Hoseya 6:5 - IBAYIBOLO 2024

⁵ Polelo nkakudumulannya mutuvigaba, pakubombezya abalaghuzi bane, nkabaghogha na mazyu agha mumulomo wane, sona ubulongi bwane bukamesya ngati ko kamesya.

Hoseya 6:5 Iomraidhean Croise

Ubwandilo 18:25

Naloli momumo utangabaghogha abantu abagholosu poka na bantu abambibi. Awe, ichi chitangabombiwa! Utangachibomba! Nanti ungachibomba, kokuti abantu abagholosu bangafundiwa poka na bantu abambibi. Umulongi uwa chisu chosi ichapasi abombaye ubwanaloli.”

1 Abamwene 14:6

Loli bo u Ahiya ivwa umulinto wache bo akwinjila pamulyango akati, “Injila, nkumenye awe we muchi uwa Yelobowamu. Nkimba choni chicho wiyanduye wemwene ngati po muntu uyunji bulo? Indi na mazyu agha chitima aghakuti nkubuzye.

1 Abamwene 17:1

Pakabalilo kalakala umulaghuzi u Eliya umu Tishibi uwamu Giliyadi akamubuzya u mwene u Ahabu akati, “Nkulapa pamaso pa Mwene u Chala umumi uwa Izilayeli, yuyo nkumubombela ukuti patakwiza pakubako inganda pamo ivula amaka matatu ghagho ghakwiza.”

1 Abamwene 18:17

Bo u Ahabu amwennya u Eliya, akamubuzya akati, “Nkimba naloli wewe ukupela intamyo mu Izilayeli?”

1 Abamwene 19:17

U Yehu akwiza pakubaghogha abantu bosi babo batakaghoghiwa nu Hazayeli, sona u Elisha akwiza pakubaghogha abantu bosi babo batakaghoghiwa nu Yehu.

2 Abamwene 1:16

U Eliya akamubuzya u mwene yula akati, “U Mwene ati: Nkimba kokuti mu Izilayeli mutalimo u Chala uwakuti ungabuzikizyako ukuti uzitume intumi pakubuzikizya kwa Baala Zebubi, uchala uwa ba Ekiloni? Po utakwiza pakunyamukapo nalumo pachitala chako, loli ukwiza pakufwa.”

2 Imbili 21:12

Umulaghuzi u Eliya akamutumila ukalata u Yeholamu uwakuti, “U Mwene, u Chala uwa munyenya wako u Devedi ati, ‘Awe utabombite zizyo ughuso u Yehoshafati pamo u Asa u mwene uwa Yuda akabomba.

Yobu 15:30

Atakwiza pakupona kuchisi; akwiza pakuba ngati lyo likwi lilyo isamba zyache zipiye numoto, po umuyi uwa Chala ghukwiza pakulaghazya ubwezya bula.

Yobu 34:10

Po ivwa kuno mwe bantu abakwivwisya ivintu. Naloli u Chala atangabomba ichintu ichibibi, sona Uwamaka Ghosi atangananga napo panandi.

Masalimo 119:120

Umubili wane ghukutetema, pachifukwa icha kukunyila, po nkunyila ubulongi bwako.

Masalimo 37:6

Akwiza pakubupela ubugholosu bwako pakulama ngati ko kubuche, sona ubwanaloli bwako bukwiza ngati gho musanya.

Yesaya 11:4

loli nu bugholosu akwiza pakubalongela abapotwe, nukubadumulila abapina mubwanaloli aba muchisu ichapasi. Akwiza pakuchikoma ichisu ichapasi nindisa iya mumulomo wache, umuyi uwa milomo yache gho ghukwiza pakubaghogha ababomba mbibi.

Yesaya 58:1

U Mwene akuti, “Kolomoka nkani, utakalekaye, kwezya izyu lyako ngati lipati. Babuzye abantu bane nizya kusambuka kwabo, sona ni mbibi izya bamunyumba iya Yakobo.

Yelemiya 1:10

Ilelo nkukusala ukuti ubanje nu bulaghili panko izya bantu nu bumwene, pakunyunkula nukumongola, pakunangannya nukutagha sona nukuzenga nukubyala.”

Yelemiya 1:18

Ilelo nakupela pakuba we kaya akakulu nkani akakuzyunguliliwa ni linga, ni mpanda iya chela, sona nulubumba ulwa mukuba, umwakuti utakachinyilaye ichisu chosi, abamwene bosi aba mu Yuda pamo amakambala ghache pamo abaputi bache sona na bantu aba muchisu chilachila.

Yelemiya 13:13

Po ubabuzye uti u Mwene akuti, ‘Nkwiza pakubizuzya nubwachingw'ela abantu bosi babo bakwikala muchisu ichi. Abantu banaba bo aba: Abamwene babo bakwikala pachitengo icha Devedi, na baputi, na balaghuzi, sona na bantu bosi babo bakwikala mu Yelusalemu.

Yelemiya 23:29

“Nkimba amazyu ghane ghatayanite bulo numoto? Nkimba ghatayanite bulo ni nyondo yiyo yikutizannya ibwe pakuba tumenyumenyu?

Yelemiya 5:14

Polelo izi zyo zizyo u Mwene u Chala Uwamaka Ghosi akunena, “Pachifukwa ichakuti abantu banena amazyu ghanagha, nkwiza pakughapela amazyu agha mumulomo wako pakuba moto ghugho ghukwiza pakubocha abantu banaba ngati nkwi.”

Ezekiyeli 11:4

Polelo ubalaghulile nizya kubasusya, wee mwana uwa muntu, laghula.”

Ezekiyeli 3:9

Nkwiza pakukupela pakuba nu moyo umukafu nkani ngati libwe ilya dayimondi. Utakabanyilaye pamo ukoghopa ivyeni vyabo, napapo basambuke.”

Ezekiyeli 32:18

“Wee mwana uwa muntu, chililile ichilundilo icha Ijiputi nukubatuma mwipumpa poka ninko izyamaka na babo bakubuka kwipumpa.

Ezekiyeli 43:3

Ichisetuka chicho nkachennya chikaba ngati chicho nkachennya bo akwiza pakukanangannya akaya akakulu nkani aka Yelusalemu sona ngati chisetuka chicho nkachennya mulusoko ulwa Kebali, po nkawa ubukupama.

Zefaniya 3:5

U Mwene umugholosu ali mukaya, atakunangapo nakamokamo. Indabindabi ni ndabindabi akuvumbula ubwanaloli bwache, sona kubuche bosi atakupotwapo, loli babo te bagholosu bate ni soni.

Imbombo 7:31

U Mozesi akaswigha na vivyo akavyennya, po akapalamila papipi ukuti enelezye. Loli akivwa izyu ilya Mwene likuti,

Aba Loma 2:5

Loli pachifukwa icha bukafu ubwa moyo wako, sona nu moyo wako umusita kupinduka nukuzileka imbibi, ukwilundikila wemwene ubukali ubwa Chala, pisiku lilyo ubulongi bwache ubugholosu bukwiza pakuvumbuliwa.

Aba Efeso 6:17

Vwala ubupoki pakuba chisote chinyu, sona amazyu agha Chala ghabanje wepanga uwa Muzimu Umuzelu.

Aba Hebeli 4:12

Pakuti amazyu agha Chala mumi sona ghakubombabomba. Ghakwete nkani ukuchila upanga yuyo akwete kosi na kosi. Upanga akulasa mupaka papo pakomanite impingu na mafuta agha mwifupa. Umwakuyana bulo, amazyu agha Chala ghakulasa mupaka papo pakomanite umoyo nu muzimu uwa muntu. Ghakulonga inyinong'ono izya bantu, sona na vivyo amoyo ghabo ghakunyonywa.

Ubuvumbuli 1:16

Akalema intondwa seveni munyobe yache indilo. Mumulomo mwache mukafuma upanga yuyo akwete kosi na kosi. Icheni chache chikalamagha ngati po izuba lili pamutu.

Ubuvumbuli 2:16

Pinduka nukuzileka imbibi zyinyu! Nanti mutakupinduka nkwiza kukwinyu lunulu nukulwa namwe ubwite nupanga yuyo akwete kosi na kosi, sona yuyo akufuma mumulomo wane.

Ubuvumbuli 9:15

Abantumi folo bala bakabayanizya zila akabalilo kalakala, ni siku lilalila nu mwezi ghulaghula sona nu mwaka ghulaghula. Ilelo bakasatuliwa ukuti baghoghe ichigaba choka pa vigaba vitatu ivya bantu bosi.

Ubuvumbuli 9:21

Abantu bala batakaleka pakughogha kwabo pamo amayele ghabo, pamo ubwamalaya bwabo, pamo ubwiba bwabo.

1 Samuweli 13:13

U Samuweli akamubuzya akati, “Wabomba ivyabupunganu nkani. Awe utakaghasunga amalamulo ghagho u Mwene u Chala wako akakupa. Nanti ukabombagha bunubu, ngali ikazizye ubumwene bwako pakasi paba Izilayeli bwila na bwila.

1 Samuweli 15:22

Loli u Samuweli akati, “Nkimba u Mwene akuhoboka ni vyakwiyipa ivyakocha, sona ni vyabupi pamo ukughivwila amazyu ghache? Ukwivwila chintu chizapo ukuchila ichakwiyipa, ukughakonka amalamulo ghache chizapo, ukuchila ichakwiyipa icha mafuta agha dubi.

1 Samuweli 15:32

Po u Samuweli akamubuzya u Sabuli akati, “Zagha nawe kuno u Agagi, u mwene uwa Amaleki yula.” U Agagi akiza kwa Samuweli, bo ahobokite nkani, pakuti akinong'onagha akati, “Naloli intamyo zyamala, sona napona!”

1 Samuweli 15:33

Loli u Samuweli akati, “Upanga wako abapelela abakolo pakuba basita bana, umwakuyana bulo unyoko akwiza pakuba musita bana.” Po u Samuweli akamudumulannya u Agagi yula pamaso pa Mwene mu Giligali.