Hoseya 3:1 - IBAYIBOLO 2024

¹ U Mwene akambuzya akati, “Bukagha ughanane sona nu mukolo yula napapo ali nu mwanavuli uyunji, sona nukuti umukolo yunuyu we malaya. Umughanaye ngati mumo u Mwene abaghaniye aba Izilayeli, napapo abantu banaba bakubiputa abachala abanji, sona nukuti abaghanite nkani pakubika ichakwiyipa icha ivitumbuwa ivipapate ivya mampesya.”

Hoseya 3:1 Iomraidhean Croise

2 Samuweli 6:19

Po u Devedi akabagabila aba Izilayeli bosi abanavuli na bakolo ichibama, ni chipuza icha nyama inyoche, sona ni chitumbuwa ichipapate. Pabumalilo abantu bosi bakabwela.

2 Abamwene 13:23

Loli u Mwene akabapelela ichisa aba Izilayeli, sona akabapasikizyanga nkani pachifukwa icha lufingo lulo akafingana nu Abulahamu nu Yisaki, sona nu Yakobo. Ichi cho chifukwa mupaka nilelo bulo atakulonda ukuti abanangannye pamo ukubefya pamaso papache.

1 Imbili 16:3

Po u Devedi akabagabila aba Izilayeli bosi abanavuli na bakolo ichibama ni chipuza icha nyama inyoche sona ni chitumbuwa ichipapate.

Nehemiya 9:31

Loli pachifukwa icha chisa chako ichikulu utakabazimizya abantu bako pamo ukubaleka, pakuti we Chala uwachisa sona uwachililizi.

Masalimo 123:2

Ukuyana namumo umuzya umulumendo amusubiye u mwene wache, sona ngati mumo umuzya umulindu amusubiye u mwene wache, umwakuyana bulo aswe tukumulindilila u Mwene u Chala witu, mupaka atupelele ichisa.

Ukufuma 32:6

Pandabindabi nkani abantu bakabika ivyakwiyipa ivyakocha nukubika ivyakwiyipa ivyabupoka. Abantu bala bakalya nukung'wela, po bakanda pakwimba nukwisamula bene.

Inyimbo izya Solomoni 2:5

Undyesyanje amampesya amumizu, sona unsangalusyanje na manyele, pakuti indi nizala iya lughano.

Yesaya 45:22

Amwe mwe bantu bosi aba pachisu ichapasi, pindukila kukwane ukuti mupokiwe, pakuti Ane ne Chala, sona atalipo uyunji.

Yelemiya 3:20

Utame musubiliwa ngati mukolo ku mulume wache, mwee ba Izilayeli, momumo mwabela basita kusubiliwa kukwane. Ane ne Mwene nanena.”

Yelemiya 31:20

Nkimba u Efulayimu te mwana wane umulumendo umughaniwa, nkimba te mwana wane uwa pamoyo? Napapo nkumunena ububibi kabilikabili, loli pope bulo nkumukumbuka. Polelo umoyo wane ghukumusamba, sona nkuba nawe nichililizi ichikulu. Ane ne Mwene nanena.

Hoseya 11:8

Wee, Izilayeli ningakuluvya bulibuli? Nkimba ningakupa bulibuli u Efulayimu? Nukukuleka we Izilayeli nkimba ningakupa bulibuli ngati we Adima? Nukukubombela ngati we Zeboyimu? U moyo wane wanduka, sona chope ichililizi chandema nkani.

Hoseya 2:5

Unyina atakaba musubiliwa, sona akamela ulwandwa bo akubomba inkozyasoni. Akati, “Nkwiza pakubakonka abapamoyo bane, babo bakumpa ichakulya, na mizi. Bakumpa sona ameya, na menda amatonte, na mafuta agha misyunguti, sona nu vinyo.”

Hoseya 4:11

U Mwene akuti, “Ubwamalaya, uvinyo uwakale manyi umupya akughanangannya ukwivwisya ukwa bantu bane.

Hoseya 7:5

Pisiku ilya lusekelo ulwa mwene witu, amakambala ghakukolwa nu vinyo, sona akubapoka na bantu abalobezyo.

Amosi 2:8

Bakulambalala mulubazu ulwa vighemo vyosi sona na pamenda ghagho basenda pakuba chikole. Munyumba izya bachala babo bakung'welelamo u vinyo, yuyo abantu balipila panongwa.

Amosi 6:6

Mukung'welela uvinyo mumbako inyizule, sona mukupakala amafuta aghakununkila nkani, loli mutakuba ni chitima pachifukwa icha kunanganika ukwa Izilayeli.

Mika 7:7

Loli ane, nkwiza pakubikapo nkani umoyo wane pa Mwene wane. Nkumulindilila u Chala Umupoki wane, u Chala wane akwiza pakunyivwa.

Zekaliya 1:16

“Polelo u Mwene akuti, ‘Nanyokela ku Yelusalemu nu moyo uwa chililizi, po palapala inyumba yane yikwiza pakuzengiwapo sona.’ U Mwene Uwamaka Ghosi ati, ‘Nkwiza pakugholosezya ulukusa ulwakupimila pa Yelusalemu.’

Matayi 26:50

U Yesu akamula akati, “Wee mumanyani, lubilo bomba chicho wiziye pano.” Po bakiza, bakamulema nukumupinya nkani u Yesu.

1 Aba Kolinti 10:21

Mutangang'welela mulubako ulwa Mwene, sona na mulubako ulwa mizimu imibibi; mutangalyela pitebulo ilya Mwene, sona na pitebulo ilya mizimu imibibi.

1 Aba Kolinti 10:7

Tutakiputaye ivifwani ukuyana namumo bamo bakabombelagha. Pakuti Amasimbo ghakuti, “Abantu bala bakalya nukung'wela, po bakanda pakwimba nukwisamula bene.”

1 Pitala 4:3

Pakuti kale mukatagha akabalilo kinyu pakubomba ivintu vivyo abantu abakuzi bakabombagha. Amwe mukabombagha ubwamalaya, ni vinyonywa nu bwaching'wela nu bupafu, sona nukwiputa ivifwani.

Abalongi 10:16

Po bakabefya abachala abayeni bala pakasi papabo nukumubombela u Mwene. U Mwene akaba ni chitima naba Izilayeli pachifukwa icha mayimba ghabo.

Abalongi 9:27

Isiku limo abantu bosi bakabuka mumaghunda pakuyaba amampesya, bakafinya uvinyo nukuba nu lusekelo munyumba iyakwiputilamo abachala babo. Mulamula bakalya nukung'wela, po bakanda pakumusamula u Abimeleki.