Hoseya 5:13 - IBAYIBOLO 2024

¹³ Bo aba Efulayimu babwennya ububine bwabo, sona bo abantu aba mu Yuda bavyennya ivilonda vyabo, po aba Efulayimu bakabuka kwa Asiliya, pakumulaba u mwene uwa maka nkani ukuti abavwe. Loli atakakupoka, sona atakakupozya ivilonda vyako.

Hoseya 5:13 Iomraidhean Croise

2 Abamwene 15:19

U mwene u Pulu uwamu Asiliya akalwa ubwite ni chisu icha Izilayeli. Po u Menahemu akamupa isalabazya 34,000 izya siliva ukuti amwavwe pakubwikazya ubulaghili bwache muchisu chila.

2 Abamwene 15:29

Pakaba po pakabalilo aka mwene u Peka uwamu Izilayeli, kako u mwene u Tigilati Pileseli uwamu Asiliya akakafyula akaya akakulu nkani aka Iyoni naka Abeli Beti Maaka naka Yanowa naka Kedeshi, sona naka Hazoli. Akachifyula ichigaba icha Giliyadi, nicha Galileya sona ni chisu chosi icha Nafutali nukubasenda abantu bosi aba mula nukubuka nabo ku Asiliya pakuba bakayidi.

2 Abamwene 16:7

Po u Ahazi akatuma intumi kwa mwene u Tigilati Pileseli uwamu Asiliya na mazyu aghakuti, “Ane ne mubombi wako umusubiliwa, sona ne mwana wako. Zagha umpoke munyobe izya mwene uwa ba Siliya nu mwene uwamu Izilayeli, babo bali pakulwa nane ubwite.”

Yesaya 3:7

Loli pisiku lila akwiza pakulila bulo ukuti, “Awe, intangabavwa. Munyumba yane mute ivyakulya pamo amenda, mutakampelaye pakuba ne mulongozi uwa bantu aba.”

Yelemiya 30:12

U Mwene akuti, “Ichilonda chinyu chitakupola nukupola, ukuvulala kwinyu kutakumala nukumala.

Ezekiyeli 23:5

“Ohola akabombagha ubwamalaya bo achili wane, po akibika nkani umoyo wache pavighane vyache aba Asiliya,

Hoseya 10:6

Ichifwani chila chikwiza pakusendiwa nukubuka nacho ku Asiliya, ukuti chibanje chabupi kwa mwene umukulu. Aba Efulayimu bakwiza pakusamuliwa aba Izilayeli bope bakwiza pakuba ni soni, pachifukwa icha kwivwila amahala ghabo.

Hoseya 12:1

Ichakulya icha ba Efulayimu yo mpepo, sona isiku lyosi bakuyichimbizya impepo iyakubufumilo bwizuba, nukufingana nabo ubumyasi nu lombwa. Bakulapa ichilapo nu Asiliya, sona bakutuma amafuta gha misyunguti ku Ijiputi.

Hoseya 14:3

U Asiliya atangatupoka, aswe tutakwiza pakukwelapo pafalasi izya bwite. Tutakwiza pakunenapo sona ukuti, ‘Abachala bitu’ babo twapanga ni nyobe zyitu, pakuti mumwako abalanda bakuchaghamo ichililizi.”

Hoseya 2:7

Akwiza pakubachimbilila abapamoyo bache, loli atakwiza pakubalema. Akwiza pakubalondalonda. Loli atakwiza pakubagha. Po akwiza pakunena ukuti, “Nkunyokela ku mulume wane uwakwanda, ngati mumo zikabelagha pakwanda pala. Pakuti kale ivintu vikabapo akiza ukuchila pakabalilo aka.”

Hoseya 7:11

Aba Efulayimu bali ngati yo nkunda, yiyo yikuzimbuliwa sona yitakwivwisya. Ilelo bakubitizya aba Ijiputi ukuti babavwe, indabi bakweghamila ku Asiliya ukuti abapoke.

Hoseya 8:9

Pakuti babuka kwa Asiliya, ngati yo mpunda yiyo yikwendakwenda bulo yene. U Efulayimu akabalipila indalama kubaghaniwa bache.

Mika 1:9

Pakuti ichilonda chache chitangapola, sona chafika mupaka kuchisu icha Yuda, Chafika mupaka pamulyango uwa kaya aka bantu bane, sona mupaka ku Yelusalemu.”