Hoseya 7:1 - IBAYIBOLO 2024

¹ Bo nkuti imbapozye abantu bane aba Izilayeli, zyope imbibi izya Efulayimu zikaboneka pabuzelu, imbombo imbibi izya Samaliya zikavumbuliwa. Abantu bakubomba bo buzimbuli bwene, abiba bakupankula inyumba izya bantu, sona amavyondongo ghakwiba muminalo.

Hoseya 7:1 Iomraidhean Croise

Yesaya 28:1

Chighune ku bumwene ubwakwikwezya na baching'wela aba mu Izilayeli, sona naku bwezya ubwa kufoka ubwa mpumpu iya bumwene bwache, bubo buli kwikombe ilya muvundo ilya akakulu nkani kala, ukwituvya ukwa babo bakolizwe nu vinyo!

Yesaya 59:12

Pakuti ububibi bwitu bwinji nkani pamaso ghako sona imbibi zyitu zikutusimikizizya aswe. Ububibi bwitu buchili buli naswe akabalilo kosi, sona tubumenye ububibi bwitu,

Yesaya 59:13

tukusambukiye nukukukana we Mwene, nukukupa inkoto awe we Chala witu, twabayivya abantu abinji, nukwepako kukwako, pakunena ubumyasi bubo buli mumoyo ghitu.

Yesaya 59:14

Ubwanaloli bwanyokela kwisinda, sona ubugholosu bwimiliye pabutalipo, ubusubiliwa bukwipunula pabuzilo ubwakulongelapo inongwa, ubwanaloli butakuboneka pabulongi.

Yelemiya 51:9

“Abazya bakuti, ‘Ngali twamupozya u Babiloni, loli atangapola. Zagha tumuleke, sona umuntu wesi abukaye kuchisu ichache ni chache, pakuti ulufundo lwache lwafika kumwanya, lukwelite nakumabingu bulo.

Ezekiyeli 16:46

“ ‘Umukulu wako umulindu akaba mu Samaliya, yuyo akikalagha kumitu kukwako na bana bache abalindu. Yuyo akikalagha kuntende na bana bache abalindu, akaba we Sodomu.

Ezekiyeli 23:4

Usongo akaba we Ohola, umuzuna wache akaba we Oholiba. Bakaba bane nukupapa abana abalumendo na balindu. Ohola akaba we Samaliya, u Oholiba akaba we Yelusalemu.

Ezekiyeli 24:13

“ ‘Po ilelo ivinyonywa vyako ko kwinyazya kwako. Pachifukwa ichakuti nayezya nkani pakukuswefya loli utaswepite kubunyazu bwako, mupaka ubukali bwane bukuwile.

Hoseya 10:5

Abantu babo bakwikala mu Samaliya bakuchinyila ichifwani icha ngwata icha mu Beti Aveni. Abantu bache bakwiza pakuchilila, abaputi bache bakwiza bakuchilila, pachifukwa icha buchindamu bwache. Pakuti chasendiwa, nukubuka kuchisu icha buzya.

Hoseya 11:12

U Efulayimu anzyunguliye nu bumyasi, sona bope aba Izilayeli banzyunguliye nu buzimbuli. Abantu aba mu Yuda bachili bali nu Chala, sona basubiliwa nkani ku yuyo Muzelu.

Hoseya 11:8

Wee, Izilayeli ningakuluvya bulibuli? Nkimba ningakupa bulibuli u Efulayimu? Nukukuleka we Izilayeli nkimba ningakupa bulibuli ngati we Adima? Nukukubombela ngati we Zeboyimu? U moyo wane wanduka, sona chope ichililizi chandema nkani.

Hoseya 12:1

Ichakulya icha ba Efulayimu yo mpepo, sona isiku lyosi bakuyichimbizya impepo iyakubufumilo bwizuba, nukufingana nabo ubumyasi nu lombwa. Bakulapa ichilapo nu Asiliya, sona bakutuma amafuta gha misyunguti ku Ijiputi.

Hoseya 12:2

U Mwene abapiye inongwa abantu aba mu Yuda. Akwiza pakumufunda u Yakobo ukuyana ni nkalo yache, sona akwiza pakumutanizya ukuyana ni mbombo zyache.

Hoseya 4:17

Abantu aba muchisu icha Efulayimu bimamatizizye bene kuvifwani, baleke bulo!

Hoseya 4:2

Muli bulo inguno nu bumyasi nukughoghana, nu bwiba, sona nu bwamalaya. Ukubomba imbibi kwafika pabwenecho, sona abantu bakughoghana kabilikabili.

Hoseya 5:1

“Mwe baputi, ivwa kuno, sona mwe ba Izilayeli, teghelezya! Mwee bamunyumba iya bumwene, teghelezya, pakuti mukwiza pakulongiwa. Amwe mwaba mwe chipingo icha Mizipa, sona ichilepa chicho bachikuzuliye pa Taboli.

Hoseya 6:4

Mwe ba Efulayimu, nkimba imbombe namwe choni? Wee Yuda, nkimba imbombe ichoni namwe? Ulughano lwako luli ngati we kabefu uwa pandabindabi, ngati yo nganda iya kubuche yiyo yikuzyebeluka bulo.

Hoseya 7:13

Baghuniwe abantu banaba, pachifukwa ichakuti bepiteko kukwane. Bananganika pachifukwa ichakuti bansambukiye, nkunyonywa pakubatabula loli bakunzimbula.

Hoseya 8:5

Mwee bantu aba mu Samaliya, vitaghe ivifwani vyinyu ivya ngwata! Ubukali bwane bukwaka papabo. Nkimba pakwiza pakwendapo kabalilo koni, ukuti abantu banaba biswefye?

Hoseya 8:9

Pakuti babuka kwa Asiliya, ngati yo mpunda yiyo yikwendakwenda bulo yene. U Efulayimu akabalipila indalama kubaghaniwa bache.

Amosi 3:10

U Mwene akuti, “Batamenye na pakubomba ubugholosu, babo bakusunga ivintu ivyakufyula mumalinga ghabo.”

Amosi 3:9

Lumbilila mumalinga agha mu Ashidodi, sona na mumalinga agha mu Ijiputi: “Bungana mumaghamba agha mu Samaliya, umwakuti mwennye ukuvulungana ukukulu nkani, nukuyiviwa kuko kuli pakasi pabantu.”

Amosi 8:14

Abantu bosi babo bakulapila mwitabwa ilya Ashima ichifwani icha Samaliya, pamo bakuti, ‘Naloli nkulapila mwa chala umumi uwaku Dani,’ pamo ukuti, ‘Naloli nkulapila mwa chala umumi uwaku Belisheba’ bosi banaba bakwiza pakuwa, batakwiza pakunyamuka sona.”

Mika 6:16

Pakuti mwayikonka inkalo iya Omuli ni mbombo nakikalile aka mbumba iya Ahabu sona nukuti mwazikonka inyiho zyabo. Polelo nkwiza pakubanangannya, abantu binyu bakwiza pakubatuka, mukwiza pakusamuliwa na bantu aba inko zyosi.”

Matayi 23:37

“Wee Yelusalemu, wee Yelusalemu! Ukughogha abalaghuzi nukuzitiza na mabwe intumi zizyo u Chala akutumiye! Akabalilo akinji nalondagha pakubabungannya abana bako ukuyana namumo inkuku yikufukatilila utwana twache muvipapande, loli utakanyitikizya.

Luka 13:34

“Wee Yelusalemu, wee Yelusalemu! Ukughogha abalaghuzi nukubatiza na mabwe intumi zizyo u Chala akutumiye! Akabalilo akinji nalondagha pakubabungannya abana bako ukuyana namumo inkuku yikufukatilila utwana twache muvipapande, loli utakanyitikizya.

Luka 19:42

nukuti, “Wee, nanti bulo ilelo wachimenye chicho chikwiza nu mutende. Loli, awe, ilelo amaso ghako ghatangachennya.