Hoseya 7:2 - IBAYIBOLO 2024

² Loli batakuzyaghannya, ukuti nkuzikumbuka imbombo zyabo zyosi imbibi. Imbibi zyabo zikubamila, akabalilo kosi bali pamaso papane.

Hoseya 7:2 Iomraidhean Croise

Yobu 34:21

Amaso ghache ghakwenelezya izila izya bantu; akukennya akendele kabo kosi.

Masalimo 10:11

Akunena mwene akuti, “U Chala aluvizye, avwinkite icheni chache, sona atakwennya nalumo.”

Masalimo 25:7

Wee Mwene, utakazikumbukaye imbibi zizyo nkabomba bo indi mulumendo, sona utakakukumbukaye ukunanga kwane. Nkumbukaye mulughano lwako lulo lutakupotwa nalumolumo pakuti we mwiza.

Masalimo 50:22

“Amwe mwe mumuluvyizye u Chala, muzyinong'onaye izi, lumo ningabazepulannya, po atalipo nayumoyumo umuntu uwakubapoka.

Masalimo 9:16

U Mwene ivumbuye mwene pachifukwa icha bwanaloli bwache, sona ababibi balemiwe muchipingo icha mbombo zyabo.

Masalimo 90:8

Wazivumbula imbibi zyitu pamaso papako, zyope imbibi izya kubusyefu wazivumbula pabuzelu

Yesaya 1:3

Inkambaku zimumenye umwenecho impunda yope yichimenye ichakulyelamo. Loli aba Izilayeli batakuzimanya, abantu bane batakwivwisya.”

Yesaya 26:16

Wee Mwene muntamyo zyabo bakakulonda, bakalaba kukwako, bo wabafunda.

Yesaya 44:19

Atalipo nayumo yuyo alekite pakwinong'ona, nayumo umuntu yuyo ali nu bumanyi, pamo ukwivwisya nukunena ukuti, “Ichigaba chimo nkuchibombezya pakuba nkwi, po amazimwa ghache nkupiyila ichibama, nkocha inyama nukulya. Nkimba ichigaba ichakusyalako ningayanizizya ichintu ichamwiko? Nkimba ningachifughamila ichizinka?”

Yesaya 5:12

Palusekelo lwabo bakulizya ivinanda na mapango, ivisekeseke na malongi sona bakung'wela uvinyo, loli batakuzibelengela imbombo izya Mwene, batakuzichindika imbombo izya nyobe zyache.

Yelemiya 14:10

Umu momumo u Mwene akukunena nizya bantu aba akuti, “Bighanite nkani pakwendakwenda, batakuvikanizya ivinama vyabo. Po u Mwene atakubapokela sona akwiza pakubukumbuka ububibi bwabo nukubafunda pachifukwa icha mbibi zyabo.”

Yelemiya 16:17

Pakuti amaso ghane ghakuzyennya inkalo zyabo zyosi imbibi, batavwamite kukwane napo panandi, sona yitalipo nayimoyimo imbibi yiyo intayimenye

Yelemiya 17:1

U Mwene akuti, “Imbibi iya ba Yuda yisimbiwe na kasimbilo aka chela, sona yisimbiwe pamoyo ghabo nibwe ilya dayimondi, na pampembe izya vighemo vyabo.

Yelemiya 2:19

Ukwiza pakufundiwa nu bubibi bwako, pakuti wankana, nkwiza pakukupa inongwa. Winong'one nkani ububibi nu bubavu ubwa kundeka ane ne Mwene u Chala wako, sona winong'one nizya kusita ukunyila.” U Mwene Uwamaka Ghosi anena.

Yelemiya 32:19

imbatiko zyako mpalapala nkani sona imbombo zyako zyamaka nkani. Amaso ghako ghakwenelezya. Amaso ghako ghakuzyennya namumo inkalo izya bantu zibeleye. Ukumupa umuntu wesi umuvwalo ukuyana ni nkalo yache ni mbombo zyache.

Yelemiya 4:18

“Akendele kinyu ni mbombo zyinyu vyo vivyo vyabizila nintamyo. Ulu lo lufundo lwinyu sona lukubaba, lukughavulazya amoyo ghinyu.”

Yelemiya 44:21

“Nkimba mukwinong'ona ukuti u Mwene atakukumbuka nizya utwakununkila utwakocha mutwaya utukulu utwa Yuda na mumisebo iya Yelusalemu, chicho amwe na banyenya binyu na bamwene na makambala ghinyu sona na bantu bosi aba muchisu?

Ezekiyeli 21:29

Ivisetuka vyinyu vyabumyasi, ukulaghula kwinyu kwabumyasi. Isingo zinyu zikwiza pakudumuliwa, sona mukwiza pakughoghiwa nupanga, pachifukwa chakuti mwe babibi. Isiku lyinyu lyabafikila, akabalilo aka kufundiwa kwinyu, kafika pabwenecho.

Hoseya 12:2

U Mwene abapiye inongwa abantu aba mu Yuda. Akwiza pakumufunda u Yakobo ukuyana ni nkalo yache, sona akwiza pakumutanizya ukuyana ni mbombo zyache.

Hoseya 4:9

Po nkwiza pakubabombela abaputi ngati zizyo nkababombela abantu. Nkwiza pakubafunda bosi pachifukwa icha zizyo bakubomba, sona nkwiza pakubatanizya pachifukwa icha mbibi zyabo.

Hoseya 6:2

Bo ghachilapo amasiku mabili akwiza pakutunyosezyamo nubumi, sona pisiku ilyabutatu akwiza pakutuzusya sona, ukuti tubanje nubumi pamaso papache.

Hoseya 8:13

Bakubika ivyakwiyipa kukwane, nukulya inyama yila, loli u Mwene atakuhoboka navyo. Ilelo nkwiza pakubukumbuka ububibi bwabo sona nkwiza pakubafunda pachifukwa icha mbibi zyabo. Po bakwiza pakunyokela kuchisu icha Ijiputi.

Hoseya 9:15

“Nkubabenga pachifukwa icha bubibi bubo babomba muchisu icha Giligali, sona na pachifukwa icha mbombo imbibi zizyo babomba, po nkwiza pakubefyamo munyumba yane. Ane ntakwiza pakubaghana nalumo sona. Abalongozi babo bosi basambuke.

Hoseya 9:9

Naloliloli abantu banaba baba bamabeko nkani, ngati masiku agha Gibeya. U Chala akwiza pakubukumbuka ububibi bwabo, po akwiza pakubafunda pachifukwa icha mbibi zyabo.

Amosi 8:7

Pachifukwa icha kwituvya ukwa bamunyumba iya Izilayeli, u Mwene alapa ukuti, “Ntakwiza pakuluvyapo nalumo ichintu chosi chicho babomba.

Yona 1:2

“Bukagha kukaya akakulu nkani aka Ninive nukulumbilila amazyu sona nukubasusya pachifukwa ichakuti nennya ububibi bwabo.”

Ukubelengiwa 32:23

“Loli nanti mwapotwa pakubomba zinizi, kokuti mukwiza pakumunangila u Mwene, pakuti ukupuvya kwinyu kukwiza pakubakonka.

Luka 12:2

Ichintu chosi chicho chivwinkiwe chikwiza pakuvwinkuliwa, sona ichintu chosi chicho chakubusyefu chikwiza pakuboneka pabuzelu.

1 Aba Kolinti 4:5

Polelo mutakamulongaye nayumo umuntu, bo na kabalilo akiza katafikite. Mulindililaye mupaka u Mwene ize. Umwene akwiza pakuvumbula pabuzelu ivintu vivyo vifisiwe muchisi. Akwiza pakuvumbula sona inyinong'ono izya bantu. Pakabalilo kalakala umuntu wesi akwiza pakupokela amapalo agha Chala.

Ukukumbusya Amalamulo 32:29

Nanti bakabanga na mahala ngali bakivwisya ivintu vinivi, sona ngali bakuzyaghannya intamyo zizyo zingabawila.

Aba Hebeli 4:13

Pantazi pa Chala katalipo nakamo kako kafisiwe. Ivintu vyosi vili pabuzelu bulo, sona vili pa bwazi pantazi papache yuyo tubaghiye tumulingannye vyosi vivyo twabomba.