Hoseya 7:5 - IBAYIBOLO 2024

⁵ Pisiku ilya lusekelo ulwa mwene witu, amakambala ghakukolwa nu vinyo, sona akubapoka na bantu abalobezyo.

Hoseya 7:5 Iomraidhean Croise

Ubwandilo 40:20

Naloli bo ghachilapo amasiku matatu pakaba ulusekelo ulwakupapiwa ukwa Falabo, po u Falabo akaghitizya amakambala ghache ghosi. Akamufumya mujele uwakumupa uvinyo nu wakupiya ivibama yula nukubimika pamaso pa makambala ghache.

1 Abamwene 13:4

Bo u mwene u Yelobowamu ivwa amazyu agha mulaghuzi yula nizya chighemo icha mu Beteli, akagholosezya inyobe yache ku chighemo chila nukuti, “Muleme!” Loli inyobe yache yiyo akamusonta nayo umulaghuzi yula yikuma umwakuti akapotwa pakuyinyosezya.

Masalimo 1:1

Musayiwa umuntu, yuyo atakwenda na bantu ababibi, pamo pakwimilila muzila, izya babomba imbibi, pamo pakwikala mukabukatila aka bantu abalobezyo,

Masalimo 69:12

Abantu babo bikaye pamulyango uwa lupaso bakunjeba. Sona abaching'wela bope bakunyimba munyimbo zyabo.

Ivyili 13:20

Umuntu yuyo akwenda nu muntu uwamahala, wepe akubanga wamahala, loli yuyo amanyanite nu mupunganu akwiza pakunangika.

Ivyili 20:1

Uvinyo cho chakung'wela chicho chikumupelela umuntu pakuba we ching'wela, sona wesi yuyo akuzimbuliwa nu vinyo ate na mahala.

Yesaya 28:1

Chighune ku bumwene ubwakwikwezya na baching'wela aba mu Izilayeli, sona naku bwezya ubwa kufoka ubwa mpumpu iya bumwene bwache, bubo buli kwikombe ilya muvundo ilya akakulu nkani kala, ukwituvya ukwa babo bakolizwe nu vinyo!

Yesaya 28:14

Polelo ivwa izyu ilya Mwene, amwe mwe bantu aba madinko, mwe mukubalaghila abantu aba mu Yelusalemu.

Daniyeli 5:23

Loli ukamusambukila u Mwene uwakumwanya pakubalamula abantu ukuti bize ni mbako ni mbale pamaso papako zizyo zikaba mu Nyumba iya Chala. Po awe na makambala ghako, na bachi bako sona na bachi bako abazya mukang'welelaghamo uvinyo. Mukabapala abachala aba siliva naba golide naba mukuba na bachela naba makwi sona naba mabwe abachala babo batakwennya pamo ukwivwa pamo ukumanya ivintu. Loli utakamuchindika u Chala, yuyo akubusungilila ubumi bwako, sona yuyo ivintu vyosi vili munyobe zyache.

Hoseya 7:3

Bakumuhobosya u mwene nu bubibi bwabo, sona bakughahobosya amakambala na mazyu aghabumyasi.

Matayi 14:6

Pisiku ilya kusekela ukupapiwa ukwa Helodi umwana umulindu uwa Helodiya akimba pantazi pakabukatila kosi kala. U Helodi akahoboka nkani

Maliko 6:21

Pabumalilo pache u Helodiya akalwaghilapo ulusako. Pisiku ilya kusekela ukupapiwa ukwa Helodi, akayannya ulusekelo nukwitizya ghosi amakambala agha chisu, abasongo aba basilikali ababwite na bantu abamanyikwe mu Galileya.

Aba Efeso 5:18

Sona mutakakolwanje nu vinyo pakuti ukukolwa kukupela ukunanganika. Loli mwizulaye nu Muzimu Umuzelu.