Hoseya 4:8 - IBAYIBOLO 2024

⁸ Ichakulya chabo zyo mbibi izya bantu bane, sona ububibi yo nyanyi yabo.

Hoseya 4:8 Iomraidhean Croise

2 Abamwene 12:16

Indalama izya kulipilila inongwa, sona nizya chakwiyipa ichakupepesezya inongwa zitakabikiwanga mu Nyumba iya Mwene, loli zikaba zya baputi.

Masalimo 24:4

Kokuti muntu yuyo inyobe zyache swepu, sona umoyo wache ghope mugholosu. Yunuyu we muntu yuyo atakubikilako umoyo wache pavintu ivyabulo, pamo ukulapa ivyabumyasi.

Masalimo 25:1

Wee Mwene nkughukwezya umoyo wane kukwako.

Yesaya 56:11

Bali ngati zyo mbwa zizyo zili nizala, zizyo zitakwikuta nalumo. Bo badimi babo batakwivwisya, bosi bapulumpa izila zyabo, umuntu wesi ali pakulonda ichakukabilapo.

Ezekiyeli 14:3

“Wee mwana uwa muntu, abantu aba babika amoyo ghabo pavifwani nukubika ichipunulo ichibibi pantazi papabo. Nkimba bakwinong'ona ukuti nkwiza pakubamula?

Ezekiyeli 14:7

“ ‘Nanti umu Izilayeli wesi, pamo umuyeni yuyo akwikala mu Izilayeli isabuye mwene kukwane nukubika umoyo wache pavifwani sona ni chipunulo pantazi papache nukubuka kumulaghuzi pakulalusya izya, ane ne Mwene nkwiza pakumwamula nemwene.

Hoseya 10:13

Loli mwabyala ububibi, po mwinula ubunyonganu, sona mwalya ivikomwa ivya bumyasi. Pakuti mwazisubila izila izyinyu ni zyinyu sona na basilikali binyu abinji nkani.

Hoseya 12:8

Aba Efulayimu bakwitutumula bakuti, “Aswe twe bakabi sona twakaba nkani. Po nubukabi bosi bunubu batakwiza pakutwagha nu bubibi pamo ni mbibi.”

Hoseya 14:1

Mwee ba Izilayeli, nyokela kwa Mwene u Chala winyu. Imbibi zyinyu zyabawisya!

Aba Levi 6:22

Umwana wesi uwa Aloni yuyo akumupyana uwise pakuba muputi umupakiwa weyuyo achibike pakuba chigaba icha chakwiyipa icha bwila na bwila icha Mwene, sona achoche chosi.

Aba Levi 6:26

Umuputi yuyo akubika ichakwiyipa chinichi, alyeko. Achilyele Mubuzilo Ubuzelu, mulubinjilo ulwa Chisakasa icha Mwene.

Mika 3:11

Abalongozi bache bakulonga pachifukwa icha mabeko, abaputi bache bakumanyisya pachifukwa icha malipilo, sona abalaghuzi bakulaghula pachifukwa icha ndalama. Loli pope bulo beghamiye kwa Mwene nukuti, “Nkimba u Mwene ate pakasi papitu? Chitalipo ichiwaya chicho chingatuwila.”

Malaki 1:10

“Nalondagha nkani ukuti ngali weka pakasi papinyu ighaliye inyiyi izya Nyumba iya Chala, umwakuti mutakapembe umoto ghugho ghute ni mbombo pachighemo chane! Ane ntahobokite namwe. Ane ne Mwene Uwamaka Ghosi nanena sona ntakwiza pakuvipokela ivyakwiyipa vyinyu vivyo vili munyobe zyinyu.

Aba Loma 16:18

Pakuti abantu banaba batakumubombela u Mwene witu u Kilisitu, loli bakuvibombela ivinyonywa vyabo. Sona na mazyu ghabo manoni, sona mazimbuli bakubazimbula abantu babo batamenye nachimochimo.

Titi 1:11

Ubaghiye ubakanizyanje pakunenanena, pachifukwa ichakuti bakuvulungannya imitu iya bantu munyumba zyosi pakubamanyisya vivyo vitabaghiye pakumanyisiwa. Pakubomba bunubu yikuba ngati yo zila iyakukabilamo indalama.

2 Pitala 2:3

Pachifukwa icha kunyonywa ubukabi abene bakwiza pakubapela amwe pakuba mwe zila iyakukabilamo pakubombezya amazyu aghabuzimbuli. Loli ubulongi bwabo buyaniziwe kale, sona ukuzimila kwabo kukubalindilila.

1 Samuweli 2:29

Po nkimba choni chicho ukuvisamula ivyakwiyipa vyane, vivyo nkalamula ukuti vibanje vya munyumba yane? Nkimba choni chicho ukubachindika abana bako ukunchila ane pakwiyinizya mwebene ni vigaba ivyiza nkani ivya vyakwiyipa vivyo abantu bane bakubika?