Hoseya 8:13 - IBAYIBOLO 2024

¹³ Bakubika ivyakwiyipa kukwane, nukulya inyama yila, loli u Mwene atakuhoboka navyo. Ilelo nkwiza pakubukumbuka ububibi bwabo sona nkwiza pakubafunda pachifukwa icha mbibi zyabo. Po bakwiza pakunyokela kuchisu icha Ijiputi.

Hoseya 8:13 Iomraidhean Croise

Ukufuma 20:3

“Utakabiputaye abachala abanji, loli ane nemwene.

Ukufuma 32:34

Losi ulu bukagha pakubalongozezya abantu kubuzilo bubo nkakubuzya. Ukumbuke ukuti uwantumi wane akwiza pakubalongolela. Loli isiku likwiza lilyo nkwiza pakubafunda abantu banaba pachifukwa icha mbibi zyabo.”

Ivyili 21:27

Ichakwiyipa icha muntu umubibi gho mwiko, nkaninkani nanti achibika ni nyinong'ono imbibi!

Yesaya 1:11

U Mwene akuti, “Nkimba ubwinji ubwa vyakwiyipa vyinyu cho choni kukwane? Intakuvinyonywa sona ivyakwiyipa vyinyu ivyakocha ivya ng'ozi, ivyakwiyipa ivya mafuta agha badubi nagha vitekwa ivyakwina, ntakuhoboka ni banda ilya nkambaku, nilya twana utwa ng'ozi sona nilya mbuzi.

Yelemiya 14:10

Umu momumo u Mwene akukunena nizya bantu aba akuti, “Bighanite nkani pakwendakwenda, batakuvikanizya ivinama vyabo. Po u Mwene atakubapokela sona akwiza pakubukumbuka ububibi bwabo nukubafunda pachifukwa icha mbibi zyabo.”

Yelemiya 6:20

Nkimba utwakufukizya utwakununkila utwa ku Sheba tuli nimbombo yoni kukwane, pamo ivyakunonanona ivya kuchisu ichakubutali? Ivyakwiyipa vyinyu ivyakocha vitakupokeleliwa, Ivyakwiyipa vyinyu vitakunhobosya.”

Ezekiyeli 29:16

Aba Izilayeli batakwiza pakubasubila sona aba Ijiputi ukuti babavwe loli bakwiza pakuba chikumbusyo pachifukwa icha mbibi zyabo. Po aba Izilayeli bakwiza pakumanya ukuti ane ne Mwene Uwamaka Ghosi.’ ”

Hoseya 11:5

Batakwiza pakunyokela kuchisu icha Ijiputi, sona aba Asiliya bakwiza pakubalaghila, pachifukwa ichakuti bakakana pakupinduka.

Hoseya 12:11

Nkimba mu Giliyadi muli ububibi? Abantu bache bate ni mbombo nayimoyimo! Nkimba bakwiyipa inkambaku mu Giligali? Ivighemo vyabo vikwiza pakuba ngati chilunda icha mabwe, pamughunda ghugho balima.

Hoseya 4:9

Po nkwiza pakubabombela abaputi ngati zizyo nkababombela abantu. Nkwiza pakubafunda bosi pachifukwa icha zizyo bakubomba, sona nkwiza pakubatanizya pachifukwa icha mbibi zyabo.

Hoseya 5:6

Bo bakubuka ni ng'ozi sona ni ng'ombe zyabo pakumulonda u Mwene, batakwiza pakumwagha. Pachifukwa ichakuti epitepo pakasi papabo.

Hoseya 6:6

Pakuti intakulonda ivyakwiyipa, loli nkulonda ichisa. Chicho nkunyonywa ko kumumanya u Chala, ukuchila ivyakwiyipa ivyakocha.

Hoseya 7:11

Aba Efulayimu bali ngati yo nkunda, yiyo yikuzimbuliwa sona yitakwivwisya. Ilelo bakubitizya aba Ijiputi ukuti babavwe, indabi bakweghamila ku Asiliya ukuti abapoke.

Hoseya 7:16

Batakunyokela ku Uwakumwanya Nkani, bali ngati bwele bubo bupyokite. Abalongozi babo bakwiza pakughoghiwa nupanga, pachifukwa ichakuti bakutamanta. Po bunubu bakwiza pakusamuliwa muchisu icha Ijiputi.

Hoseya 7:2

Loli batakuzyaghannya, ukuti nkuzikumbuka imbombo zyabo zyosi imbibi. Imbibi zyabo zikubamila, akabalilo kosi bali pamaso papane.

Hoseya 9:6

Napapo bangakulyegha ukunanganika, ichisu icha Ijiputi chikwiza pakubabungannya, po abantu aba mu Memufisi bakwiza pakubasyila. Usiliva wabo akwiza pakuvwinka amivwa, sona amivwa ghakwiza pakumela muvisakasa vyabo.

Hoseya 9:7

Amasiku aghakufundiliwa ghafikila, ghope amasiku agha muvwalo ghafikila. Aba Izilayeli bazimanye zinizi. Pachifukwa ichakuti imbibi zyinyu nyinji nkani, sona lope ulubengo lwinyu lukulu, po mukuti umulaghuzi mupunganu, wepe umuntu yuyo akulongoziwa nu muzimu apenite.

Hoseya 9:9

Naloliloli abantu banaba baba bamabeko nkani, ngati masiku agha Gibeya. U Chala akwiza pakubukumbuka ububibi bwabo, po akwiza pakubafunda pachifukwa icha mbibi zyabo.

Amosi 3:2

“Pakasi pa inko zyosi izya muchisu ichapasi, nkabasala mwemwe mwebene polelo nkwiza pakubafunda pachifukwa icha mbibi zyinyu zyosi.”

Amosi 5:22

Napapo mukubika ivyakwiyipa ivyakocha ni vyakwiyipa ivya busu, ntakwiza pakuvipokela. Napapo mukubika ivyakwiyipa ivyabupoka, ntakwiza pakuvipokela, awe.

Amosi 8:7

Pachifukwa icha kwituvya ukwa bamunyumba iya Izilayeli, u Mwene alapa ukuti, “Ntakwiza pakuluvyapo nalumo ichintu chosi chicho babomba.

Luka 12:2

Ichintu chosi chicho chivwinkiwe chikwiza pakuvwinkuliwa, sona ichintu chosi chicho chakubusyefu chikwiza pakuboneka pabuzelu.

1 Aba Kolinti 11:20

Bo mukukomana poka, chite chakulya icha Mwene chicho mukulya.

1 Aba Kolinti 11:29

Pakuti nanti umuntu akulya ichibama nukung'wela ulubako ukusita kumanya iching'anamulo icha mubili uwa Mwene, akwisendela bulo mwene ubulongi bo akulya nukung'wela.

1 Aba Kolinti 4:5

Polelo mutakamulongaye nayumo umuntu, bo na kabalilo akiza katafikite. Mulindililaye mupaka u Mwene ize. Umwene akwiza pakuvumbula pabuzelu ivintu vivyo vifisiwe muchisi. Akwiza pakuvumbula sona inyinong'ono izya bantu. Pakabalilo kalakala umuntu wesi akwiza pakupokela amapalo agha Chala.

Ukukumbusya Amalamulo 28:68

U Mwene akwiza pakubanyosezya ku Ijiputi mumabwato amakulu nkani, napapo akababuzya ukuti mutakwiza pakunyokelako sona. Kulakula mukwiza pakwighulizya mwebene pakuba mwe bazya aba balwani binyu, loli atalipo nayumoyumo yuyo akwiza pakubaghula.

Ubuvumbuli 16:19

Akaya akakulu nkani aka Babiloni kakagabinkana patatu, sona nutwaya utukulu nkani utwa vyisu vyosi tukamongoliwa. U Chala akamung'wesya u Babiloni umukulu nkani yula uvinyo uwa mulubako lwache, lulo lukizula nu bukali bwache ubukulu.

1 Samuweli 15:22

Loli u Samuweli akati, “Nkimba u Mwene akuhoboka ni vyakwiyipa ivyakocha, sona ni vyabupi pamo ukughivwila amazyu ghache? Ukwivwila chintu chizapo ukuchila ichakwiyipa, ukughakonka amalamulo ghache chizapo, ukuchila ichakwiyipa icha mafuta agha dubi.