Hoseya 8:1 - IBAYIBOLO 2024

¹ U Mwene akuti Lizya ipati! Izwanga lili pachisonje icha Nyumba iya Mwene, pachifukwa ichakuti abantu balunangannya ulufingo, sona balusambukiye ululaghilo lwane.

Hoseya 8:1 Iomraidhean Croise

2 Abamwene 18:27

Loli usongo uwa basilikali akamula akati, “Nkimba u mwene wane atakantuma pakunena amazyu agha kwa mwene winyu na kukwinyu? Awe, loli antuma ukuti imbabuzye abantu babo bikaye pilinga, pakuti bope bakwiza pakulya nukung'wela ivinyazu vyabo namantuzi ghabo?”

Yesaya 18:3

Mwebosi mwe mukwikala muchisu chosi ichapasi, mwe mukwikala pachisu pano, bo indembela yakweziwa pighamba, mukwiza pakuyennya, nanti ipati lyalila, mukwiza pakulyivwa.

Yesaya 24:5

Abantu bachinyazya ichisu ichapasi, nukuzinangannya indaghilo nivimanyisyo, nukulunangannya ulufingo ulwa bwila na bwila.

Yesaya 58:1

U Mwene akuti, “Kolomoka nkani, utakalekaye, kwezya izyu lyako ngati lipati. Babuzye abantu bane nizya kusambuka kwabo, sona ni mbibi izya bamunyumba iya Yakobo.

Yelemiya 31:32

Lutakwiza pakuba sona ngati lufingo ulwakale lulo ingafingana na banyenya binyu bo nkubalema pa nyobe nukubefyamo muchisu icha Ijiputi. Pachifukwa ichakuti bakanangannya ulufingo, napapo nkaba ngati ne mulume wabo umusubiliwa.” U Mwene anena.

Yelemiya 34:18

Abantu babo bakanangannya ulufingo lwane sona batakwanilisizye ifingo zizyo bakafinga pamaso papane, po ane nkwiza pakukupima ngati yo ngwata yiyo mukayidumulannya pabili nukwenda pakasi pavigaba vila.

Yelemiya 4:13

Ennya! Abalwani bakwiza ngati mabingu, ingolo zyabo zikwiza ngati we kankungu, ifalasi zyabo zyalubilo ngati mazwanga. Chighune kukwitu! Twafwa!

Yelemiya 4:5

“Fumusya muchisu icha Yuda nicha Yelusalemu ukuti, ‘Lizya ipati muchisu chosi!’ Kolomoka nukuti, ‘Bungana poka! Zagha tuchimbilile mutwaya utukulu utwa malinga!’

Yelemiya 48:40

U Mwene akuti, “Ennya! Uluko lumo lukwiza lukubuluka ngati lizwanga lilyo likuvikuzulila ivipapande vyache pa Mowabu.

Yelemiya 49:22

Ennya, umuntu yumo ngati lyo lizwanga akwiza pakubuluka umwalubilolubilo nukukuzulila ivipapande vyache pa Bozila. Pisiku lilalila, amoyo agha basilikali aba Edomu ghakwiza pakuba ngati moyo uwa mukolo yuyo akusayiwa.”

Yelemiya 51:27

“Kwezya mumwanya indembela pachisu! Lizya ipati pakasi pa inko. Muziyannye inko pakulwa nu Babiloni. Bwitizye ubumwene ukuti balwe nawe ubwite, naba mu Alalati, naba mu Mini sona naba mu Ashikenazi. Sala usongo uwa basilikali ukuti alwe nawe, tuma ifalasi inyinji ngati we kanta umwinji.

Yelemiya 6:1

Mwe baluko ulwa Benjamini, chimbila nkani ukuti mupone! Epamo mukaya aka Yelusalemu! Lizya ipati mu Tekowa! Kwezya indembela mu Beti Hakelemu! Pakuti ichintu ichibibi nukunanganika ukukulu nkani vikufuma kuchigaba icha kumitu.

Ezekiyeli 11:4

Polelo ubalaghulile nizya kubasusya, wee mwana uwa muntu, laghula.”

Ezekiyeli 16:59

U Mwene akambuzya akati, “Mubuzye u Yelusalemu ukuti, ‘U Mwene Uwamaka Ghosi akuti: Nkwiza pakukubombela zizyo zikubaghiye pachifukwa ichakuti wachisula ichilapo chane pakunangannya ulufingo lwane.

Ezekiyeli 17:3

Ubabuzye ukuti, ‘U Mwene Uwamaka Ghosi akuti: Izwanga ikulu nkani lilyo lili ni vipapande ivya maka na meya amatali aghakuboneka akiza, likabuluka ukubuka kuchisu icha Lebanoni. Likanyamula akasamba aka likwi ilya mwale,

Ezekiyeli 7:14

“Napapo bakulizya ipati, nukuyannya vyosi, atalipo nayumo umuntu uwakubuka pakulwa kubwite, pakuti ubukali bwane buli pachilundilo chosi.

Hoseya 4:6

Abantu bane bakunanganika pachifukwa ichakuti bate na mahala. “Pachifukwa ichakuti mwabusulannya ubumanyi, nane bulo nkubakana pakuba mwe baputi bane. “Pachifukwa ichakuti mwazikana indaghilo izya Chala winyu, nane bulo nkwiza pakubakana abana binyu.

Hoseya 5:8

Ipati livwikaye mu Gibeya, lizya ulupembe mu Lama. Wee Beti Aveni, kolomoka mwee ba Benjamini longolela.

Hoseya 6:7

Balunangannya ulufingo, ngati mumo akabombelagha u Adamu, umwakuti batakaba basubiliwa kukwane.

Hoseya 9:15

“Nkubabenga pachifukwa icha bubibi bubo babomba muchisu icha Giligali, sona na pachifukwa icha mbombo imbibi zizyo babomba, po nkwiza pakubefyamo munyumba yane. Ane ntakwiza pakubaghana nalumo sona. Abalongozi babo bosi basambuke.

Yoweli 2:1

Lizya ipati pamwanya pa Ziyoni, kolomoka pighamba lyane izelu pakubasoka. Leka abantu bosi babo bakwikala muchisu batetemaye, pakuti isiku ilya Mwene lili papipi, sona lili pampuno bulo.

Yoweli 2:15

Lizya ipati mu Ziyoni, mubanje nukutuzya ukuzelu, sona mubanje ninkomano izelu.

Amosi 3:6

Nanti ipati likulila mukaya akakulu nkani, nkimba abantu batakutetema? Nanti intamyo zyawa mukaya akakulu nkani, nkimba te we Mwene aziwisya?

Amosi 8:3

U Mwene Uwamaka Ghosi akati, “Pisiku lilalila inyimbo izya mu Nyumba iya Chala zikwiza pakuba chililo. Imivimba imyinji yikwiza pakulambalala bulo myee posi na posi!”

Amosi 9:1

Nkamwennya u Mwene imiliye papipi ni chighemo, po akati, “Koma pamwanya pa mpanda umwakuti akasonje kaneng'ene, kawisizye pamitu iya bantu bosi babo bapona nkwiza pakubaghogha nupanga. Atakwiza pakubapo nayumoyumo uwakuchimbila, pamo uwakupona.

Habakuku 1:8

Ifalasi zyabo zili nulubilo nkani ukubachila abazyela, sona zyengo nkani ukubachila abakambwe pachamabwila. Ifalasi zyabo zikuchimbila nkani, abakukwelapo bakufumila kubutali nkani. Zikubuluka lubilolubilo ngati lizwanga, lilyo likubuka pakulema inyama.

Zefaniya 1:16

pisiku linilyo kukwiza pakwivwika ukulila ukwa mapati, ni chongo icha bwite ukulwana nutwaya utukulu nkani utwa malinga sona ni vitembe ivya pankuto.

Zekaliya 11:1

Wee Lebanoni, ighula imilyango yako, umwakuti umoto ghughalungulizye amakwi ghako agha mwale.

Zekaliya 9:14

Po u Mwene akwiza pakubabonekela, akwiza pakusumba utulasilo ngati kamesya. U Mwene Uwamaka Ghosi akwiza pakulizya ipati, akwiza pakulefuka mukankungu uwakuntende,

Matayi 24:28

“Posi papo pali ichintu ichifwe, amazwanga ghakubungana palapala.

1 Aba Kolinti 15:52

Chikwiza pakubombiwa umwakuchenusya bulo ngati kukapizya ukwa lyiso, bo ipati ilyabumalilo likulila. Pakuti bo ipati likulila, abantu abafwe bakwiza pakuzyuka na mabili ghagho ghatakubola, sona aswe tukwiza pakwanduliwa.

Ukukumbusya Amalamulo 28:49

U Mwene akwiza pakulwitizya uluko ulwakufuma kumpaka iya chisu ichapasi, uluko lulo ineno yabo mutayimenye. Uluko lunulu lukwiza pakubizila ngati lyo lizwanga.