Hoseya 7:13 - IBAYIBOLO 2024

¹³ Baghuniwe abantu banaba, pachifukwa ichakuti bepiteko kukwane. Bananganika pachifukwa ichakuti bansambukiye, nkunyonywa pakubatabula loli bakunzimbula.

Hoseya 7:13 Iomraidhean Croise

Nehemiya 1:10

“Banaba bo babombi bako sona bantu bako, babo ukabatabula na maka ghako amakulu nkani.

Yobu 22:17

Bakamubuzya u Chala bakati, ‘Tuleke bulo! Nkimba Uwamaka Ghosi angabomba choni naswe?’

Masalimo 106:10

Akabapoka munyobe iya balwani babo, sona akabatabula munyobe izya bantu babo bakababenga.

Yesaya 30:1

U Mwene akuti, “Chighune ku bantu babo basambuke, abantu babo bakubatika ivintu vivyo te vyane, po bakufinga ulufingo lulo lute lwa Muzimu wane awe, bakulundika imbibi pa mbibi.

Yesaya 30:2

Bakubuka ku Ijiputi bo batambuzikizizye, nukulonda ubwavwilizi kwa Falabo, bakulonda ubuvighilili sona nu buzilo ubwakuponelako ku Ijiputi.

Yesaya 31:1

Chighune ku bantu babo bakubuka kuchisu icha Ijiputi, pakulaba ubwavwilizi, babo beghamiye pafalasi, abantu babo bachisubiye ichilundilo icha bendezya ingolo, namumaka amakulu agha basilikali babo, loli batakumusubila u Muzelu uwa Izilayeli, pamo ukulonda ubwavwilizi ubwa Mwene.

Yesaya 41:14

“Wee somi, Yakobo utakanyilaye, mwe bantu aba mu Izilayeli mutakanyilaye! Nkwiza pakubavwa, ane ne Mutabuli sona u Muzelu uwa Izilayeli.

Yesaya 43:1

Loli ilelo u Mwene, yuyo akakupela awe Yakobo, yuyo akakumata awe we Izilayeli akuti, “Utakanyilaye, pakuti nakutabula, nakwitizya nitabwa, we wane.

Yesaya 59:13

tukusambukiye nukukukana we Mwene, nukukupa inkoto awe we Chala witu, twabayivya abantu abinji, nukwepako kukwako, pakunena ubumyasi bubo buli mumoyo ghitu.

Yesaya 63:8

Akati, “Naloli aba bantu bane, abana babo batanganzimbula,” po akaba Mupoki wabo.

Yelemiya 14:10

Umu momumo u Mwene akukunena nizya bantu aba akuti, “Bighanite nkani pakwendakwenda, batakuvikanizya ivinama vyabo. Po u Mwene atakubapokela sona akwiza pakubukumbuka ububibi bwabo nukubafunda pachifukwa icha mbibi zyabo.”

Yelemiya 42:20

ukuti mukananga nkani bo mukuntuma kwa Mwene u Chala winyu nukunena ukuti, ‘Utwiputileko kwa Mwene u Chala witu, utubuzye chosi chicho akunena, po tukwiza pakuchibomba.’

Yelemiya 51:9

“Abazya bakuti, ‘Ngali twamupozya u Babiloni, loli atangapola. Zagha tumuleke, sona umuntu wesi abukaye kuchisu ichache ni chache, pakuti ulufundo lwache lwafika kumwanya, lukwelite nakumabingu bulo.

Yelemiya 7:15

Nkwiza pakubasumbila kubutali nukubefyapo pamaso papane, ngati mumo nkababombela aba wamwinyu bosi, abantu aba mu Izilayeli.’ ”

Nkuto 5:16

Impumpu yitu yawa kumitu yitu, sona twaghuniwa pachifukwa ichakuti twananga nkani!

Ezekiyeli 16:23

U Mwene akambuzya akati, “U Mwene Uwamaka Ghosi akuti, ‘Wee Yelusalemu, chighune! Chighune kukwako! Pachifukwa icha konjelezya ububibi pabubibi,

Ezekiyeli 18:2

“Nkimba mukung'anamula choni nanti mukupyanizya ichili muchisu icha Izilayeli ukuti, ‘Abanyenya bakalyanga amampesya aghakubaba, sona amino aghabana ghakawa ubwazi’?

Ezekiyeli 18:25

“ ‘Loli amwe mukuti, “Izila iya Mwene te yabwanaloli.” Mwee ba Izilayeli ivwa kuno: Nkimba izila yane yite yabwanaloli? Nkimba zite zila zyinyu zizyo zite zya bwanaloli?

Ezekiyeli 34:6

Ing'ozi zyane zikendakendagha mumaghamba ghosi na mutumaghamba tosi ututali. Zikanyampana pachisu chosi ichapasi, sona atakabapo nayumo umuntu uwakuzilonda.

Hoseya 11:12

U Efulayimu anzyunguliye nu bumyasi, sona bope aba Izilayeli banzyunguliye nu buzimbuli. Abantu aba mu Yuda bachili bali nu Chala, sona basubiliwa nkani ku yuyo Muzelu.

Hoseya 11:2

Napapo nkamwitizya u Izilayeli akinji bulo, loli akepaghako nkani kukwane. Bakabika ivyakwiyipa kwa Baala, sona bakafukizya utwakununkila ku vifwani.

Hoseya 5:7

Bate basubiliwa kwa Mwene, pakuti bapapa umusiwana. Po ulusekelo lwabo ulwa Kupanta ukwa Mwezi umupya lukwiza pakubanangannya poka na maghunda ghabo.

Hoseya 7:1

Bo nkuti imbapozye abantu bane aba Izilayeli, zyope imbibi izya Efulayimu zikaboneka pabuzelu, imbombo imbibi izya Samaliya zikavumbuliwa. Abantu bakubomba bo buzimbuli bwene, abiba bakupankula inyumba izya bantu, sona amavyondongo ghakwiba muminalo.

Hoseya 7:3

Bakumuhobosya u mwene nu bubibi bwabo, sona bakughahobosya amakambala na mazyu aghabumyasi.

Hoseya 9:12

Napapo bangabalela abana, nkwiza pakubasenda. Chighune nkani ku bantu banaba, bo nepukako kukwabo!

Hoseya 9:17

U Chala wane akwiza pakubapa inkonto, pachifukwa ichakuti batamwivwila. Bakwiza pakwendakwendagha bulo pakasi pa inko.

Yona 1:10

Po abendezya ubwato bala bakanyila nkani, bakamulalusya bakati, “Wabomba choni?” Bakanena bunubu pachifukwa ichakuti bakazimanya ukuti akamuchimbilagha u Mwene, pakuti akababuzya kale.

Yona 1:3

Loli u Yona akamuchimbila u Mwene nukubuka kuchisu icha Talishishi. Akabuka ku Yopa kuko akabwagha ubwato ubukulu nkani bukubuka ku Talishishi. Akalipila indalama izya kwendela ukuti abuke nabo ku Talishishi, umwakuti amuchimbile u Mwene.

Mika 6:12

Abantu bache abakabi bavyongo, abantu bache bamyasi, sona bakutamanta bulo.

Mika 6:4

Nkabefyamo muchisu icha Ijiputi, sona nkabatabula muchisu icha buzya. Nkabatumila u Mozesi nu Aloni, sona nu Miliyamu ukuti babalongozye.

Matayi 23:37

“Wee Yelusalemu, wee Yelusalemu! Ukughogha abalaghuzi nukuzitiza na mabwe intumi zizyo u Chala akutumiye! Akabalilo akinji nalondagha pakubabungannya abana bako ukuyana namumo inkuku yikufukatilila utwana twache muvipapande, loli utakanyitikizya.

Ukukumbusya Amalamulo 15:15

Mukumbukaye ukuti namwe bulo mukaba mwe bazya mu Ijiputi, sona u Mwene u Chala winyu akabapoka. Ichi cho chifukwa ilelo nkubapa ilamulo linili.

1 Yohani 1:10

Nanti tukunena ukuti tutanangitepo nalumo, kokuti u Chala mumyasi, sona amazyu ghate nu buzilo mumoyo ghitu.

Ubuvumbuli 8:13

Bo nkwenelezya, nkalyennya izwanga likubuluka mumwanya nukukolomoka nizyu ilya pamwanya ukuti, “Chighune mwee! Chighune mwee! Ichighune ichikulu nkani chikwiza pakubawila abantu babo bakwikala pachisu ichapasi, bo abantumi aba bumalilo batatu bakulizya amapati ghabo!”