Hoseya 7:11 - IBAYIBOLO 2024

¹¹ Aba Efulayimu bali ngati yo nkunda, yiyo yikuzimbuliwa sona yitakwivwisya. Ilelo bakubitizya aba Ijiputi ukuti babavwe, indabi bakweghamila ku Asiliya ukuti abapoke.

Hoseya 7:11 Iomraidhean Croise

2 Abamwene 15:19

U mwene u Pulu uwamu Asiliya akalwa ubwite ni chisu icha Izilayeli. Po u Menahemu akamupa isalabazya 34,000 izya siliva ukuti amwavwe pakubwikazya ubulaghili bwache muchisu chila.

2 Abamwene 16:7

Po u Ahazi akatuma intumi kwa mwene u Tigilati Pileseli uwamu Asiliya na mazyu aghakuti, “Ane ne mubombi wako umusubiliwa, sona ne mwana wako. Zagha umpoke munyobe izya mwene uwa ba Siliya nu mwene uwamu Izilayeli, babo bali pakulwa nane ubwite.”

Ivyili 15:32

Umuntu yuyo akughasulannya amafundwe akwisamula mwene, loli wesi yuyo akwivwila nanti akuchemeliwa, akuba wakwivwisya ivintu.

Ivyili 17:16

Nkimba choni chicho munyobe izya mupunganu mubanje indalama, bo atakughanyonnywa amahala?

Ivyili 6:32

Loli yuyo akulowa mupunganu, pakuti pakubomba bunubu akwinangannya mwene.

Yelemiya 2:18

Nkimba po choni chicho ukubuka kuchisu icha Ijiputi, pakung'wela amizi mu Nayelo? Nkimba choni chicho ukubuka kuchisu icha Asiliya pakung'wela amizi agha mu Yufuleti?

Yelemiya 2:36

Nkimba choni chicho mukwisamula mwebene pakwendakwenda uku na uku? Aba Ijiputi bakwiza pakubakozya isoni ngati mumo aba Asiliya bakabombela.

Hoseya 11:11

Bakwiza bakutetema ngati viyuni vya muchisu icha Ijiputi, sona ngati nkunda izya muchisu icha Asiliya. Po u Mwene akuti, “Nkwiza pakubabwezya mutwaya twabo.”

Hoseya 12:1

Ichakulya icha ba Efulayimu yo mpepo, sona isiku lyosi bakuyichimbizya impepo iyakubufumilo bwizuba, nukufingana nabo ubumyasi nu lombwa. Bakulapa ichilapo nu Asiliya, sona bakutuma amafuta gha misyunguti ku Ijiputi.

Hoseya 12:2

U Mwene abapiye inongwa abantu aba mu Yuda. Akwiza pakumufunda u Yakobo ukuyana ni nkalo yache, sona akwiza pakumutanizya ukuyana ni mbombo zyache.

Hoseya 14:3

U Asiliya atangatupoka, aswe tutakwiza pakukwelapo pafalasi izya bwite. Tutakwiza pakunenapo sona ukuti, ‘Abachala bitu’ babo twapanga ni nyobe zyitu, pakuti mumwako abalanda bakuchaghamo ichililizi.”

Hoseya 4:11

U Mwene akuti, “Ubwamalaya, uvinyo uwakale manyi umupya akughanangannya ukwivwisya ukwa bantu bane.

Hoseya 4:6

Abantu bane bakunanganika pachifukwa ichakuti bate na mahala. “Pachifukwa ichakuti mwabusulannya ubumanyi, nane bulo nkubakana pakuba mwe baputi bane. “Pachifukwa ichakuti mwazikana indaghilo izya Chala winyu, nane bulo nkwiza pakubakana abana binyu.

Hoseya 5:13

Bo aba Efulayimu babwennya ububine bwabo, sona bo abantu aba mu Yuda bavyennya ivilonda vyabo, po aba Efulayimu bakabuka kwa Asiliya, pakumulaba u mwene uwa maka nkani ukuti abavwe. Loli atakakupoka, sona atakakupozya ivilonda vyako.

Hoseya 5:4

Imbombo zyabo zitakubitikizya pakunyokela kwa Chala wabo. Umuzimu uwa bwamalaya ghuli mumoyo wabo, sona batamumenye u Mwene.

Hoseya 8:13

Bakubika ivyakwiyipa kukwane, nukulya inyama yila, loli u Mwene atakuhoboka navyo. Ilelo nkwiza pakubukumbuka ububibi bwabo sona nkwiza pakubafunda pachifukwa icha mbibi zyabo. Po bakwiza pakunyokela kuchisu icha Ijiputi.

Hoseya 9:3

Batakwiza pakulekiwa muchisu icha Mwene. U Izilayeli akwiza pakunyokela ku Ijiputi nukulya ichakulya ichinyazu mu Asiliya.

Hoseya 9:6

Napapo bangakulyegha ukunanganika, ichisu icha Ijiputi chikwiza pakubabungannya, po abantu aba mu Memufisi bakwiza pakubasyila. Usiliva wabo akwiza pakuvwinka amivwa, sona amivwa ghakwiza pakumela muvisakasa vyabo.

Obadiya 1:7

Abamanyani binyu bakubazimbula babo bakubachimbizyamo muchisu chinyu, babo bakaba pamutende namwe babapota. Abamanyani babo bakulya poka namwe bakubategha nivipingo, loli amwe mutakuchimanya.

Matayi 10:16

“Ivwa kuno! Nkubatuma amwe ngati zyo ng'ozi pakasi pa mpumpi. Po mubanje mwe bachevu ngati yo njoka, sona mubanje bololo ngati yo nkunda.