Hoseya 4:14 - IBAYIBOLO 2024

¹⁴ “Ntakwiza pakubafunda abana binyu abalindu nanti bakubomba ubwamalaya, sona ntakwiza pakubafunda abalasagha binyu nanti bakulowa, pachifukwa ichakuti abanavuli bo babo bakulowa na bakolo abamalaya, nukubika poka nabo ichakwiyipa ku vifwani, sona abantu babo batakwivwisya bakwiza pakunanganika.

Hoseya 4:14 Iomraidhean Croise

1 Abamwene 15:12

U Asa akabefya abamalaya abanavuli bosi mubuzilo ubwakwiputilamo muchisu chila, sona akefya ivifwani vyosi vivyo abanyenya bache bakapanga.

2 Abamwene 23:7

Akamongolannya inyumba zizyo abantu bakabombelaghamo ubwamalaya, zizyo zikaba mu Nyumba iya Mwene sona mumo abakolo bakalukagha inkazo zizyo abantu babo bakamwiputagha u Ashela bakavwalagha.

Ivyili 28:5

Umuntu umubibi atakwivwisya ukuti ubugholosu cho choni, loli yuyo akubomba ubwighane ubwa Mwene akubwivwisya nkani.

Yesaya 1:5

Nkimba mukulonda imbakome piyi, fwandi choni chicho mukusambuka bulo? Umutu winyu ghosi ghuvulaye sona amoyo ghinyu ghosi ghabinite.

Yesaya 27:11

Nanti isamba zyache zyumila zikupyoka, sona abakolo bakuzitenya nukuzipela pakuba nkwi. Pakuti banaba bo bantu babo batakwivwa, po Umupeli wabo ate ni chililizi nabo, Umupeli wabo atakubapelela ichisa.

Yesaya 56:11

Bali ngati zyo mbwa zizyo zili nizala, zizyo zitakwikuta nalumo. Bo badimi babo batakwivwisya, bosi bapulumpa izila zyabo, umuntu wesi ali pakulonda ichakukabilapo.

Daniyeli 12:10

Abantu abinji bakwiza pakuswefyiwa, nukusukiwa sona baswepite, loli abantu ababibi bakwiza pakubanga babibi. Atalipo nayumoyumo umuntu umubibi yuyo akwiza pakwivwisya, loli abantu abamahala bene bo babo bakwiza pakwivwisyanga.

Hoseya 14:9

Nkimba muntu wenu uwa mahala? Ivwisye ivintu vyosi vinivi. Nkimba muntu wenu yuyo akuvyaghannya ivintu vinivi, avimanye ivintu vinivi. Pakuti izila izya Mwene zigholokite, sona abagholosu bo babo bakwendamo, loli abantu abasambuke bakwipunulamo.

Hoseya 4:1

Mwe ba Izilayeli, teghelezya amazyu agha Mwene, pakuti u Mwene abapiye inongwa amwe mwe mukwikala muchisu chinichi. Inongwa yache yo iyi, “Muchisu mutalimo nabumobumo ubusubiliwa pamo ulughano, sona abantu batakubikilako amahala nizya Chala.

Hoseya 4:17

Abantu aba muchisu icha Efulayimu bimamatizizye bene kuvifwani, baleke bulo!

Hoseya 5:4

Imbombo zyabo zitakubitikizya pakunyokela kwa Chala wabo. Umuzimu uwa bwamalaya ghuli mumoyo wabo, sona batamumenye u Mwene.

Amosi 2:7

Bakusendelapo ulusako pabapina nukubasunkila, sona batakubabombela mubwanaloli abantu abakuyivyiwa. Uwise nu mwana wache umulumendo bakwinjila mumulindu weka, umwakuti bakulisamula itabwa lyane izelu.

Amosi 7:17

“Polelo u Mwene akuti, ‘Umuchi wako akwiza pakuba we malaya mukaya akakulu nkani, sona abana bako abalumendo na balindu bakwiza pakughoghiwa nupanga. Ichisu chako chope chikwiza pakupimiwa nukugabiwa, sona amwe mwebene mukwiza pakufwila muchisu chicho chitamumenye u Chala. Aba Izilayeli bosi bakwiza pakuba bazya, kubutali ni chisu chabo.’ ”

Ukubelengiwa 25:3

Aba Izilayeli bope bakanda pakumwiputa u Baala waku Pewoli. Po u Mwene akabakalalila nkani aba Izilayeli.

Yohani 8:43

Nkimba choni chicho mutakuzyaghannya zizyo nkunena? Pachifukwa ichakuti mutangivwisya amazyu ghagho nkunena.

Aba Loma 3:11

Nayumo umuntu yuyo wamahala, pamo yuyo akulonda pakumubombela u Chala.

1 Aba Kolinti 6:16

Pamo mutazimenye ukuti umuntu yuyo akwipatinkannya mwene nu mukolo umalaya, yuyo nu mukolo bakwipela bene pakuba mubili ghoka? Amasimbo ghakunena pabuzelu ghakuti, “Babili banaba bakwiza pakuba mubili ghoka.”

Aba Efeso 4:18

Inyinong'ono zyabo zili muchisi, sona bisabuyeko ku bumi ubwa Chala, pachifukwa ichakusita kumanya kwabo, kuko kwizuye mumoyo ghabo amakafu.

Ukukumbusya Amalamulo 23:17

Patakabepo nayumo umwanavuli pamo umukolo umu Izilayeli uwakuba we malaya mu Nyumba iya Chala.

Aba Hebeli 12:8

Nanti u Chala atakubafunda ukuyana namumo akubafundila abana bache bosi, kute kokuti mwe bana bache abenecho, loli mwe basiwana.