Hoseya 7:4 - IBAYIBOLO 2024

⁴ Bosi balowe, sona bakwaka ngati moto uwa muvuno, umoto wache ghugho umupiyi atangasonkelezya mupaka ichinyenya chitutumuke.

Hoseya 7:4 Iomraidhean Croise

Yelemiya 23:10

Ichisu chizuye na balowe, pachifukwa icha chighune, abantu aba muchisu bakulila, sona lyope nisote ilyakudimamo munkolongo lyumiye. Bope abalaghuzi bakukonka ububibi sona batakubombela mubugholosu.

Yelemiya 9:1

Mwee, nalondagha nkani ukuti u mutu wane ghube ngati mbwibi iya mizi nukuti amaso ghane ghabe ngati chiziba icha masozi! Umwakuti ngali nalila umusanya nubusiku pachifukwa icha bantu bane babo baghoghiwe.

Yelemiya 9:2

Mwee, nalondagha nkani ngati po ningaba ni nyumba munkolongo, umwakuti imbaleke abantu bane nukubepukilamo, pakuti bosi bo bamalaya, ichilundilo icha bantu babo bate basubiliwa.

Hoseya 4:10

“Bakwiza pakulya, loli batakwiza pakwikuta. Bakwiza pakubomba ubwamalaya, loli batakwiza pakubalagha, pachifukwa ichakuti bamukanite u Mwene, umwakuti babombaye ubwamalaya.”

Hoseya 4:12

Bakubuzikizya ku chifwani icha ikwi, sona bakulaghula ni indisa yikubamula. Umuzimu uwa bwamalaya wabasovya, umwakuti batakusubiliwa kwa Chala.

Hoseya 4:2

Muli bulo inguno nu bumyasi nukughoghana, nu bwiba, sona nu bwamalaya. Ukubomba imbibi kwafika pabwenecho, sona abantu bakughoghana kabilikabili.

1 Aba Kolinti 5:6

Ukwitutumula kwinyu kute kwiza. Nkimba mutachimenye ichili chicho chikuti, “Ichilungo ichinandi bulo chikututumula indobo yosi iya ichinyenya?”

Yakobo 4:4

Mwe bantu mwe mute mwe basubiliwa mwee! Nkimba mutazimenye ukuti pakuba bamanyani aba chisu ichapasi, mukwipela mwebene pakuba balwani aba Chala? Abantu babo bakulonda pakuba bamanyani aba muchisu ichapasi bakwipela bene pakuba balwani aba Chala.