Hoseya 3:4 - IBAYIBOLO 2024

⁴ Pakuti aba Izilayeli bakwiza pakwikala amasiku aminji nkani bo bate nu mwene pamo umulongozi bo batakubika ivyakwiyipa pamo pakuba na mabwe amazelu pamo u efodi pamo ichifwani.

Hoseya 3:4 Iomraidhean Croise

Ubwandilo 31:19

Bo u Labani abuka pakudumulila ameya agha ng'ozi zyache, bo achili ali kulakula u Lakelo akaghilapo ulusako nukwiba utwachala utwa munyumba iya wise.

Ubwandilo 31:34

U Lakelo akatufisa utwachala tula muchakwikalilapo icha pangamila yache, sona akikalapo umwenecho. U Labani akalondelezya muchisakasa chache, loli atakatwaghamo natumotumo.

Ubwandilo 49:10

Impalala iya bumwene yitakwiza pakwepamo nalumo munyumba iya Yuda. Akwiza pakubukakatila ubumwene ubu, akwiza pakughasunga amaka ghache mupaka u mwenemaka ghache ize, inko zyosi zikwiza pakumwivwila.

2 Samuweli 6:14

U Devedi akimbagha pamaso pa Mwene na maka ghache ghosi, bo avwalite u efodi umutonte.

2 Abamwene 23:24

Ukonjelezyapo, u Yosiya akabefyamo abantu babo bakubuzikizyanga ku mizimu na bamayele nu twachala utwa munyumba ni vifwani sona ni vintu vyosi ivyamwiko vivyo vikaba mu Yuda na mu Yelusalemu. U Yosiya akabomba bunubu pakufisya zizyo ibuku ilya ndaghilo lilyo umuputi u Hilikiya akalyagha mu Nyumba iya Mwene.

2 Imbili 15:2

Po akabuka pakukomana nu Asa nukumubuzya ukuti, “Wee Asa na mwebosi mwe bantu aba mu Yuda naba mu Benjamini ivwa kuno! U Mwene akuba namwe nanti mukuba nawe. Nanti mukumulondelezya, mukwiza pakumwagha, loli nanti mukumukana, wepe akwiza pakubakana.

Ukufuma 28:4

Ubalamule ukuti basone ichapachifuba nu efodi, ni nkazo, ni laya lilyo lilabiwe akiza nkani, ni mpumpu, sona nu lamba. Bamusonele amenda ghanagha uwamwinyu u Aloni na bana bache abalumendo pakuba baputi abakumbombela.

Ukufuma 28:6

Bapange u efodi uwa mwenda umutonte umulabannye nu golide nu buzi ubwa buluu nu buchesamile nu buchesamu.

Nkuto 2:9

Imilyango yache yadwiba pasi, sona zyope ni mpingwi zyache zyananganika. Abamwene bache poka na makambala ghache bali kubuzya pakasi pa inko izinji. Batakuzikonka nalumo indaghilo, bope abalaghuzi bache batakwennya nalumolumo ivisetuka ivya Mwene.

Ezekiyeli 19:14

Umoto ghukaka musamba zyache inkulu, ghukocha isamba zyache ni vikomwa. Katasyete akasamba nakamokamo akamaka, pakuba ndisa iya mwene.’ Iyi yo nkuta, sona yibombeziwanje pakuba nkuta.”

Ezekiyeli 20:32

Mukuti, “Tukulonda pakuba ngati inko, ngati bantu aba muchisu chosi, babo bakwiputa amakwi na mabwe.” Loli zinizi zitakwiza pakubombiwa.

Ezekiyeli 21:21

Pakuti u mwene uwamu Babiloni akwiza pakwimilila pamisebo mibili yiyo yilekanite, ukuti alabe amahala ku bachala abanji. Akwiza pakubomba amayele numusinda, nukubuzikizya kuvifwani vyache, sona akwiza pakwennya amatima agha vinyamana agha vyakwiyipa.

Ezekiyeli 21:31

Nkwiza pakupungulila ubukali bwane papako, nukufutila ukukalala kwane papako, nkwiza pakukubika munyobe izya bantu abakali, babo bamenye pakunangannya.

Daniyeli 11:31

“Abasilikali bache bamo bakwiza pakubunyazya ubuzilo ubwa malinga agha mu Nyumba iya Chala sona bakwiza pakumazya ivyakwiyipa ivya isiku ni siku. Po kulakula akwiza pakubikako ichintu ichinyazu, chicho chikupela ukunanganika.

Daniyeli 12:11

“Ukwanda pakabalilo kako ivyakwiyipa ivya isiku ni siku vikumalila sona ukwanda pakabalilo kako ichintu ichibibi ichakunangannya chikwimikiliwa, pakwiza ukubapo amasiku 1,290.

Daniyeli 9:27

Umulaghili yula akwiza pakufingana na bantu abinji nkani ukwa maka seveni, loli uhafu uwamasiku ghanagha akwiza pakukanizya ivyakwiyipa ni vyabupi. Akwiza pakubika ichintu icha mwiko mu Nyumba iya Chala, chikwiza pakubanga mulamula. Chinichi chikwiza pakubangako mupaka umuntu yuyo akabomba zinizi afundiwe nukunanganika, kuko u Chala amuyanizizizye.”

Hoseya 13:10

Nkimba ali ko kwiyi u mwene wako yuyo angakupoka? Nkimba bali ko kwiyi abalaghili bako mutwaya twako tosi utukulu nkani, babo ukatinji, Mpanga u mwene sona na makambala?

Hoseya 13:11

Po mubukali bwane nkabapa u mwene, sona mubukalale bwane nkamwefyamo.

Hoseya 2:11

Nkwiza pakulumazya ulusekelo lwache losi, ulusekelo lwache ulwa pamwaka ulwa Kupanta ukwa Mwezi. Nkwiza pakulumazya ulusekelo ulwa Kupanta ukwa Mwezi, nu lusekelo lwache ulwa Isiku Ilyakutuzya, kokuti ulusekelo ulwa mumasikumumasiku.

Aba Levi 8:7

Akamuvwika u Aloni ilaya nukumupinya nu lamba mumusana. Akamuvwika inkazo nu efodi nukumupinya sona mumusana nu lamba umulabannye akiza nkani.

Zekaliya 10:2

Ivifwani vikunena ubumyasi, bope abalaghuzi bakwennya ivisetuka ivyabumyasi, bakunena ivilota ivyabumyasi, ukusangalusya kwabo kwabulo. Polelo abantu bakwendakwenda bulo ngati ng'ozi izyakuyivyiwa zizyo zite nu mudimi.

Zekaliya 13:2

“Pisiku lilalila, nkwiza pakughazimya amatabwa agha vifwani ivya muchisu, batakwiza pakughakumbuka sona. Nkwiza pakubefyamo bosi babili abalaghuzi ni mizimu iminyazu iya muchisu chilachila. U Mwene anena.

Luka 21:24

Bamo bakwiza pakughoghiwa kubwite, abanji bakwiza pakusendiwa ngati bo bakayidi pakubuka nabo muvyisu ivinji. Po abantu babo bate ba Yuda bakwiza pakumukanyankila u Yelusalemu mupaka akabalilo akabumalilo bwabo kakwane.

Yohani 19:15

Bakakolomoka nkani bakati, “Mughoghe! Mughoghe! Mukomele pachipinjika!” U Pilati akabalalusya akati, “Nkimba mukulonda ukuti ane imukomele u mwene winyu pachipinjika?” Abaputi abasongo bakamwamula bakati, “Tute nu mwene uyunji, loli u Kesale mwene.”

Aba Hebeli 10:26

Nanti tukuvimbilila bulo pakunanga bo twamanya ubwanaloli, chitalipo nachimo ichakwiyipa chicho chingapeghiwa pachifukwa icha mbibi zyitu.

Abalongi 17:5

U Mika yunuyu akaba na kachipinda akache na kache akakwiputilamo. Akasona amenda agha efodi, nukubiza utufwani tumo utunandi, po akamwimika umwana wache yumo ukuti abanje muputi wache.

Abalongi 18:14

Abantu fayivi babo bakatendelagha ichisu icha Layishi, bakabalalusya abakamu babo bakati, “Nkimba muzimenye ukuti inyumba yoka pa nyumba izi muli u efodi, na bachala abanji, sona ni chifwani icha siliva? Nkimba tubombepo choni?”

Abalongi 8:27

U Gidiyoni akamubombezya ugolide yula pakupanga ichifwani nukuchibika mukaya akakulu nkani aka Ofula, kako kakaba kaya kache. Po aba Izilayeli bosi bakanda pakuchiputa kulakula mubuzilo ubwa Chala, po chikanduka chipingo kwa Gidiyoni na bamunyumba yache.

1 Samuweli 14:3

Pakasi pabantu balabala pakabapo umuputi u Ahiya, yuyo akavwalagha u efodi. U Ahiya akaba mwana uwa Ahitubi, uwamwabo uwa Ikabodi, umwana uwa Finehasi, sona umwizukulu uwa Eli, yuyo akaba muputi uwa Mwene mu Shilo. Po abantu bala batakazimanya ukuti u Yonatani epitepo.

1 Samuweli 15:23

Pakuti ukumusambukila u Mwene, kuyanite bulo na mayele. Ukwituvya yo mbibi, yiyo yiyanite bulo nukwiputa ivifwani. Pachifukwa ichakuti waghakana amazyu agha Mwene, wepe akukana ukuti utakabanje sona we mwene.”

1 Samuweli 2:18

Loli u Samuweli akamubombelagha u Mwene, bo avwalite u efodi umutonte.

1 Samuweli 21:9

Umuputi yula akamula akati, “Indi nupanga uwa Goliyati, umu Filisiti yuyo ukamughogha mwikombe ilya Ela. Imunnyembeteleye nu mwenda kunyuma kwa efodi. Nanti ukumulonda senda, pakuti cho chilwilo chene chicho indi nacho.” U Devedi akati, “Mpanga, pakuti atalipo nayumo upanga uyunji yuyo ayanite nawe.”

1 Samuweli 22:18

Po u mwene akamubuzya u Dowegi akati, “Baghoghe.” U Dowegi umu Edomu akabaghogha abaputi bosi bala. Pisiku lilalila akabaghogha abaputi 85, babo bakavwalagha u efodi umutonte.

1 Samuweli 23:6

Bo u Abiyatala umwana uwa Ahimeleki akuchimbilila kwa Devedi ku Keyila, akasenda u efodi.

1 Samuweli 23:9

Bo u Devedi azimanya ukuti u Sabuli akubatika pakumubombela ichintu ichibibi, akamubuzya umuputi u Abiyatala akati, “Mpanga u efodi.”

1 Samuweli 30:7

U Devedi akamubuzya umuputi u Abiyatala, umwana uwa Ahimeleki akati, “Mpanga u efodi.” Po u Abiyatala akamupa.