Hoseya 3:2 - IBAYIBOLO 2024

² Po nkiyimala pakubika isalabazya 15 izya siliva, sona ni vidudunga 7 ivya mapemba.

Hoseya 3:2 Iomraidhean Croise

Ubwandilo 31:41

Umu momumo nkikalila amaka ghosi 20, bo indi munyumba yako. Nkakubombela amaka 14 pachifukwa icha bana bako abalindu babili, nukukudimila ing'ozi ni mbuzi zyako amaka sikisi. Pope bulo ukandulannya amalipilo ghane aka teni.

Ubwandilo 34:12

Mumpimile ivyuma, sona na mosi mumo vingabela ubwinji nkwiza pakwimala pene papo mwanyitikizya ukuti imusende umwana winyu pakuba muchi wane.”

Ukufuma 22:17

Loli nanti uwise akukana ukuti umwanavuli yula atakamusende umwana wache, umwanavuli yula abaghiye imale umulindu yula.

Yesaya 5:10

Po amaghunda teni agha mampesya ghagho mubyete, mukwiza pakwizuzyamo indobo yoka, pa vidudunga teni ivya mbeyu vikwiza pakwela, ichidudunga choka icha mbeyu.”

Ezekiyeli 45:11

Ichidudunga nindobo vibanje vipimilo vyakuyana bulo, ivintu vivyo mwapima mundobo 10 ivya homala viyane bulo muvidudunga 10 ivya homala, homala cho chipimilo icha vintu vyosi.

Hoseya 3:3

Nkamubuzya nkati, “Ilelo Wikalaye munyumba yane amasiku aminji, po utakabombaye sona ubwamalaya, pamo ukulowa sona nu mwanavuli uyunji. Nane bulo nkwiza pakwikalagha poka nawe.”

Aba Levi 27:16

“Nanti umuntu akuchipaghulila kwa Mwene ichigaba chimo icha chisu chache, umutengo wache ghuyane ni mbeyu yiyo angabyala mumughunda ghula. Imbeyu iya mapemba iyakukwana amakilogalamu 20 umutengo wache ghubanje isalabazya izya siliva 50.

Luti 4:10

Ukonjelezyapo nu Luti wepe umu Mowabu, umufwilwe uwa muyazi u Maloni yula, aba muchi wane, umwakuti itabwa ilya muyazi yula lyendelelaye pachilingo chache. Bunubu itabwa lyache litangazimila pakasi pa bakamu bache, sona na mukaya akakulu aka. Ilelo mwebosi mwe bakaboni.”

1 Samuweli 18:25

u Sabuli akamula akati, “Mumubuzye u Devedi muti, ‘Umwene atakulonda ubwimazu nabumobumo, loli twene utukwela utwakuntazi kunkule izya banavuli 100 aba ba Filisiti, ukuti imbatanizizye abalwani bane.’ ” U Sabuli akabatika ukuti aba Filisiti bamughoghe u Devedi.