Hoseya 4:4 - IBAYIBOLO 2024

⁴ “Patakabepo nayumoyumo umuntu uwakumususya uwamwabo, pamo ukumusitaka uyunji, pakuti abantu bako bali ngati bantu babo bakubasitaka abaputi.

Hoseya 4:4 Iomraidhean Croise

Yelemiya 18:18

Po abantu bakati, “Zagha tubatike pakumubombela ububibi u Yelemiya! Pakuti abaputi bakwiza pakuba naswe akabalilo kosi pakutulongozya, abamahala bakwiza pakutulongozya, sona abalaghuzi bakwiza pakulumbilila amazyu agha Chala. Zagha tumupe inongwa, sona tuleke pakuteghelezya zizyo akunena.”

Ezekiyeli 3:26

Nkwiza pakululematizya ululimi lwako kumwanya ku mulomo, umwakuti ubanje we chinunu sona utakabachemelaye, napapo basambuke.

Hoseya 4:17

Abantu aba muchisu icha Efulayimu bimamatizizye bene kuvifwani, baleke bulo!

Amosi 5:10

Amwe mumubengite umuntu yuyo akulongela mubwanaloli, sona mukumusula umuntu yuyo akunena ubwanaloli pabulongi.

Amosi 5:13

Polelo, umuntu uwa mahala akuba bulo myee, pakabalilo ngati kanaka, pakuti ko kabalilo akabibi nkani.

Amosi 6:10

Sona nanti umukamu yumo yuyo akulonda pakubasyila iza nukwefyamo imivimba munyumba mula nukumulalusya yumo yuyo asyala munyumba mula ukuti, “Nkimba asyalako yumo?” Nanti akuti, “Awe.” Po akwiza pakunena ukuti, “Banga myee! Tutakachele pakulitambula itabwa ilya Mwene.”

Ukukumbusya Amalamulo 17:12

Umuntu wesi yuyo akukana ubudumulilo ubwa mulongi pamo umuputi, yuyo akubomba imbombo pamaso pa Mwene, u Chala winyu, aghoghiwanje. Bunubu amwe mukwiza pakwefyamo ububibi mu Izilayeli.