Hoseya 5:2 - IBAYIBOLO 2024

² Abantu abakusambuka bali pambombo iyakughogha, loli nkwiza pakubapa amafundwe bosi.

Hoseya 5:2 Iomraidhean Croise

Yesaya 1:5

Nkimba mukulonda imbakome piyi, fwandi choni chicho mukusambuka bulo? Umutu winyu ghosi ghuvulaye sona amoyo ghinyu ghosi ghabinite.

Yesaya 29:15

Chighune ku bantu babo bakufisa inyinong'ono zyabo, ukuti u Mwene atakazimanye, banabo imbombo zyabo zyamuchisi sona bakwinong'ona ukuti, “Nkimba wewenu yuyo angatwenya? Fwandi wewenu yuyo angazimanya?”

Yelemiya 18:18

Po abantu bakati, “Zagha tubatike pakumubombela ububibi u Yelemiya! Pakuti abaputi bakwiza pakuba naswe akabalilo kosi pakutulongozya, abamahala bakwiza pakutulongozya, sona abalaghuzi bakwiza pakulumbilila amazyu agha Chala. Zagha tumupe inongwa, sona tuleke pakuteghelezya zizyo akunena.”

Yelemiya 5:3

Wee Mwene nkimba amaso ghako ghatakulonda ubwanaloli? Ukabafunda loli batakivwa ububavu, ukabasyempa loli bakakana pakumanyila. Bakavikazya ivyeni vyabo ngati mabwe, nukukana pakupinduka.

Yelemiya 6:28

Bosi banaba bantu abasambuke aba moyo amapalapala nkani, sona biyebo. Amoyo ghabo ghali ngati mukuba ni chela. Bosi ubusubiliwa butalimo mumwabo.

Hoseya 4:2

Muli bulo inguno nu bumyasi nukughoghana, nu bwiba, sona nu bwamalaya. Ukubomba imbibi kwafika pabwenecho, sona abantu bakughoghana kabilikabili.

Hoseya 6:5

Polelo nkakudumulannya mutuvigaba, pakubombezya abalaghuzi bane, nkabaghogha na mazyu agha mumulomo wane, sona ubulongi bwane bukamesya ngati ko kamesya.

Hoseya 6:9

Ngati gho mavyondongo ghagho ghakuvwamilila abantu, momumo bope abaputi bakunangila. Bakubaghogha abantu pamusebo uwakubukila ku Shekemu, sona bakubomba ivintu ivikozya soni.

Hoseya 9:15

“Nkubabenga pachifukwa icha bubibi bubo babomba muchisu icha Giligali, sona na pachifukwa icha mbombo imbibi zizyo babomba, po nkwiza pakubefyamo munyumba yane. Ane ntakwiza pakubaghana nalumo sona. Abalongozi babo bosi basambuke.

Ubuvumbuli 3:19

Nkumuchemela nukumufunda umuntu wesi yuyo imughanite. Polelo lamusya, upinduke nukuzileka imbibi zyako.