Hoseya 6:8 - IBAYIBOLO 2024

⁸ U Giliyadi ko kaya akakulu nkani aka bantu ababibi, kako kizuye ni banda pachifukwa icha kughoghana.

Hoseya 6:8 Iomraidhean Croise

2 Samuweli 20:8

Bo bali pilyalabwe ikulu nkani mu Gibeyoni, Amasa akiza pakukomana nabo. U Yowabu akavwala ilaya ilya bwite, sona akapinyilila ulamba mumusana wache yuyo akaba ni nyambi. Bo akwenda upanga yula akawa pasi.

2 Samuweli 3:27

Bo u Abinala anyokela ku Hebuloni, u Yowabu akamusendela papipi nu mulyango uwa kaya kala ngati po akulonda pakunenezannya nawe kubusyefu. Po kulakula akamughogha ukutanizya ubufwe ubwa wamwabo u Asaheli. U Yowabu akamulasa palwanda, po akafwa.

1 Abamwene 2:5

“Utakaluvyanje zizyo u Yowabu umwana uwa Zeluya akambombela, sona na zizyo akamubombela u Abinala umwana uwa Neli nu Amasa umwana uwa Yeteli, babo bakaba basongo babili aba basilikali aba Izilayeli. Akabaghogha pakabalilo akamutende ngati po pakabalilo aka bwite. Po ukunanga kwabo kulakula kuli pamutu papane, sona nkunyamula imbibi yache nukwipalaghulila inongwa pachifukwa icha libanda lilyo lite ni mbibi nayimoyimo.

Masalimo 10:8

Akubavwamilila abantu mutwaya, nukubaghogha babo bate ninongwa mubusyefu. Akubatendela mubuchevu abantu abakusobelwa.

Masalimo 141:4

Umoyo wane ghutakawesiwanje ni vintu ivibibi, sona intakasendayepo ichigaba mumbombo imbibi. Utakanyitikizyanje ukuti nangalaye poka na babomba mbibi, sona intakalyanje nabo ichakulya chabo ichinonu.

Masalimo 59:2

Umpoke munyobe izya bantu ababibi, sona unyefye munyobe izya baghoghi.

Yesaya 59:6

Ukuluka kwabo ukwa bubi kute ni mbombo ngati chakuvwala, batangavwinka vivyo bakuluka. Imbombo zyabo mbibi, inyobe zyabo zikunyamusya bulo ivyongo.

Yelemiya 11:19

Nkaba ngati ne mwana uwa ng'ozi yuyo akubuka pakughoghiwa. Intakazimanya ukuti amaso ghosi ghali papane, bo bakunena ukuti, “Zagha tulidumule ikwi ili bo lichili libisi. Zagha tumughoghe ukuti itabwa lyache lizimile.”

Hoseya 12:11

Nkimba mu Giliyadi muli ububibi? Abantu bache bate ni mbombo nayimoyimo! Nkimba bakwiyipa inkambaku mu Giligali? Ivighemo vyabo vikwiza pakuba ngati chilunda icha mabwe, pamughunda ghugho balima.

Hoseya 12:12

U Yakobo akachimbilila kuchisu icha Alamu. U Izilayeli akabomba imbombo, ukuti asende umuchi wache, sona akadima ing'ozi ukuti imale umuchi wache.

Hoseya 4:2

Muli bulo inguno nu bumyasi nukughoghana, nu bwiba, sona nu bwamalaya. Ukubomba imbibi kwafika pabwenecho, sona abantu bakughoghana kabilikabili.

Hoseya 5:1

“Mwe baputi, ivwa kuno, sona mwe ba Izilayeli, teghelezya! Mwee bamunyumba iya bumwene, teghelezya, pakuti mukwiza pakulongiwa. Amwe mwaba mwe chipingo icha Mizipa, sona ichilepa chicho bachikuzuliye pa Taboli.

Mika 7:2

Abantu abakumwiputa u Chala bamalamo muchisu ichapasi, mutasyalamo nayumoyumo umuntu umusubiliwa. Abantu bosi bakuvwamilila pakukupula ibanda, umuntu wesi akumuvwima umukamu wache, ngati chinyamana chicho bakuchichimbizizya ku chilepa.

Imbombo 25:3

ukuti abapelele ichisa pakumutuma u Pabuli ku Yelusalemu pakuti bakabatika ukuti bamughoghe muzila.

Yoshwa 21:38

Ukufuma pa baluko ulwa Gadi bakabapa akaya akakulu aka Lamoti mu Giliyadi, (akaya akakulu nkani akakuponelamo umughoghi) naka Mahanayimu