Hoseya 4:7 - IBAYIBOLO 2024

⁷ Bo abaputi bakonjelela ubwinji, momumo bakanangila nane bulo. Bakughulizannya ubuchindamu ubwa Chala ni vintu ivikozya soni.

Hoseya 4:7 Iomraidhean Croise

Ezila 9:7

Ukwanda pakabalilo aka banyenya bitu mupaka nilelo bulo, twananga nkani. Pachifukwa icha mbibi zyitu, aswe na bamwene bitu poka na baputi bitu twabikiwa munyobe izya bamwene aba inko izinji, twaghoghiwa nukulemiwa pakuba bakayidi, twafyuliwa ivintu vyitu sona twakoziwa isoni pamaso pa bamwene aba inko izinji ukuyana namumo vibeleye pakabalilo aka.

Hoseya 10:1

Aba Izilayeli bakaba ngati lo lutabo ulwa mampesya, lulo lukwela ivikomwa vyache. Bo ivikomwa vyache vikubala, bope bakazenga ivighemo ivyinji nkani. Bo ivintu vyabo vikubendela akiza muchisu, bope bakavighana nkani ivikumbusyo ivya mabwe amapaghuliwa.

Hoseya 10:6

Ichifwani chila chikwiza pakusendiwa nukubuka nacho ku Asiliya, ukuti chibanje chabupi kwa mwene umukulu. Aba Efulayimu bakwiza pakusamuliwa aba Izilayeli bope bakwiza pakuba ni soni, pachifukwa icha kwivwila amahala ghabo.

Hoseya 13:14

Nkwiza pakubatabula kumaka aghipumpa, sona nkwiza pakubasatula kubufwe. Wee bufwe wee, nkimba iviwaya vyako vili ko kwiyi? Wee lipumpa wee, nkimba ukunangannya kwako kuli ko kwiyi? Ntakwiza pakuba ni chililizi nachimochimo.

Hoseya 13:6

Bo nabalyesya, bakikuta nkani. Bo bikuta bakanda pakwituvya, po bakanduvya.

Hoseya 4:10

“Bakwiza pakulya, loli batakwiza pakwikuta. Bakwiza pakubomba ubwamalaya, loli batakwiza pakubalagha, pachifukwa ichakuti bamukanite u Mwene, umwakuti babombaye ubwamalaya.”

Hoseya 5:1

“Mwe baputi, ivwa kuno, sona mwe ba Izilayeli, teghelezya! Mwee bamunyumba iya bumwene, teghelezya, pakuti mukwiza pakulongiwa. Amwe mwaba mwe chipingo icha Mizipa, sona ichilepa chicho bachikuzuliye pa Taboli.

Hoseya 6:9

Ngati gho mavyondongo ghagho ghakuvwamilila abantu, momumo bope abaputi bakunangila. Bakubaghogha abantu pamusebo uwakubukila ku Shekemu, sona bakubomba ivintu ivikozya soni.

Hoseya 9:11

Ubuchindamu ubwa Efulayimu bukwiza pakubuluka ngati chiyuni, batakwiza pakupapa, bope abachi babo batakwiza pakuba, nulwanda sona batakwiza pakumelagha ulwanda.

Habakuku 2:16

Ukwiza pakukoziwa isoni mubuzilo ubwa buchindamu. Polelo chili papako, ng'welagha umwakuti ulanjizye ukusita kusilimuliwa kwako. Ubukali ubwa lubako ulwa Mwene bukwiza papako, ubuchindamu bwako bukwiza pakusamuliwa.

Malaki 2:9

“Polelo nabasamula, sona nabakozya isoni pakasi pabantu bosi, pachifukwa ichakuti mutakivwila ivimanyisyo vyane mukulonga inongwa pakwennya icheni.”

Ukukumbusya Amalamulo 32:15

Aba Izilayeli bakaba bakabi nkani, loli bakunsambukila. Bakina nkani, sona bakalya nukuvimbilwa. Pisinda pache bakamuleka u Chala wabo yuyo akabapela, nukulikana Ilyalabwe, yuyo Mupoki wabo.

Aba Filipi 3:19

Ubumalilo ubwa bantu banaba, ko kuzimila, pakuti u chala wabo zyo nyanda zyabo. Bakwituvikizya ni vintu vivyo babaghiye pakukoziwa navyo isoni. Amoyo ghabo ghali pavintu ivya muchisu ichapasi.

1 Samuweli 2:30

“ ‘Ane ne Mwene u Chala uwa Izilayeli nkabalayizya abamunyumba yako na baluko lwako ukuti bakwiza pakuba baputi bane bwila na bwila. Losi ulu ntakulonda sona! Loli nkwiza pakubachindika abantu babo bakunchindika, loli abantu babo batakunchindika nane bulo ntakwiza pakubachindika.