Hoseya 4:15 - IBAYIBOLO 2024

¹⁵ “Mwee ba Izilayeli napapo mukulowa nkani, loli aba Yuda batakabanje ninongwa. “Mutakabukaye ku Giligali, pamo ku Beti Aveni. Mutakalapaye ukuti, ‘Nkulapila mwitabwa ilya Mwene umumi!’

Hoseya 4:15 Iomraidhean Croise

2 Imbili 17:4

loli akabuzikizya kwa Chala uwa uwise nukukonka amalamulo ghache ukuchila inyiho izya mu Izilayeli.

2 Imbili 21:11

Ukonjelezyapo akazenga apakwiputilapo ivifwani mumaghamba agha mu Yuda nukubapela abantu aba mu Yelusalemu ukuti biputaye abachala abanji, po akabasovya abantu aba mu Yuda.

Yesaya 48:1

“Wee nyumba iya Yakobo, teghelezya ichi, wewe ukwitiziwa ni tabwa ilya Izilayeli, wafuma muluko ulwa Yuda, amwe mukulapa ichilapo mwitabwa ilya Mwene, sona mutakumwiputa u Chala uwa Izilayeli, mubwanaloli na mubugholosu,

Yelemiya 44:26

Loli ivwa amazyu agha Mwene mwe ba Yuda mwebosi mwe mukwikala mu Ijiputi. U Mwene akuti, ‘Nkulapila mwitabwa lyane ikulu ukuti: Atalipo nayumoyumo umu Yuda yuyo akwikala mu Ijiputi akwiza pakulapila sona mwitabwa linili ukuti, “Nkulapa mwitabwa ilya Mwene Uwamaka Ghosi umumi.”

Yelemiya 5:2

Napapo bakulapila mwitabwa ilya Mwene umumi, pope bulo bakulapa ivyabumyasi.”

Ezekiyeli 20:39

“Loli amwe mwe ba Izilayeli, u Mwene Uwamaka Ghosi akuti, ‘Buka pakwiputa ivifwani vyinyu, loli pisinda pache mukwiza pakunteghelezya mutakwiza pakulinyazya itabwa lyane izelu ni vyabupi vyinyu ni vifwani vyinyu.’

Hoseya 10:5

Abantu babo bakwikala mu Samaliya bakuchinyila ichifwani icha ngwata icha mu Beti Aveni. Abantu bache bakwiza pakuchilila, abaputi bache bakwiza bakuchilila, pachifukwa icha buchindamu bwache. Pakuti chasendiwa, nukubuka kuchisu icha buzya.

Hoseya 10:8

Ubuzilo ubwapamwanya ubwa Aveni, imbibi iya ba Izilayeli yimongoliwanje. Amivwa ni ntolovu vikwiza pakumela mulamula, nukuvivwinka ivighemo vyabo. Po bakwiza pakughabuzya amaghamba ukuti, “Tufisaye bulo!” Nukutubuzya utughamba ukuti, “Tuwilaye!”

Hoseya 11:12

U Efulayimu anzyunguliye nu bumyasi, sona bope aba Izilayeli banzyunguliye nu buzimbuli. Abantu aba mu Yuda bachili bali nu Chala, sona basubiliwa nkani ku yuyo Muzelu.

Hoseya 12:1

Ichakulya icha ba Efulayimu yo mpepo, sona isiku lyosi bakuyichimbizya impepo iyakubufumilo bwizuba, nukufingana nabo ubumyasi nu lombwa. Bakulapa ichilapo nu Asiliya, sona bakutuma amafuta gha misyunguti ku Ijiputi.

Hoseya 12:11

Nkimba mu Giliyadi muli ububibi? Abantu bache bate ni mbombo nayimoyimo! Nkimba bakwiyipa inkambaku mu Giligali? Ivighemo vyabo vikwiza pakuba ngati chilunda icha mabwe, pamughunda ghugho balima.

Hoseya 12:12

U Yakobo akachimbilila kuchisu icha Alamu. U Izilayeli akabomba imbombo, ukuti asende umuchi wache, sona akadima ing'ozi ukuti imale umuchi wache.

Hoseya 4:12

Bakubuzikizya ku chifwani icha ikwi, sona bakulaghula ni indisa yikubamula. Umuzimu uwa bwamalaya wabasovya, umwakuti batakusubiliwa kwa Chala.

Hoseya 5:8

Ipati livwikaye mu Gibeya, lizya ulupembe mu Lama. Wee Beti Aveni, kolomoka mwee ba Benjamini longolela.

Hoseya 9:15

“Nkubabenga pachifukwa icha bubibi bubo babomba muchisu icha Giligali, sona na pachifukwa icha mbombo imbibi zizyo babomba, po nkwiza pakubefyamo munyumba yane. Ane ntakwiza pakubaghana nalumo sona. Abalongozi babo bosi basambuke.

Amosi 4:4

“Buka ku Beteli nukubomba imbibi, sona buka ku Giligali, nukubomba imbibi inyinji. Zagha ni vyakwiyipa vyinyu pandabindabi posi, sona mubikaye ichigaba choka icha vigaba 10, pisiku ilyabutatu.

Amosi 5:5

Mutakabuke pakwiputa ku Beteli, mutakabuke ku Giligali, pamo ku Belisheba. Pakuti naloli abantu aba mu Giligali bakwiza pakusendiwa nukubuka kubuzya, sona u Beteli akwiza pakuzimila ngati chintu ichabulo.”

Amosi 6:10

Sona nanti umukamu yumo yuyo akulonda pakubasyila iza nukwefyamo imivimba munyumba mula nukumulalusya yumo yuyo asyala munyumba mula ukuti, “Nkimba asyalako yumo?” Nanti akuti, “Awe.” Po akwiza pakunena ukuti, “Banga myee! Tutakachele pakulitambula itabwa ilya Mwene.”

Amosi 8:14

Abantu bosi babo bakulapila mwitabwa ilya Ashima ichifwani icha Samaliya, pamo bakuti, ‘Naloli nkulapila mwa chala umumi uwaku Dani,’ pamo ukuti, ‘Naloli nkulapila mwa chala umumi uwaku Belisheba’ bosi banaba bakwiza pakuwa, batakwiza pakunyamuka sona.”

Aba Efeso 5:11

Mutakasendayepo ichigaba pavintu ivya muchisi vivyo vitakupa ivikomwa, loli mubavumbulaye pabuzelu.

Yoshwa 5:9

Po u Mwene akamubuzya u Yoshwa akati, “Ilelo nabefya isoni izya buzya bubo mukaba nabo mu Ijiputi.” Ichi cho chifukwa ubuzilo bula bakabwita ukuti Giligali, sona bukwitiziwa ni tabwa linili mupaka nilelo bulo.

Yoshwa 7:2

U Yoshwa bo ali mu Yeliko akabatuma abantu bamo ukubuka kukaya akakulu nkani aka Ayi kako kali papipi nakaya aka Beti Aveni, kubufumilo bwizuba ubwa Beteli, po akabalamula akati, “Bukagha mukatendele akaya aka Ayi.” Po abantu bakabuka nukukatendela akaya aka Ayi kala.