Hoseya 5:14 - IBAYIBOLO 2024

¹⁴ Pakuti nkwiza pakuba ngati ne nkalamu kuba Efulayimu, sona ngati nkalamu iya maka kwa Yuda. Nkwiza pakubazepulannya mutuvigaba nukubazompola. Po atalipo nayumo uwakubapoka.

Hoseya 5:14 Iomraidhean Croise

Yobu 10:16

Nanti nikwezya nemwene pamwanya ukumbinga ngati nkalamu, nukundanjizya amaka ghako aghakoghofya.

Yobu 10:7

Napapo uzimenye ukuti ane inte ninongwa, sona nukuti atalipo nayumoyumo umuntu, yuyo angampoka munyobe zyako.

Masalimo 50:22

“Amwe mwe mumuluvyizye u Chala, muzyinong'onaye izi, lumo ningabazepulannya, po atalipo nayumoyumo umuntu uwakubapoka.

Masalimo 7:2

Lumo banganzepulannya ngati mumo inkalamu yikuzepulila inyama, nukunyonkolannya ukusita umuntu nayumoyumo uwakumpoka.

Yesaya 5:29

Ukulila kwabo kuli ngati kwa nkalamu, zikubuluma ngati bana aba nkalamu, zikubuluma bo zikulema inyama nukubuka nayo, kuko atalipo nayumo uwakuyipoka.

Yelemiya 25:38

U Mwene ali ngati nkalamu yiyo yiyilekite impako yache, sona ichisu chabo chaba chisami, pachifukwa icha bantu babo bakubayivya nu bwite, sona pachifukwa icha bukali ubwa koghofya ubwa Mwene.

Nkuto 3:10

Ngati mumo ulabwe pamo inkalamu yikuvwamilila,

Hoseya 13:6

Bo nabalyesya, bakikuta nkani. Bo bikuta bakanda pakwituvya, po bakanduvya.

Hoseya 2:12

Nkwiza pakughanangannya amampesya ghache, na makwi agha makuyu, ghagho akatinji gho malipilo ghache aghakufuma ku baghaniwa bache. Nkwiza pakughapela pakuba ngati gho musitu, sona ivinyamana ivyamuzi vikwiza pakughalya.

Hoseya 6:1

Abantu bakuti, “Zagha tunyokele kwa Mwene. Napapo atuzepulannya mutuvigaba, loli akwiza pakutupozya. Napapo atuvulazya, loli akwiza pakutupinya ivilonda.

Amosi 2:14

Abantu abalubilo nkani batakwiza pakupona, abantu abamaka bakwiza pakuba badedebazu, sona abasilikali batakwiza pakubupoka ubumi bwabo.

Mika 5:8

Abakusyalako aba Yakobo bakwiza pakwikala pakasi pa inko, pakasi pabantu abinji nkani, ngati nkalamu yiyo yili pakasi pa vinyanama ivya mumusitu, ngati mwana uwa nkalamu yuyo ali pakasi pa mudimo uwa ng'ozi, yuyo akuzikanyankila nukuzizepulannya mutuvigaba, sona atalipo nayumoyumo uwakuzipoka.

Ukukumbusya Amalamulo 28:31

Abantu bakwiza pakuyibola ing'ombe yako, bo ukwennya na maso ghako, loli utakwiza pakuyilyapo inyama yache. Bakwiza pakuyifyula impunda yako, bo ukwennya na maso ghako, loli utakwiza pakuyifyula sona. Abalwani bako bakwiza pakuzisenda ing'ozi zyako, po atakwiza pakubapo nayumoyumo uwakuzipoka.

Ukukumbusya Amalamulo 32:39

Ilelo ennya, ane nemwene ne Chala, sona atalipo u chala uyunji. Nkumughogha umuntu nukumupa ubumi, Nkumuvulazya sona nkumupozya. Atalipo nayumoyumo umuntu uwakumupoka munyobe zyane.