Hoseya 7:14 - IBAYIBOLO 2024

¹⁴ Batakundaba na moyo ghabo ghosi, loli bakulila pavitala vyabo. Pachifukwa ichakulonda ingano nu vinyo umupya, po bakunsambukila.

Hoseya 7:14 Iomraidhean Croise

Ukufuma 32:6

Pandabindabi nkani abantu bakabika ivyakwiyipa ivyakocha nukubika ivyakwiyipa ivyabupoka. Abantu bala bakalya nukung'wela, po bakanda pakwimba nukwisamula bene.

Yesaya 29:13

U Mwene akuti, “Abantu banaba bakupalamila kukwane namalomo ghabo, nukunchindika ane nimilomo yabo, loli amoyo ghabo ghali kubutali nkani nane. Ukunchindika kwabo kwa ndaghilo, zizyo bamanyisiwe na bantu.

Yesaya 52:5

Po u Mwene akuti, “Nkimba ilelo nasendapo ichoni? Pakuti abantu bane basendiwa pabulo pakubuka kubutali nkani, sona abantu babo bakubalaghila bakubobezya. Akabalilo kosi itabwa lyane likusamuliwa.

Yesaya 65:14

Ababombi bane bakwiza pakwimba, nukuhoboka mumoyo, loli amwe mukwiza pakulila, pachifukwa icha kubaba mumoyo, pachifukwa icha kuyimba ukwa mumuzimu.

Yelemiya 12:2

Wewe ukubyala makwi sona amagululuzi ghache ghakwisimika ghakukula nukwela ivikomwa. Bakukunena akabalilo kosi, loli amoyo ghabo ghali kubutali nawe.

Yelemiya 3:10

Napapo zikabombiwa zyosi zinizi, u muyemba wache umusita kusubiliwa u Yuda atakanyokela kukwane nu moyo wache ghosi, loli akabomba nu moyo uwabuzimbuli. Ane ne Mwene nanena.”

Nkuto 2:18

Amoyo agha bantu ghakumulilila u Mwene! Mwee bakolo aba mu Yelusalemu, leka amasozi ghinyu ghendaye pabusiku na pamusanya ngati zyo soko, Mutakatuzyanje, sona amasozi ghinyu ghatakalekaye, awe.

Hoseya 13:16

Abantu aba mu Samaliya bafundiwanje pachifukwa icha bubibi bwabo, pakuti bamusambukiye u Chala wabo. Abantu banaba bakwiza pakughoghiwa nupanga, bope abana babo bakwiza pakubabamizya pasi, po abachi babo abalwanda bakwiza pakubazepula.

Hoseya 13:6

Bo nabalyesya, bakikuta nkani. Bo bikuta bakanda pakwituvya, po bakanduvya.

Hoseya 13:9

Wee Izilayeli wananganika, pachifukwa ichakuti wansambukila, sona wamusambukila umwavwilizi wako.

Hoseya 3:1

U Mwene akambuzya akati, “Bukagha ughanane sona nu mukolo yula napapo ali nu mwanavuli uyunji, sona nukuti umukolo yunuyu we malaya. Umughanaye ngati mumo u Mwene abaghaniye aba Izilayeli, napapo abantu banaba bakubiputa abachala abanji, sona nukuti abaghanite nkani pakubika ichakwiyipa icha ivitumbuwa ivipapate ivya mampesya.”

Hoseya 8:2

Aba Izilayeli bakundilila bakuti, Wee Chala witu, aswe tukumenye!

Amosi 2:8

Bakulambalala mulubazu ulwa vighemo vyosi sona na pamenda ghagho basenda pakuba chikole. Munyumba izya bachala babo bakung'welelamo u vinyo, yuyo abantu balipila panongwa.

Amosi 8:3

U Mwene Uwamaka Ghosi akati, “Pisiku lilalila inyimbo izya mu Nyumba iya Chala zikwiza pakuba chililo. Imivimba imyinji yikwiza pakulambalala bulo myee posi na posi!”

Mika 2:11

Nanti umuntu umumyasi sona umuzimbuli akwiza nukunena ukuti, ‘Nkwiza pakubalaghulila ukuti: Mukwiza pakuba nu vinyo umwinji, sona ni vyakungw'ela vivyo umuntu angakolwa navyo,’ umuntu yunuyu angaba mulaghuzi winyu!

Zekaliya 7:5

“Balalusye abantu bosi aba muchisu poka na baputi ukuti, ‘Nkimba bo ukutuzya pakulya nukufwifwitila, mumwezi uwafayivi nu mwezi uwaseveni amaka 70 ghagho ghachilapo, nkimba mukatuzya pakulya pachifukwa icha ane?

Aba Loma 16:18

Pakuti abantu banaba batakumubombela u Mwene witu u Kilisitu, loli bakuvibombela ivinyonywa vyabo. Sona na mazyu ghabo manoni, sona mazimbuli bakubazimbula abantu babo batamenye nachimochimo.

Aba Filipi 3:19

Ubumalilo ubwa bantu banaba, ko kuzimila, pakuti u chala wabo zyo nyanda zyabo. Bakwituvikizya ni vintu vivyo babaghiye pakukoziwa navyo isoni. Amoyo ghabo ghali pavintu ivya muchisu ichapasi.

Yakobo 4:3

Sona napapo bo mukulaba, mutakuvipokela pachifukwa ichakuti mukulaba akabibi. Ivintu vivyo mukulaba mukulonda pakuvibombezya ukuhobosya amabili ghinyu ghene.

Yakobo 5:1

Ilelo teghelezya, mwe bantu abakabi. Lilagha nukukolomoka pachifukwa icha ntamyo zizyo zikwiza pakubawila.

Abalongi 9:27

Isiku limo abantu bosi bakabuka mumaghunda pakuyaba amampesya, bakafinya uvinyo nukuba nu lusekelo munyumba iyakwiputilamo abachala babo. Mulamula bakalya nukung'wela, po bakanda pakumusamula u Abimeleki.