Hoseya 4:18 - IBAYIBOLO 2024

¹⁸ Nanti bang'wela nkani uvinyo bakulowa, sona abalongozi babo bighanite nkani pakubomba inkozyasoni.

Hoseya 4:18 Iomraidhean Croise

Ubwandilo 38:24

Bo pachilapo amezi matatu u Yuda akivwa ukuti, “Umulasagha wako u Tamala we malaya, ali nu lwanda.” Panapo na panapo, u Yuda akamulamula ukuti, “Bukagha pakumusenda nukumocha ukuti afwe.”

Masalimo 47:9

Abalongozi aba pachisu ichapasi babunganite poka, ngati bantu aba Chala uwa Abulahamu. Pakuti abamwene aba pachisu ichapasi ba Chala, yuyo wapamwanya nkani.

Ukufuma 23:8

“Mutakapokelaye amabeko, pakuti amabeko ghakubighalila amaso umwakuti ghakunyongannya ubwanaloli.

Yelemiya 2:21

Loli nkakubyala ngati mampesya amiza ghagho ghafumite mwikwi ilyiza. Po nkimba ukandeka bulibuli nukwipela pakuba mampesya agha mwisote?

Ezekiyeli 16:15

“ ‘Loli ukasubila ukuboneka akiza kwako nukubombezya ubumanyikwe bwako pakuba we malaya. Ukiyipa pakuba we malaya na wesi yuyo akwenda papako sona ukuboneka akiza kwako kukaba kwa muntu wesi yuyo akukunyonywa.

Hoseya 4:10

“Bakwiza pakulya, loli batakwiza pakwikuta. Bakwiza pakubomba ubwamalaya, loli batakwiza pakubalagha, pachifukwa ichakuti bamukanite u Mwene, umwakuti babombaye ubwamalaya.”

Hoseya 4:2

Muli bulo inguno nu bumyasi nukughoghana, nu bwiba, sona nu bwamalaya. Ukubomba imbibi kwafika pabwenecho, sona abantu bakughoghana kabilikabili.

Hoseya 9:10

“Bo namwagha u Izilayeli nkaba ngati naghagha amampesya munkolongo. Bo nkubennya aba banyenya, nkaba ngati po nkuvyennya ivikomwa ivya kwanda ivya makuyu. Loli bo biza pighamba ilya Baala Pewoli bakipaghulila bene ichifwani icha nkozyasoni, sona mukaba ngati chintu icha mwiko chicho mukachighana.

Amosi 5:12

Pakuti inzimenye mumo ukunanga kwinyu kubeleye, sona nu bwinji ubwa mbibi zyinyu. Mukubayivya abantu abagholosu, nukupokela amabeko sona mukunyongannya ubwanaloli panongwa izya bantu abapina.

Mika 3:11

Abalongozi bache bakulonga pachifukwa icha mabeko, abaputi bache bakumanyisya pachifukwa icha malipilo, sona abalaghuzi bakulaghula pachifukwa icha ndalama. Loli pope bulo beghamiye kwa Mwene nukuti, “Nkimba u Mwene ate pakasi papitu? Chitalipo ichiwaya chicho chingatuwila.”

Mika 7:3

Inyobe zyabo zyosi zimenye nkani pakubomba ububibi, abalaghili bakulaba ivyabupi, abalongi bakwitika amabeko, abantu abamaka nkani bakunena ivintu ivibibi vivyo vyizuye mumoyo ghabo. Po bosi bakubatikila poka.

Ukukumbusya Amalamulo 16:19

Mutakabunyongannye ubugholosu pamo ukulonga inongwa pakwennya icheni icha muntu. Mutakapokelaye amabeko pakuti amabeko ghakubighalila amaso abantu abamahala, sona ghakunyongannya ubwanaloli.

1 Samuweli 8:3

Loli abana banaba batakasendelako inkalo inyiza iya wise, umwakuti bakabombelagha bulo zyo ndalama. Bakanda pakupokela amabeko nukulonga inongwa umwakunyongannya ubwanaloli.