Hoseya 7:7 - IBAYIBOLO 2024

⁷ Abantu bosi banaba bakocha nkani ngati muvuno, sona bakubaghogha abalaghili babo. Abamwene babo bosi baghuye, loli atalipo nayumoyumo pakasi papabo, yuyo akunyitizya ukuti imwavwe.

Hoseya 7:7 Iomraidhean Croise

1 Abamwene 15:28

U Baasha akamughogha u Nadabu mumwaka uwabutatu bo u mwene u Asa akulaghila mu Yuda. Po u Baasha akamupyana u Nadabu pakuba we mwene uwamu Izilayeli.

1 Abamwene 16:18

Bo u Zimuli ennya ukuti akaya kala kafyuliwa, akachimbilila kwilinga munyumba iya bumwene, nukuyocha inyumba yila bo ali mulamula. Po akafwila mulamula,

1 Abamwene 16:22

Loli akabukatila aka Omuli kakaba kamaka nkani ukukachila akabukatila aka Tibini umwana uwa Ginati. Pabumalilo u Tibini akafwa, po u Omuli akaba we mwene.

2 Abamwene 10:14

U Yehu akabalamula abantu bache akati, “Mubaleme bumi.” Po bakabalema bumi nukubaghoghela bosi papipi ni chiziba mu Beti Ekedi. Bosi poka bakabapo 42, sona patakabapo nayumoyumo yuyo akasyala mumi.

2 Abamwene 10:7

Bo abasongo bala bapokela ukalata yula, bakabaghogha abaluko bosi 70 ulwa Ahabu. Bakayibika imitu yabo muvidudunga nukuyituma kwa Yehu yuyo akaba mu Yezileli.

2 Abamwene 15:10

U Shalumu umwana uwa Yabeshi akabatika nizya kumughogha u Zekaliya nukumughoghela pamaso pabantu. Po akamupyana pakuba we mwene.

2 Abamwene 15:14

U Menahemu umwana uwa Gadi akafuma kukaya akakulu aka Tiliza nukubuka ku Samaliya. Akalwa ubwite nu Shalumu mu Samaliya nukumughogha, po akamupyana pakuba we mwene.

2 Abamwene 15:25

Ikambala lyache lyoka, u Peka umwana uwa Lemaliya akabatika nizya kumughogha. Akabasenda abantu 50 aba mu Giliyadi nukumughogha u Pekahiya, poka nu Aligobi nu Aliyeli mwilinga ilya munyumba iya bumwene mu Samaliya. Po u Peka akamupyana pakuba we mwene.

2 Abamwene 15:30

Po u Hosheya umwana uwa Ela akabatika nizya kumughogha u Peka umwana uwa Lemaliya. Mumwaka uwa 20 bo u Yotamu umwana uwa Uziya akulaghila, u Hosheya akamughogha nukumupyana pakuba we mwene.

2 Abamwene 9:24

Po u Yehu akawesa ubwele bwache nukumulasa u Yolamu pakasikasi pavipunko, umwakuti akalasilo kakinjila mupaka kumoyo, po u Yolamu akawila mungolo yache nukufwila mulamula.

2 Abamwene 9:33

U Yehu akabalamula akati, “Musumbile pasi umukolo uyo.” Bakamusumbila pasi, po ibanda lyache limo likanyafila ulubumba na pafalasi, bo zikumukanyankila.

Yobu 36:13

Abantu babo batamumenye u Chala bakusunga ubukali mumoyo ghabo; loli batakulila pakulaba ubwavwilizi, napapo akubafunda.

Masalimo 14:4

Fwandi ababomba imbibi bate na mahala? Bo babo bakubalya abantu bane ngati po bakulya chibama, sona bo babo batakumwiputa u Mwene.

Yesaya 43:22

“Wee Yakobo, mutanyiputitepo, wee Izilayeli, walita nane.

Yesaya 64:4

Ukwanda bulo kale, patalipo umuntu nayumo yuyo ivuyepo, pamo ukwivwisya nikutu, sona litalipo ilyiso nalimo, lilyo limwenizyepo u Chala ukwefyako amwe, yuyo akubomba mubuzilo ubwa babo bakumulindilila.

Yesaya 64:6

Twebosi twaba bulo ngati muntu umunyazu, sona imbombo izya bugholosu bwitu, zili ngati menda amanyazu amanyankanyanka, tukufoka ngati lyani, sona imbibi zyitu zikutupyela ngati mpepo.

Yesaya 64:7

Patalipo nayumo yuyo akwiputila mwitabwa lyako, pamo ukwiyula ukuti akakatiye kukwako, pakuti watufisa icheni chako, sona watupela pakuba, bazya abambibi zyitu.

Yesaya 9:13

Loli abantu aba mu Izilayeli batanyokeye kukwache yuyo akabakoma, pamo pakumulonda u Mwene Uwamaka Ghosi.

Ezekiyeli 22:30

“Po nkamulonda umuntu pakasi papabo yuyo angazenga sona ulubumba nukwimilila pamaso papane papo pakamongoka, umwakuti ngali intakachinangannya ichisu, loli intakamwaghapo nayumoyumo.

Daniyeli 9:13

Ukuyana namumo zisimbiwe mu Ndaghilo izya Mozesi, intamyo zyosi zinizi zyatuwila, loli pope bulo tutinong'onitepo pakulaba ichisa icha Mwene u Chala witu pakuzileka imbibi zyitu nukubuteghelezya ubwanaloli.

Hoseya 13:10

Nkimba ali ko kwiyi u mwene wako yuyo angakupoka? Nkimba bali ko kwiyi abalaghili bako mutwaya twako tosi utukulu nkani, babo ukatinji, Mpanga u mwene sona na makambala?

Hoseya 5:15

Nkwiza pakunyokela kubuzilo bwane, mupaka bilate imbibi zyabo. Bo bali muntamyo zyabo, bakwiza pakundonda na moyo ghabo ghosi.

Hoseya 7:10

Ukwitutumula ukwa Izilayeli kukumususya, loli atakunyokela kwa Mwene u Chala wache pamo pakumulondalonda, napapo zyosi zinizi zikumubonekela.

Hoseya 7:14

Batakundaba na moyo ghabo ghosi, loli bakulila pavitala vyabo. Pachifukwa ichakulonda ingano nu vinyo umupya, po bakunsambukila.

Hoseya 8:4

Aba Izilayeli bakwiyimikila bene abamwene bo batambuzikizizye, sona bakwisalila amakambala bo ntabitikizizye. Nu siliva sona nu golide wabo bakwipangila bene ivifwani, vivyo vikwiza pakubanangannya.

Mika 2:1

Chighune ku bantu babo bakubatika pakubomba ububibi, sona nababo bakubatika ivibibi bo bali pavitala vyabo! Pandabindabi bakubomba zizyo babatika, pachifukwa ichakuti amaka aghakubombela zinizi ghali munyobe zyabo.