Hoseya 5:6 - IBAYIBOLO 2024

⁶ Bo bakubuka ni ng'ozi sona ni ng'ombe zyabo pakumulonda u Mwene, batakwiza pakumwagha. Pachifukwa ichakuti epitepo pakasi papabo.

Hoseya 5:6 Iomraidhean Croise

Ukufuma 10:9

U Mozesi akamula akati, “Twebosi, aswe na bana bitu, poka na bantu bitu abaghosi. Tubaghiye tubukaye na bana bitu abalumendo na balindu, poka ni ng'ozi, ni mbuzi, ni ng'ombe zyitu bulo pachifukwa ichakuti tubaghiye pakuba nu lusekelo ulwa Mwene.”

Ivyili 1:28

“Po bakwiza pakunyitizya, loli ntakwiza pakwamula, bakwiza pakundondelezya, loli batakwiza pakunyagha.”

Ivyili 15:8

U Mwene achibengite ichakwiyipa icha muntu umubibi, loli ulwiputo ulwa muntu umugholosu lukumuhobosyanga.

Ivyili 21:27

Ichakwiyipa icha muntu umubibi gho mwiko, nkaninkani nanti achibika ni nyinong'ono imbibi!

Inyimbo izya Solomoni 5:6

Nkamwighulila umughaniwa wane, loli nkagha ukuti epitepo kale. Nkatamiwa nkani mumoyo wane, pachifukwa ichakuti akabuka. Nkamulondelezya, loli intakamwagha, nkamwitizya, loli atakanyamula.

Yesaya 66:3

Loli abantu babo bakughogha ing'ombe pakuba chakwiyipa, bali ngati muntu yuyo aghogha umuntu, abantu babo bakughogha ing'ozi pakuba chakwiyipa, bali ngati muntu yuyo anyonga imbwa isingo, sona abantu babo bakubika amalezi pakuba chakwiyipa, bali ngati muntu yuyo akubika ibanda ilya ngulube, abantu babo bakubika ichikumbusyo icha ivyakununkila, bope bulo bali ngati muntu yuyo akuchiputa ichifwani. Basala izila zyabo, sona imizimu yabo yikuhoboka nivintu ivibibi,

Yelemiya 11:11

Polelo u Mwene akuti, ‘Nkubizila nintamyo yiyo batabaghiye pakuyichimbila. Napapo bangandilila, pope bulo ntakwiza pakubivwa napo panandi.

Yelemiya 11:14

“Yelemiya, utakabiputilaye abantu banaba pamo ukubalabila, pachifukwa ichakuti ntakwiza pakubivwa bo bakunyitizya pakabalilo akantamyo.

Yelemiya 14:12

Napapo bangatuzya pakulya, ntakwiza pakwivwa ukulila kwabo, napapo bangabika ivyakwiyipa ivyakocha sona ni vyakwiyipa ivya busu pope bulo ntakwiza pakubapokela. Mubuzilo bwache, nkwiza pakubanangannya nupanga, nizala sona ni chiwaya.”

Yelemiya 7:4

Mutakaghasubilaye amazyu agha bumyasi ghagho ghakuti, “Iyi yo Nyumba iya Mwene, Inyumba iya Mwene, Inyumba iya Mwene!”

Nkuto 3:44

Wivwinkite wemwene ni bingu, umwakuti inyiputo zitakafikaye kukwako.

Ezekiyeli 8:18

Polelo, ntakwiza pakubaleka bulo, ntakwiza pakubapelela ichisa pamo ukubaleka bumi. Napapo bakukolomoka mumakutu ghane, ntakwiza pakubateghelezya.”

Ezekiyeli 8:6

Po akandalusya akati, “Wee mwana uwa muntu, nkimba ukuzyennnya zizyo bakubomba? Ennya ivyamwiko vivyo aba Izilayeli bakubomba, ivintu vivyo vikwiza pakubabika kubutali nu buzilo bwane ubuzelu? Loli mukwiza pakwennya ivyamwiko nkani ukuchilapo.”

Hoseya 8:13

Bakubika ivyakwiyipa kukwane, nukulya inyama yila, loli u Mwene atakuhoboka navyo. Ilelo nkwiza pakubukumbuka ububibi bwabo sona nkwiza pakubafunda pachifukwa icha mbibi zyabo. Po bakwiza pakunyokela kuchisu icha Ijiputi.

Amosi 8:12

Abantu bakwiza pakwendakwendagha bulo kunyanja iyi na yila, sona bakwiza pakwendakwendagha kumitu na kubufumilo bwizuba, pakughalondelezya amazyu agha Mwene, loli batakwiza pakughagha.

Mika 3:4

Po bakwiza pakumulilila u Mwene, loli atakwiza pakubamula. Pakabalilo kalakala akwiza pakubapa inkonto, pachifukwa icha bubibi bubo babombite.

Malaki 1:10

“Nalondagha nkani ukuti ngali weka pakasi papinyu ighaliye inyiyi izya Nyumba iya Chala, umwakuti mutakapembe umoto ghugho ghute ni mbombo pachighemo chane! Ane ntahobokite namwe. Ane ne Mwene Uwamaka Ghosi nanena sona ntakwiza pakuvipokela ivyakwiyipa vyinyu vivyo vili munyobe zyinyu.

Luka 5:16

Loli akabuka kubuzilo kuko kutakabako abantu nukwiputa.

Yohani 7:34

Mukwiza pakundonda, loli mutakwiza pakunyagha pakuti kuko nkubuka, mutangafikako.”