Hoseya 7:8 - IBAYIBOLO 2024

⁸ Aba Efulayimu bakwiyongannya na bantu aba inko izinji, sona bali ngati chitumbuwa ichipapate chicho chipiye ulubazu loka bulo.

Hoseya 7:8 Iomraidhean Croise

1 Abamwene 18:21

U Eliya akimilila pantazi pabantu bala nukubalalusya ukuti, “Nkimba mukwiza pakwilamwa mupaka liyi? Nanti u Mwene we Chala, mumubombelaye. Loli nanti u Baala we Chala, mumubombelaye.” Abantu bala batakamulapo nachimochimo.

Ezila 9:1

Bo zinizi zyabombiwa, abalongozi bakambuzya bakati, “Aba Izilayeli poka na baputi naba Levi batakipaghula ku bantu aba muvyisu ivipalamani babo bakubomba ivinyazu ukuyana namumo bakubombela aba Kenani naba Hiti naba Pelezi naba Yebusi naba Amoni naba Mowabu naba Ijiputi sona naba Amoli.

Ezila 9:12

Po abana babo abalumendo batakabanje bakwalima binyu sona abana binyu abalindu batakabanje balasagha babo. Mutakamanyanaye nabo nalumo, umwakuti ivintu vibendelaye akiza muchisu chilachila nukuti chibanje mpyana iya bana binyu bwila na bwila.’

Masalimo 106:35

Loli bakasendana na bantu aba inko izinji, nukweghelela inyiho zyabo.

Hoseya 5:13

Bo aba Efulayimu babwennya ububine bwabo, sona bo abantu aba mu Yuda bavyennya ivilonda vyabo, po aba Efulayimu bakabuka kwa Asiliya, pakumulaba u mwene uwa maka nkani ukuti abavwe. Loli atakakupoka, sona atakakupozya ivilonda vyako.

Hoseya 5:7

Bate basubiliwa kwa Mwene, pakuti bapapa umusiwana. Po ulusekelo lwabo ulwa Kupanta ukwa Mwezi umupya lukwiza pakubanangannya poka na maghunda ghabo.

Hoseya 7:9

Abayeni bakumumala amaka, loli atakuzyaghannya. Kumutu wache kuli ivwi zyene, loli atakuzimanya.

Hoseya 9:3

Batakwiza pakulekiwa muchisu icha Mwene. U Izilayeli akwiza pakunyokela ku Ijiputi nukulya ichakulya ichinyazu mu Asiliya.

Zefaniya 1:5

Nkwiza pakubanangannya babo bakukwela pavisonje ivya nyumba pakwiputa izuba nu mwezi sona ni ntondwa. Nkwiza pakubazimizya babo bakufughama pasi, nukulapila mwitabwa ilya Mwene sona pakabalilo kanako bakulapila mwitabwa ilya chala u Moleki.

Malaki 2:11

Abantu aba muchisu icha Yuda bate basubiliwa, ichintu ichamwiko chabombiwa mu Izilayeli na mu Yelusalemu. Abantu aba mu Yuda bayinyaza Inyumba iya Mwene yiyo ayighanite nkani, pakubimala abakolo babo bakwiputa u chala uwa chiyeni.

Matayi 6:24

“Atalipo uwambombo yuyo angababombela imbombo abamwene babili pakabalilo koka. Pakuti angamughana weka nukumubenga uyunji, pamo angamwivwila weka nukumusula uyunji. Utangabombela vyosi vibili akabalilo koka, u Chala ni ndalama.