane!

Yesaya 9:10

“Injelwa ziwiye pasi loli tukwiza pakuzenga, sona namabwe aghakubiza, amakwi agha makuyu baghadumuliye pasi, loli tukwiza pakughapyanizyapo na makwi agha mwale.”

Yesaya 9:9

Abantu bosi aba muchisu icha Efulayimu sona naba mu Samaliya babo bakunena umwakwikwezya nukwitutumula, ukwa mumoyo bakwiza pakuzimanya zinizi,

Yelemiya 17:27

Loli nanti mutakunyivwila nukulisungilila Isiku Ilyakutuzya ukuti libanje lizelu sona nanti mutakunyamula u katundu bo mukwinjila pamilyango iya Yelusalemu Pisiku Ilyakutuzya, po nkwiza pakukozya u moto pamilyango iya Yelusalemu, ghugho ghutakuzimapo nalumo. U moto ghula ghukwiza pakulungulizya amalinga ghache.’ ”

Yelemiya 2:32

Nkimba u mulindu angaluvya ivyakwibonesekezya akiza, pamo u mulindu yuyo akusendwa nkimba angaluvya ivyakuvwala vyache ivya pasendwa? Loli pope bulo abantu bane banduvizye, amasiku ghagho ghatangabelengiwa.

Yelemiya 23:27

Abalaghuzi banaba bakwinong'ona ukuti abantu bakwiza pakunduvya pachifukwa icha vilota vivyo bakubabuzya abantu ngati mumo abanyenya babo bakanduvizya nukumwiputa u Baala.

Yelemiya 3:21

Ichongo chikwivwika pamwanya pamaghamba, aba Izilayeli bakulila nukulaba ichisa, pachifukwa icha mbibi zyabo, sona bamuluvizye u Mwene u Chala wabo.

Yelemiya 5:17

Bakwiza pakulya ivyakulya vyinyu ivya nyinulo yinyu, bakwiza pakubalya abana binyu abalumendo na balindu, bakwiza pakuvilya ivitekwa vyinyu ivya ng'ozi ni ng'ombe, bakwiza pakunangannya amampesya ghinyu na makuyu ghinyu. Bakwiza pakutunangannya nu bwite utwaya twinyu utukulu nkani tuto tuzyunguliliwe na malinga ghagho mughasubiye nkani.”

Ezekiyeli 23:35

“U Mwene Uwamaka Ghosi akuti: Pakuti wanduvya nukumbika kwisinda kwako, ubaghiye pakufundiwa pachifukwa icha chinyonywa chako nubwamalaya.”

Hoseya 13:6

Bo nabalyesya, bakikuta nkani. Bo bikuta bakanda pakwituvya, po bakanduvya.

Hoseya 2:13

Nkwiza pakumufunda pachifukwa icha masiku agha ba Baala, ghagho akafukizya utwakununkila ku bachala bache aba Baala. Akipela mwene pakuba wakuboneka akiza, pakubombezya ugolide ni vyakwibonesekezya akiza, Akabakonka abaghaniwa bache, akanduvya ane ne Mwene.”

Hoseya 4:6

Abantu bane bakunanganika pachifukwa ichakuti bate na mahala. “Pachifukwa ichakuti mwabusulannya ubumanyi, nane bulo nkubakana pakuba mwe baputi bane. “Pachifukwa ichakuti mwazikana indaghilo izya Chala winyu, nane bulo nkwiza pakubakana abana binyu.

Amosi 1:10

Nkwiza pakuluwisizya umoto ulubumba ulwa mu Tile, ghugho ghukwiza pakughalungulizya amalinga ghache.”

Amosi 1:12

Nkwiza pakuwisizya umoto mu Temani, ghugho ghukwiza pakughalungulizya amalinga agha mu Bozila.”

Amosi 1:14

Nkwiza pakuluwisizya umoto ulubumba lwache mu Laba, ghugho ghukwiza pakughalungulizya amalinga ghache. Po kukwiza pakuba ichongo ichikulu nkani pisiku ilya bwite, yope impepo yikwiza pakubako ngati we kankungu.

Amosi 1:4

Nkwiza pakuwisizya umoto panyumba iya Hazayeli, ghugho ghukwiza pakughalungulizya amalinga agha Beni Hadadi.

Amosi 2:5

Nkwiza pakubawisizya umoto abantu aba mu Yuda, ghugho ghukwiza pakughalungulizya amalinga agha mu Yelusalemu.”

Aba Efeso 2:10

Pakuti twe vimatiwa ivya Chala, yuyo akatupela ukwendela mwa Kilisitu u Yesu ukuti tubombe imbombo inyiza zizyo akatuyanizya zila ukuti tuzibombaye.

Ukukumbusya Amalamulo 32:18

Bakalitoloka Ilyalabwe, yuyo akaba we wise wabo, Bakamuluvya u Chala, yuyo akabapela.