Hoseya 7:16 - IBAYIBOLO 2024

¹⁶ Batakunyokela ku Uwakumwanya Nkani, bali ngati bwele bubo bupyokite. Abalongozi babo bakwiza pakughoghiwa nupanga, pachifukwa ichakuti bakutamanta. Po bunubu bakwiza pakusamuliwa muchisu icha Ijiputi.

Hoseya 7:16 Iomraidhean Croise

Masalimo 12:3

U Mwene ayighalilaye imilomo yosi imichevu sona nu lulimi losi ulwakwitutumula.

Masalimo 12:4

Abantu banaba bakutinji, “Tukwiza pakupota ni ndimi zyitu, po nkimba wewenu angatupota na malomo ghitu?”

Masalimo 12:5

“Pachifukwa ichakuti abadedebazu bakuyivyiwa, sona nukuti abapotwe bakukoloma, ane ne Mwene nkwiza pakuvundumuka. Ane ne Mwene nanena. Nkwiza pakubapoka munyobe izya babo bakubayivya.”

Masalimo 17:10

Batakulanjizya ichisa napo panandi, sona amalomo ghabo ghakunena amituvyo ghene.

Masalimo 52:2

Wee muzimbuli, akabalilo kosi ukwinong'ona nizya kubanangannya abanji, ululimi lwako luli ngati chipeni chicho chikwete nkani.

Masalimo 57:4

Indi pakasi pa nkalamu, sona indambalaye pakasi pa vinyamana ivyakoghofya. Banaba bo bantu babo bali na mino ngati zyo mpalala nu tulasilo, sona zyope indimi zyabo zikwete nkani ngati bapanga.

Masalimo 73:9

Amalomo ghabo ghakumusamula u Chala kumwanya, lope ululimi lwabo lukwendakwenda bulo pachisu ichapasi.

Masalimo 78:37

Amoyo ghabo ghatakaba masubiliwa kukwache, batakasunga ulufingo lwache.

Masalimo 78:57

Abene bakaba bakusambuka sona batakaba basubiliwa, loli bakanyongananyongana bulo ngati kalasilo akakunyongana.

Yesaya 3:8

U Yelusalemu akutantalila bulo sona u Yuda akuwa pasi, pakuti amazyu ghabo ni mbombo zyabo zikumusamula, u Mwene pakunyazya ubuchindamu bwache.

Yelemiya 18:18

Po abantu bakati, “Zagha tubatike pakumubombela ububibi u Yelemiya! Pakuti abaputi bakwiza pakuba naswe akabalilo kosi pakutulongozya, abamahala bakwiza pakutulongozya, sona abalaghuzi bakwiza pakulumbilila amazyu agha Chala. Zagha tumupe inongwa, sona tuleke pakuteghelezya zizyo akunena.”

Yelemiya 3:10

Napapo zikabombiwa zyosi zinizi, u muyemba wache umusita kusubiliwa u Yuda atakanyokela kukwane nu moyo wache ghosi, loli akabomba nu moyo uwabuzimbuli. Ane ne Mwene nanena.”

Yelemiya 42:18

U Mwene Uwamaka Ghosi, u Chala uwa Izilayeli akuti, ‘Ngati mumo ubukali bwane sona nukoghofya kwapunguliliwa ku bantu babo bakwikala mu Yelusalemu, momumo ubukali bwane bukwiza pakupunguliliwa papinyu bo mukubuka ku Ijiputi. Mukwiza pakuba chintu chicho abantu bakuchighuna sona nichakoghofya, ni chamusamu pamo ichakusekiwa, mutakwiza pakubwennya sona ubuzilo bula.’ ”

Ezekiyeli 23:32

“U Mwene Uwamaka Ghosi akuti: Ukwiza pakung'wela ulubako ulwa mukulu wako, ulubako ulukulu sona nu lwibizu, umuntu wesi akwiza pakubaseka nukubobezya, pakuti ulubako ulu lwizuye nintamyo inyinji.

Ezekiyeli 36:20

Sona kosi kuko bakabuka nukufika pakasi pa inko, bakalinyazya itabwa lyane izelu, pakuti zikaneniwa kukwabo ukuti, ‘Aba bantu aba Mwene, loli pope bulo bakachileka ichisu chache.’

Daniyeli 7:25

Akwiza pakumususya Uwakumwanya Nkani nukubayivya abantu abazelu. Akwiza pakwandula utubalilo utwa lusekelo ni ndaghilo. Abantu abazelu bakwiza pakubikiwa munyobe zyache amaka matatu nu hafu.

Hoseya 11:5

Batakwiza pakunyokela kuchisu icha Ijiputi, sona aba Asiliya bakwiza pakubalaghila, pachifukwa ichakuti bakakana pakupinduka.

Hoseya 11:7

Abantu bane balemezizye pakunkana, Napapo bakwitizya ku Wakumwanya Nkani, loli batakunchindika nubwanaloli.

Hoseya 6:4

Mwe ba Efulayimu, nkimba imbombe namwe choni? Wee Yuda, nkimba imbombe ichoni namwe? Ulughano lwako luli ngati we kabefu uwa pandabindabi, ngati yo nganda iya kubuche yiyo yikuzyebeluka bulo.

Hoseya 7:13

Baghuniwe abantu banaba, pachifukwa ichakuti bepiteko kukwane. Bananganika pachifukwa ichakuti bansambukiye, nkunyonywa pakubatabula loli bakunzimbula.

Hoseya 9:3

Batakwiza pakulekiwa muchisu icha Mwene. U Izilayeli akwiza pakunyokela ku Ijiputi nukulya ichakulya ichinyazu mu Asiliya.

Hoseya 9:4

Batakwiza pakubika ichakwiyipa icha vinyo kwa Mwene pamo pakubika ivyakwiyipa vivyo vikumuhobosya. Ivyakwiyipa vinivi vikuba ngati cho chibama, icha bantu abakulila. Abantu bosi banaba babo bakulya chinichi babanje banyazu. Ichakulya chinichi chikuba chazala yabo. Te chakubikiwa mu Nyumba iya Mwene.

Hoseya 9:6

Napapo bangakulyegha ukunanganika, ichisu icha Ijiputi chikwiza pakubabungannya, po abantu aba mu Memufisi bakwiza pakubasyila. Usiliva wabo akwiza pakuvwinka amivwa, sona amivwa ghakwiza pakumela muvisakasa vyabo.

Malaki 3:13

U Mwene akuti, “Mwanena amazyu aghakunsusya. “Loli mukulalusya mukuti, ‘Nkimba twa nena vintu vyoni ivyakukususya?’

Malaki 3:14

“Mukunena ukuti, ‘Vite ni mbombo nayimoyimo pakumubombela u Chala. Nkimba tukakabapo ichoni pakukonka indaghilo zyache pakuba ngati bantu abafwilwe pantazi pa Mwene Uwamaka Ghosi?

Matayi 12:36

Loli nkubabuzya ukuti pisiku lilyo u Chala akwiza pakubalonga abantu, abantu bakwiza pakulongiwa pachifukwa icha lizyu lyosi ibibi lilyo banena.

Luka 8:13

Imbeyu zizyo zikawila pilyalabwe zikwimilila abantu babo bakwivwa amazyu nukughapokela nu buhobosu. Loli ghatakwinjila nkani mumwabo. Bakusubila pakabalilo akanandi bulo, sona nanti akabalilo akakuyeliwa kakwana bakuwa umwalubilolubilo.

Yakobo 3:5

Umwakuyana bulo, ululimi ko kachigaba akanandi nkani aka mubili, loli lungitutumula nizya vintu ivikulu nkani. Mwinong'one nizya kukula ukwa musitu, loli ghukochiwa na kampesese aka moto!

2 Pitala 2:8

Umugholosu yula akikalagha pakasi papabo, po isiku ni siku akatamiwanga nkani mumoyo wache, bo akwennya nukwivwa inkalo yabo imbibi.

Ubuvumbuli 13:5

Ichinyamana chila chikitikiziwa pakunena amazyu aghamituvyo, sona na ghakumusamula u Chala. Chikitikiziwa sona pakuba nu bulaghili amezi 42.