Hoseya 6:7 - IBAYIBOLO 2024

⁷ Balunangannya ulufingo, ngati mumo akabombelagha u Adamu, umwakuti batakaba basubiliwa kukwane.

Hoseya 6:7 Iomraidhean Croise

Ubwandilo 3:11

U Chala akamulalusya akati, “Nkimba wewenu akakubuzya ukuti ukaba nkule? Nkimba walya ivikomwa ivya mwikwi lilyo nkakubuzya ukuti utakalyanjemo?”

Ubwandilo 3:6

Bo umukolo ennya ivikomwa ivya likwi lila ukuti vikaba vyiza pakulya nukuboneka akiza, sona nukuti vingamupa amahala, akayabamo ivikomwa vimo nukulya. Akamupako vimo umulume wache, po wepe akalya.

2 Abamwene 17:15

Bakazisulannya indaghilo zyache nu lufingo lulo akafingana na banyenya babo, sona ni soki zyache. Pachifukwa ichakuti bakavichindikagha ivifwani ivyamwalwemwalwe, po bope bakaba bamwalwemwalwe. Bakeghelelagha inyiho izya inko zizyo zikabazyungulila napapo u Mwene akabalamula akati, “Mutakabombaye ngati mumo inko zinizi zikubombela,” sona bakabombagha ivintu vivyo u Mwene akabakanizya.

Yobu 31:33

nanti nkazifisa imbibi zyane ngati mumo bakubombela abantu abanji, pakufisa ukunanga kwane mumoyo wane

Yesaya 24:16

Ukufuma kubumalilo ubwa chisu tukwivwa ukwimba ukuti, “Ubuchindamu kwa yuyo mugholosu.” Loli nkati, “Namala, Namala! Chighune kukwane! Abantu abazimbuli bakumbombela mubuzimbuli, po ubuzimbuli bwabo bukwendelela bulo!”

Yesaya 24:5

Abantu bachinyazya ichisu ichapasi, nukuzinangannya indaghilo nivimanyisyo, nukulunangannya ulufingo ulwa bwila na bwila.

Yesaya 48:8

Mutavyivuyepo pamo ukuvimanya, ukwanda bulo kale amakutu ghinyu ghatighukitepo. Pachifukwa ichakuti nkumanya ukuti awe we mulwani, ukitiziwanga ukuti we musambuke, ukwanda ko kubwana bwako.

Yelemiya 3:7

Nkinong'ona ukuti nanti azibomba zyosi zinizi akwiza pakunyokele kukwane loli atakachibomba chinichi, sona u muyemba wache umusita kusubiliwa u Yuda akachennya chinichi.

Yelemiya 31:32

Lutakwiza pakuba sona ngati lufingo ulwakale lulo ingafingana na banyenya binyu bo nkubalema pa nyobe nukubefyamo muchisu icha Ijiputi. Pachifukwa ichakuti bakanangannya ulufingo, napapo nkaba ngati ne mulume wabo umusubiliwa.” U Mwene anena.

Yelemiya 34:18

Abantu babo bakanangannya ulufingo lwane sona batakwanilisizye ifingo zizyo bakafinga pamaso papane, po ane nkwiza pakukupima ngati yo ngwata yiyo mukayidumulannya pabili nukwenda pakasi pavigaba vila.

Yelemiya 5:11

Aba Izilayeli sona naba Yuda bate basubiliwa kukwane. Ane ne Mwene nanena.”

Yelemiya 9:6

Bakubungannya ubumyasi pamwanya pabumyasi, ubuzimbuli pamwanya pabuzimbuli, mubuzimbuli bwabo bakukana pakummanya. Ane ne Mwene nanena.”

Hoseya 5:7

Bate basubiliwa kwa Mwene, pakuti bapapa umusiwana. Po ulusekelo lwabo ulwa Kupanta ukwa Mwezi umupya lukwiza pakubanangannya poka na maghunda ghabo.

Hoseya 8:1

U Mwene akuti Lizya ipati! Izwanga lili pachisonje icha Nyumba iya Mwene, pachifukwa ichakuti abantu balunangannya ulufingo, sona balusambukiye ululaghilo lwane.

Aba Loma 5:14

Loli ukwandila pakabalilo aka Adamu mupaka pakabalilo aka Mozesi, ubufwe bukaba nu bulaghili pabantu bosi, sona na pabantu bulo babo batakananga ukuyana namumo u Adamu akabombela pakusita ukukonka amalamulo agha Chala. U Adamu akaba chifwanikizyo icha yuyo akizagha.

Ukukumbusya Amalamulo 31:20

Bo nabinjizya muchisu icha mboto, ukuyana namumo nkalapila nabanyenya babo, bakwiza pakuchagha ichakulya chosi chicho bangachilonda, sona bakwiza pakufwasa nkani. Abantu banaba bakwiza pakunkana, bakwiza pakubiputa abachala abanji, nukulunangannya ulufingo lwane.

Aba Hebeli 8:9

Lutakwiza pakuba sona ngati lufingo ulwakale lulo ingafingana na banyenya binyu bo nkubalema pa nyobe nukubefyamo muchisu icha Ijiputi. Pachifukwa ichakuti abene batakasunga ulufingo lwane, po nane nkabasulannya bulo.” U Mwene anena.