Hoseya 4:1 - IBAYIBOLO 2024

¹ Mwe ba Izilayeli, teghelezya amazyu agha Mwene, pakuti u Mwene abapiye inongwa amwe mwe mukwikala muchisu chinichi. Inongwa yache yo iyi, “Muchisu mutalimo nabumobumo ubusubiliwa pamo ulughano, sona abantu batakubikilako amahala nizya Chala.

Hoseya 4:1 Iomraidhean Croise

1 Abamwene 22:19

Po u Mikaya akanena sona akati, “U Mwene ati: Nkamwennya u Mwene ikaye pachitengo icha bumwene kumwanya, sona abantumi bosi bakimilila umwakumuzyungulila kundilo na kumongo kwache.

Masalimo 81:9

Patakabanje abachala abayeni pakasi papinyu, sona mutakabiputaye abachala abanji.

Yesaya 1:10

Mwee balongozi aba mu Sodomu, ivwa amazyu agha Mwene. Teghelezya indaghilo izya Chala witu, mwee bantu aba mu Gomola!

Yesaya 1:18

Po u Mwene akuti, “Zagha tunenezannye. Napapo imbibi zyinyu zingaba chee ngati libanda, zikwiza pakuba swee ngati we kabefu. Napapo zingaba nchesamu loli zikwiza pakuswepa ngati busapa.

Yesaya 28:14

Polelo ivwa izyu ilya Mwene, amwe mwe bantu aba madinko, mwe mukubalaghila abantu aba mu Yelusalemu.

Yesaya 34:1

Mwee inko, palamila ukuti mwivwe, mwee inko izya bantu teghelezya! Leka ichisu chivwe, navyosi vivyo vili mumo, ni chisu chosi ichapasi, sona navyosi vivyo vikufuma mulamula!

Yesaya 34:8

Pakuti u Mwene ali ni siku ilya kutanizizya abalwani bache, umwaka uwakubafunda, pachifukwa icha kaya aka Ziyoni.

Yesaya 5:3

Po ilelo umumanyani wane akuti, “Mwe bantu mwe mukwikala mu Yelusalemu na muchisu icha Yuda, mulonge pakasi pa ane nu mughunda wane uwa mampesya.

Yesaya 59:4

Mukubuka pabuzilo ubwakulongelapo inongwa, loli mutakubwaghapo ubwanaloli. Musubiye ubumyasi, bakumela intamyo nukupapa ububibi.

Yesaya 59:8

Izila iya mutende batayimenye, mute ubwanaloli muzila zyabo. Izila zyabo bazipela pakuba nyonganu, wesi yuyo akwendamo atakwiza pakughumanya umutende.

Yesaya 66:5

Ivwa izyu ilya Mwene, amwe mwe mukumunyila nukumwivwila, “Abawamwinyu babo bababengite, nukubafumyamo chifukwa icha itabwa lyane, bakuti, ‘Leka u Mwene achindikiwanje, umwakuti twennye ulusekelo lwako!’ Loli bakwiza pakukoziwa isoni.

Yelemiya 11:7

Pakuti nkabasoka abanyenya binyu kabilikabili nu moyo wane ghosi pakabalilo kako nkabefya muchisu icha Ijiputi mupaka ilelo nu moyo wane ghosi nukunena ukuti, ‘Munyivwilaye.’

Yelemiya 19:3

Ubabuzye uti, ‘Mwee bamwene aba mu Yuda, na bosi babo bakwikala mu Yelusalemu, ivwa ku zizyo ane ne Mwene Uwamaka Ghosi, u Chala uwa Izilayeli nkunena: Nkwiza nintamyo impalapala nkani pabuzilo ubu umwakuti wesi yuyo akwivwa akwiza pakuswigha bulo.

Yelemiya 2:4

Wee luko ulwa Yakobo, ivwa amazyu agha Mwene, sona na mwe bosi abaluko ulwa Izilayeli.

Yelemiya 2:9

Polelo u Mwene akuti, “Nkubapa inongwa, nkwiza pakubapa inongwa abanyenya binyu.

Yelemiya 25:31

Izyu likwiza pakwivwika na kubumalilo ubwa chisu ichapasi, pakuti u Mwene akwiza pakuzipa inongwa inko, akwiza pakubalonga abantu bosi, sona ababibi bakwiza pakughoghiwa nupanga. Ane ne Mwene nanena.’ ”

Yelemiya 34:4

“ ‘Loli ivwa amazyu agha Mwene wee Zedekiya u mwene uwa ba Yuda akuti: Utakwiza pakufwila kubwite.

Yelemiya 4:22

U Mwene akuti, “Abantu bane bapunganu, batammenye. Abana babo batakwinong'ona, sona batakwivwisya. Bo bafundi pakubomba ububibi, loli batamenye na pakubomba ubwiza.”

Yelemiya 4:28

Polelo ichisu chikwiza pakulila sona kope kumwanya kukwiza pakuba chisi chene, pachifukwa ichakuti ane ne Mwene nanena sona ntakwiza pakwandula inyinong'ono zyane, nadumula mpela, ntakwiza pakunyokela kwisinda.”

Yelemiya 5:4

Po nkati, “Banaba bo bantu abapina, bate na mahala naghamoghamo, pakuti batayimenye izila iya Mwene sona batachimenye chicho u Chala akuchilonda.

Yelemiya 51:5

Ichisu icha Izilayeli nicha Yuda vitalekiwe, nu Chala wabo, u Mwene Uwamaka Ghosi, napapo ichisu chabo chizuye nukunanga, pamaso pa Muzelu uwa Izilayeli.

Yelemiya 6:13

“Pachifukwa ichakuti ukwandila ku bana mupaka ku basongo bosi banaba bakunyonywa ukukabila ichuma muzila izya buzimbuli. Abalaghuzi na baputi bulo bosi bazimbuli.

Yelemiya 7:28

Polelo ubabuzye ukuti, ‘Ulu lo luko ulwa bantu babo batakaghitika amazyu agha Mwene u Chala wabo, pamo ukwitika ukunanga kwabo. Ubwanaloli butalipo pakasi papabo, sona butakwivwikapo pamilomo yabo.

Yelemiya 9:20

Mwee bakolo, ivwa izyu ilya Mwene, Ighula amakutu ghinyu ukuti mwivwe zizyo akunena. Mubamanyisye abana binyu abalindu namumo bangimbila ulwimbo ulwa pamfwa, umuntu wesi amumanyisye umupalamani wache pakulila.

Yelemiya 9:3

U Mwene akuti, “Bakupeteka indimi zyabo ngati bwele pakulasa ubumyasi, ichisu chizuye nu bumyasi mubuzilo ubwakwizula nu bwanaloli. Batakutuzya pakubomba imbibi, sona nako kumumanya batamumenye.

Yelemiya 9:7

Polelo u Mwene Uwamaka Ghosi akuti, “Ennya, nkwiza pakubasekesa nukubayela, pakuti chitalipo nachimochimo chicho ningababombela abantu bane, pachifukwa icha mbibi zyabo.

Ezekiyeli 16:35

U Mwene akambuzya akati, “Mubuzye u Yelusalemu ukuti, ‘Polelo, awe we malaya, ivwa amazyu agha Mwene!

Hoseya 12:2

U Mwene abapiye inongwa abantu aba mu Yuda. Akwiza pakumufunda u Yakobo ukuyana ni nkalo yache, sona akwiza pakumutanizya ukuyana ni mbombo zyache.

Hoseya 12:3

Bo ali mulwanda ulwa nyina, akachilema ichitende icha wamwabo, sona bo akula akalwana nu Chala.

Hoseya 5:1

“Mwe baputi, ivwa kuno, sona mwe ba Izilayeli, teghelezya! Mwee bamunyumba iya bumwene, teghelezya, pakuti mukwiza pakulongiwa. Amwe mwaba mwe chipingo icha Mizipa, sona ichilepa chicho bachikuzuliye pa Taboli.

Hoseya 5:4

Imbombo zyabo zitakubitikizya pakunyokela kwa Chala wabo. Umuzimu uwa bwamalaya ghuli mumoyo wabo, sona batamumenye u Mwene.

Yoweli 1:2

Mwee basongo, ivwa kuno, mwebosi mwe mukwikala muchisu, teghelezya. Nkimba ichintu chinichi chikabombiwapo lumo pakabalilo kinyu, pamo pakabalilo aka banyenya binyu?

Amosi 3:1

Mwee ba Izilayeli, ivwa zizyo u Mwene akunena nizya amwe, mwe luko lulo nkalwefyamo mu Ijiputi:

Amosi 7:16

Polelo ivwa amazyu agha Mwene. Awe ukunena ukuti, ‘Utakachele pakulaghula pakasi paba Izilayeli, sona uleke pakulumbilila kubaluko ulwa Yisaki.’

Mika 6:2

Mwee maghamba, ivwa ubulongi ubwa Mwene, teghelezya, mwee lwalo ulwa bwila na bwila ulwa chisu chosi ichapasi. Pakuti u Mwene abapiye inongwa abantu bache; akubasusya aba Izilayeli.

Yohani 8:55

Amwe mutamumenyepo nalumo, loli ane imumenye. Nanti natinji intamumenye, ngali ne mumyasi ngati mwemwe. Loli ane imumenye, sona nkwivwila amazyu ghache.

Aba Loma 1:28

Pachifukwa ichakuti abantu bala bakamusula u Chala, po akabaleka ukuti bakonke inyinong'ono zyabo imbibi ukuti babombaye ivintu vivyo batabaghiye pakuvibomba.

1 Aba Kolinti 15:34

Nyokelamo munyinong'ono zyinyu, sona muleke pakubomba imbibi, pachifukwa ichakuti balimo bamo mumwinyu babo batamumenye u Chala. Nkunena zinizi ukuti zibakozye isoni.

Ubuvumbuli 2:11

“Umuntu yuyo ali na makutu, ivwe zizyo u Muzimu Umuzelu akuvibuzya ivipanga. “Umuntu wesi yuyo akupota, atakwiza pakupalamasiwa nu bufwe ubwabubili.

Ubuvumbuli 2:29

“Umuntu wesi yuyo ali na makutu, ivwe zizyo u Muzimu Umuzelu akuvibuzya ivipanga.